LUISEE
Nakakailang hikab na ako habang naglalakad. Sobra ang antok ko. Alas-tres na ako hinatid ni Haru sa dorm. Ang sabi nito ay h'wag na raw akong pumasok para makabawi ako ng tulog. Sinabi rin nito na kakausapin daw nito si Prof. Ingrid Mayores kung bakit hindi ako makakapasok subalit hindi ako sumang-ayon sa nais nito. Ayoko mag-skip ng subject lalo pa at major subject ko iyon.
Baka dumating na rin sa punto na pag-initan na ako ng mga kaklase ko dahil palagi na lang ako pinapaburan ng mga prof ko. Gusto ko maging patas pagdating sa pag-aaral. Mabuti na lamang at napakiusapan ko ang lalaking iyon. Sumang-ayon naman siya sa nais ko. Napangiti naman ako ng sumagi si Haru sa isip ko. Nawala tuloy ang antok ko.
Habang naglalakad ay hindi nawawala ang ngiti ko sa labi. Hindi ko na nga al
