LUISEE
Hindi muna ako nagpakita ng isang araw kay Haru dahil alam kung hindi pa humuhupa ang galit niya. Pagkatapos ng isang araw ay pinuntahan ko ang condo niya.
Umaga palang ay nakaabang na ako sa paglabas niya dahil alam ko na maaga siyang umaalis para pumasok sa opisina. Ngunit nakakailang balik na ako sa condo niya ay hindi ko s'ya matyempuhan.
Hindi ko alam kung sinasadya ba niya na hindi talaga ako harapin. Nakakailang text na rin ako sa kan'ya ngunit wala akong natatanggap na mensahe mula sa kan'ya. Tinawagan ko rin siya ngunit hindi ko makontak ang cellphone niya.
Isipin ko palang na ayaw na nga niya akong makita ay labis nang nagpapadurog ng puso ko.
Hanggang isang araw ay hindi na ako nakatiis ay sinadya ko na siyang puntahan sa opisina niya. Gusto ko na kasi siyang maka
