LUMIPAS ang mga araw.
Naging masaya ang pagsasama nila ni Henri. Lalong lumalim ang pagmamahalan nilang dalawa.
Hatid-sundo siya nito.
May pagkakataon ngang sinusundo siya nito sa oras nang tanghali para sabay silang kumain sa restaurant.
Masasabi ni Elena na masyado itong maalaga - na kahit alam niyang abala rin ito sa trabaho, hindi ito nawawalan ng oras sa kanya.
Walang araw na hindi nito ipinaparamdam kung gaano siya nito kamahal. Lagi rin siya nitong binibigyan ng bulaklak at chocolates!
May pagkakataon namang magigising na lang siya dahil sa amoy ng pagkain. Makikita na lang niyang nakahanda na ito sa mesa.
Kakain na lang talaga siya. Ganoon kaalaga ang nobyo niya.
Tinatrato siyang parang isang prinsesa na talagang hindi naman niya pinangarap ngunit iyon ang laging ipinap
