SASA'S POV--
Dalawang araw na simula ng may mangyari sa kanila ni Kean. Hindi parin niya magawang i-alis sa isip ang katangahang nagawa. Kung may kokoranahan ng pagiging marupok ay tiyak na siya na iyon at wala nang iba.
Pagkatapos noon ay hindi na niya ito nakita sa hacienda. Sinabi nitong kailangan muna daw nitong umuwi sa Manila dahil may naging problema sa kompanya nito na dapat nitong ayusin. Kahit hindi naman na kailangan nitong sabihin pa sa kanya ang bagay na iyon ay sinabi parin nito. Sinagot niya lang ang lalaki ng kibit balikat. Ang totoo ay hindi niya kayang makipagtitigan dito.
Nasa may duyan siya at nagpapahangin habang pinapanood ang anak na naglalaro sa may damuhan. Kasama nito ang ibang bata na ka-klase ni Zeki sa Daycare Center. Mahina niyang tinutulak ang sarili sa
