KAAGAD na inalam ni Ivann ang buhay ni Vanessa Amorsolo Rivera, asawa nito si Frank Rivera at anak ni Joaquin Amorsolo. Napag-alaman niyang walang anak si Frank at Vanessa kahit na matagal ng kasal ang mga ito. Sa tingin niya ay wala namang planong mag-anak ang mga ito. Kilalang tao ang mga Amorsolo, mayroong iba't-ibang negosyo saan man panig ng bansa. Aktibo rin ang ama ni Vanessa na si Joaquin sa lahat ng mga charity event. Ang totoo nga ay founder pa ang ama nito sa mga kilalang charity institution kung kaya marami ang nagmamahal sa mga Amorsolo. Hinahangaan at tinitingala. Nakita niya rin sa social media na kasama si Vanessa sa mga ginagawa ng ama nito, walang kaalaman alam ang mga tao na sa kabila ng maaamong mga mukha at pagtulong ng mga ito ay isang demonyo pala na handang magbayad
