NAPATAYO nang tuwid si Henri nang makita si Elena. Ngunit kaagad din siyang napalunok nang makita na naman ang takot sa magandang mukha nito.
Akmang lilihis ito nang daan nang kaagad niya itong harangan. Nang bigla itong umatras at akmang tatakbo ng pigilan niya ito sa palapulsuhan.
"Wala akong gagawing masama, Elena."
Hindi niya maiwasang diinan ang pananalita at mukhang may balak itong sumigaw. Hindi pa naman sila nalalayo sa University.
"Ano ba, bitiwan mo nga ako!" asik nito.
Kaagad naman niya itong binitiwan ngunit sinigurado niyang hindi ito makakatakas sa kanya kung sakaling tumakbo ito.
Nasasaktan siya sa matinding pagkatakot nito sa kanya. Sana, naisip man lang nito, sa tagal niyang pangungulit hindi siya gumawa ng bagay na ikakatakot nito.
Nang dahil lang sa walang k'we
