HABANG nagkakasiyahan ang mga bisita, nakaupo sa hindi kalayuan sina Elena at Henri. Hawak nito ang kamay niya habang marahang pinipisil-pisil.
Hindi mawala-wala ang ngiti sa labi ni Elena habang pinagmamasdan ang mga sumasayaw. Aliw na aliw ang kanyang mga magulang.
Proud yata ang mga ito na nakapagtapos na siya ng Pag-aaral. Higit sa ikinaiyak ng mga ito dahil Honor Student siya.
Isang tikhim ang nagpalingon kay Elena.
Ang nobyo niyang si Henri na titig na titig sa kanya.
"So, anong plano mo ngayon, baby?" tanong nito.
Nakangiti ito, ngunit mababanaag ang bahagyang kaseryosohan sa mga mata nito.
Sandaling hindi nakakibo si Elena. Hindi niya alam kung paano sasabihin sa nobyo ang binabalak niya.
Matagal na niya iyong pinag-isipan at nasabi na nga niya iyon sa mga magulang niya
