LUISEE
Tulala ako habang nakatingin sa kawalan. Hindi ko na nga napapansin ang nasa paligid ko dahil sa mga sumasagi sa isip ko. Bawat baling ko ng tingin sa ibang tao ay mukha ni Haru ang nakikita ko. Nababaliw na nga yata ako dahil napapangiti rin ako mag-isa lalo na kapag naiisip ko ang mga gestures ni Haru at ang mga sinabi niya ng gabing pinuntahan niya ako sa dorm.
Nang gabing iyon, kahit may sakit ako ay hindi ako makapaniwalang katabi ko siya at yakap niya ako. Ang eksenang iyon ang paulit-ulit na sumasagi sa isip ko. Sumisingaw ang init ko ng gabing iyon sa katawan ngunit naramdaman ko parin ang init ng katawan ni Haru. Kakaiba ang naramdaman ko ng gabing iyon.
Hindi ko rin akalain na makakatulog ako sa yakap niya. Hindi ako sanay na may katabi sa higaan pero naging komportab
