LUISEE
Kung kami lang ang tao sa hapag-kainan ay gusto ko siyang tanungin kung bakit nga ba kailangan pa niya akong hanapin ng sampung taon para lamang malaman ang sagot ko kung bakit ako umalis ng walang paalam. Iyon lang ba talaga ang pakay niya o may gusto pa siyang sabihin?
"Wow! That was too deep, iho. Mukhang malaki ang naging epekto sa'yo ng babaeng iyon dahil hindi mo s'ya nakalimutan over a decade. Iba nga talaga magmahal ang mga Estevan." Basag ni Tito Ernest sa katahimikan. Saka naman ako nahimasmasan.
Sinulyapan ko si Earl na hindi ko inaasahan na nakatingin pala sa 'kin. Hindi ko mabasa ang ipinapakita nitong emosyon. May kung ano itong iniisip na hindi ko mawari.
Nag-iwas ako ng tingin at muling itinuon ang atensyon sa pagkain. Kapag ganitong kaharap si Haru ay gusto ko
