ISANG araw lang silang nagkakilala ni Gio ay nagtiwala na ito sa kanya. Unang-una ay nalaman niya ang lihim nitong paggamit ng cocaine, hinayaan niya lang ito ng mga oras na iyon at kunwari ay nakikinig sa mga problema nito pero ang totoo ay kumukuha lamang siya ng impormasyon sa lalaki. Paniwalang-paniwala ito na dati siyang adik at dating pumasok ng rehab kahit na ang totoo ay hindi naman talaga. Never pa siyang nakatikim ng kahit anong drugs.
Dalawaga araw rin ang lumipas at tinawagan siya ni Gio, hindi niya iyon inaasahan. Nakuha raw nito ang number niya kay Jessica. Ang gusto ni Gio ay magkita sila kung kaya pinagbigyan niya ang lalaki at nagkita sila sa labas.
“Nagulat ako ng tumawag ka… To be honest?--- Hindi ko inaasahan na tatawagan mo ako lalo na at napaka-busy mong tao,” wika
