Indie Emerson
Instead of eating on the food court, sa area na lang namin sa Art Bar ko dinala si Weston. Nag-take out na lang kami. Masyadong maraming tao sa food court, ayoko ro'n. Nang bumalik kami sa Art bar ay hiyang-hiya ako dahil sa mapang-asar nilang titig. Si Weston naman ay nakangiti lang, kanina pa nga 'yan. Halos mapunit na 'yong labi niya sa kakangiti.
Walang tao sa area namin at sinabi ni Lovely na lumabas na ang kasama ko, maaga raw umalis, baka may pupuntahan din. Isinara ko ang pintuan at napansin kong inikot ni Weston ang mata sa silid na parang minamasid. Makalat at hindi na ako nakapaglinis kanina. Dumiretso ako sa isang table na naroon at inilapag ang hawak kong paper bag na may laman na pagkain. Lumapit ako sa drawer kung saan nakalagay ang iba kong gamit. Kinuha ko
