NAPANGITI si Henri nang makitang mahimbing pa ring natutulog ang nobya. 'Di niya napigilang yakapin ito at ikulong sa mga bisig niya. Hinalikan din niya ang noo at labi nito.
Buong pagmamahal na tinitigan niya ang magandang mukha nito. Kahit sa pagtulog, sobrang ganda pa rin nito. Kitang-kita ang kapayapaan sa mukha nito.
Sa isiping magiging okay na sila ulit, hindi naiwasang mapangiti ni Henri habang nakatitig dito. Naisip niyang mas paiiralin niya ang intindihin ito at hintayin hanggang sa maging handa na ito.
Kaysa naman, ipilit niya ang sariling kagustuhan kung ang magiging kapalit ay paghihiwalay nilang dalawa. Alam niyang 'di niya iyon kakayanin.
Kung minsan, napapailing na lang si Henri, at hindi niya lubos akalaing sa kabila ng pagiging Mafia niya noon, may busilak siyang pus
