SAMANTALANG ngising tagumpay si Gail.
Walang kaalam-alam ang magaling niyang amo, na sinadya niyang ipasok sa Modeling Agency ang kasintahan nitong si Elena.
Balak niyang ilayo si Elena kay Henri. Palihim niyang kinuha ang impormasyon ng dalaga at napag-alaman niyang mataas ang pangarap nito sa buhay.
Kaya, kinausap niya ang malapit niyang kaibigan na nagmamay-ari ng KZ Agency na taasan ang sahod ni Elena. Gusto niyang silawin ito sa pera at mukhang hindi siya nabigo at kaagad itong pumayag na maging Assistant.
Ngunit ang totoong plano niya, ay gawin itong modelo. Inaasahan niyang posible itong tumanggi - ngunit titiyakin niyang papayag at papayag ito sa mga susunod na hakbang na gagawin niya.
Sisiguraduhin niyang masisira ang relasyon ng dalawa, oras na sumikat ito bilang isang mod
