HINDI akalain ni Ivann na si Candice ang kanyang magiging amo dahil ang buong akala niya ay si Frank ang naghahanap ng bodyguard. Wala naman kaso sa kanya kung si Candice ang magiging amo niya---mas okay nga 'yon sa kanya dahil nababantayan niya ang babae at hindi niya kailangan mag-ingat sa kanyang ikinikilos lalo na at nagpapanggap lamang siya sa katauhan ni Ian.
"Hindi mo na talaga pinag-iisipan ang mga ginagawa mo. Baka mamaya ay mapahamak ka. Paano kapag nalaman ng Gio na yun na ikaw pala si Ivann at hindi naman si Ian ----at nagpapanggap ka lang?" tanong pa sa kanya ni Candice.
"Wala siyang kailangan malaman. Isa pa nag-iingat naman ako. Naging pulis din remember? Kaya alam ko ang ginagawa ko. Hindi ba sabi ko sayo magtiwala ka sa akin?" ani niya pa sa babae.
Naiintindihan niya n
