HARU
Hindi ako mapakali sa harap ng pintuan ng kwarto kung saan nasa loob si Luisee. Para akong pusa na hindi mapaanak dahil maya't maya ang balik ko. Nag-iipon pa ako ng lakas ng loob bago siya harapin.
Sa tanang buhay ko ay ngayon lang ako kinabahan ng ganito. Animo'y hindi na ako aabutin ng umaga dahil anumang oras ay wala na akong hininga kapag nakaharap ko na siya.
Nakita ko kung paano nag-iba ang hitsura niya ng halikan ako ng babaeng iyon. Ni hindi ko nga inaasahan na pupunta pa ang babaeng iyon dito sa condo ko. Ang mali ko lang ay bakit dito kami nagpunta at hindi na lang sa hotel ng huli kaming magkita dahil ang buong akala ko ay hindi na ulit mangyayari.
Ganun ba ako kalasing ng gabing iyon kaya naman ay hindi ko namalayan na condo ko pala ang tinungo nito.
"Dammit. I a
