“Ano bang sinasabi mo, Julie-”
“Hindi ako ‘yong taong dapat mong katakutan na pagsabihan ng katotohanan. Tandaan mong magkakampi tayong dalawa. Iisa lang ang kalaban natin. Iisa lang ang sitwasyon na kinasasadlakan natin. Ang iisa lang din layunin natin—kaya bakit hindi tayo magkasundo?” Sinisikap kong mahimok ko ang nurse na sumakay sa akin at tanggapin ang in-o-offer ko.
Naipikit niya ang mga mata nang mariin. Humanap siya ng upuan kung saan siya p’wedeng maupo habang pinagmamasdan ko lang siya at hinihintay na magsalita siya. Pakiramdam ko kasi ay handa na siyang magkwento.
“Mekaniko ng pamilya nina Sir Felix noon ang tatay ko. Mahusay siyang mekaniko at kahit anong mga sasakyan o kahit gaano man kalala ang mga sira nito, nagagawan ni Papa ng solusyon na paganahin itong muli. E, no
