MAYNILA
Isang halik sa labi ang nagpagising kay Elena. Ang guwapong mukha ni Henri ang bumungad sa kanya.
"We're here.."
Biglang napaupo nang tuwid si Elena. Tila naglaho ang antok na nararamdaman niya nang makita ang matatayog na gusali at ang kapaligiran ay nababalutan ng liwanag.
Namamanghang inilibot ni Elena ang buong paningin.
Kahit madaling araw na no'n, paroon at parito pa rin ang mga sasakyan. Para bang hindi natutulog ang mga tao roon?
Hindi katulad sa probinsya, alas siyete palang ng gabi, nasa kaniya-kaniya nang tahanan.
"Ang ganda pala talaga ng Maynila!" bulalas niya.
Pansin ni Elena ang bahagyang pag-iling ni Henri at pagpapakawala nito ng buntong-hininga. Tila hindi ito sangayon sa sinabi niya.
Ngunit nanatiling tikom ang bibig nito.
Hanggang sa lingunin ni
