إمرأه قوية

الجزء السابع

وبعد ما فاات شويه وقت وكان قاسم اتفق علي الشقه الي في نفس البيت الي في أهله وكان الكل مبسوط بالخطوة دي وأنهم هيبقو مع بعض مش هيفرقهم غير وقت النوم بس وكانت الشقه فعلا مش محتاجه توضيب ولا اي حاجه كانت شقه عريس زي ما بيتقال عايزه العفش بس وبدأو يتفقو علي القايمه والمؤخر والي ليهم والي عليهم وكانو في منتهي التفاهم في كل حاجه ومافيش اعتراض من حد علي كلام التاني كانو بيتعاملو انهم عيله واحده فعلا وبدأ قاسم ينزل يشتري الاجهزه بتاعته ويحطها في الشقه وكان زمان الاجهزه حاجات بسيطه والاساسيات غير دلوقتي خالص لازم محل اجهزه كهربائية جوا البيت عشان مايبقاش حد احسن من حد كانو زمان كل واحد وقدرته في الي بيجيب اجهزه وفي الي بيعيش بالادوات البدئيه بابور سبرتايه الطشت بدل الغساله كده يعني المهم خلص كل الاجهزه الي مفروض تتجاب وكان بيحاول يجيب احسن ماركات وقتها عشان الحاجه تعيش ويبقي مشرف نادية قدام الكل وكانت في الوقت ده نادية ومامتها بيكملو باقي النواقص بتاعه عزالها وبيشترو القطن عشان التنجيد وقماش الستاير وكل لوازمها كانت كل حاجتها منتهي الذوق والرقه كأنها هتتحط في فيلا او ماشابه وكانت جايبه لها كل حجتها بزياده في المعقول مش بأستهتار وتبزير كانت بتربيها علي القناعه والجوده بالموجوده وعيشي علي اد الموجود ماتبصيش للغالي عشان مش دايما الغالي تمنه بيكون في كل واحد خلص الي وراه في خلال شهر كل يوم أو يومين يخلصو حاجه لحد ماجه وقت شرا العفش ونزلو اشترو عفش علي الذوق الكلاسيكي لكنه شيك وراقي جدا كان زمان الأبيض والبني هما الالوان المتاحه والصالونات المدهب خلصو عفشهم وطلعوه الشقه بزفه كبيره وكانت مجامله من اهل المنطقه للعريس والعروسة كرامه لاحترامهم وأخلاقهم وأنهم يازين الخلف الصالح ويستحقو كل حاجه حلوه عشانهم وبعد مرور شهر من شرا المستلزمات بتاعه بيت العرسان . طلب قاسم من ابوه لنه يحدد معاد مع عم حسين عشان يتفقو علي معاد كتب الكتاب والمسرح بتاع الفرح والتفاصيل الأخيرة دي وافق محمود علي كلام ابنه وفعلا راح لحسين واتكلم معاه في كل التفاصيل بتاعه الفرح وكتب الكتاب وحددوا يكون بعد اسبوعين من اعدتهم مع بعض وكانو مابين الاتفاق مع المأذون لتجهيز المكان للمعازيم وكتب الكتاب قررو انه يكون في البيت برضه وفعلا اشترو لبس جديد هو جاب قميص وبنطلون ... وهي جابت تاير عباره عن جيبه وبلوزه وعليهم جاكت كان طقم رسمي اوي بس كان شيك عليها وقررت ماتعملش مكياج ولا تجيب كوافيره حبت تبقي بشكلها وطبيعتها في اليوم ده ومكنش في هيصه اووي زي يوم الخطوبه اعتمادا منهم علي انهم هيعملو فرح في مسرح وهيبقي في فرقه ومطرب وفرح كبير وجه المأذون وكتب الكتاب وتم عقد القران زي ماكانو بيتمنو واخيرا اتكتبت علي اسمه وكلها شهر وهتنور بيته وحياته كلها وكل المعازيم بق و يزرغطو ومبسوطين بيهم اوي وهنوهم وباركولهم وطبعا كله قدم هدايا للعريس والعروسة وكانت معظم المعازيم بيدو نقطه الي هي مبلغ مالي وخلص يومهم علي كده وكله رجع بيته خلاص وكانت ناديه ومامتها كل يوم يسهرو يقفلو حاجاتها في صناديق كرتون عشان ينزلوها الشقه تحت بسهوله من غير ما الحاجه تتبهدل في النقلان وعدا الشهر الي فاضل عليهم بسلام ومكنش حد فاضي للتاني كله مركز في الي بيعمله وبس وكان ابو قاسم حجز المسرح واتفق مع الفرق الي هتغني وتض*ب مزيكا ومع الحلواني الي هيجبلهم طلبيه الجاتوه في المسرح وكانت نادية ومامتها حجزين الكوافيره الي هتيجي تزوقها وكل حاجه جاهزه وعدا الشهر في تجهيز الشقه وفرشها وتأكيد الحجز وعزومه المعازيم علي الفرح وجه يوم الفرح الي كانو مستنينه بفارغ الصبر وبيحلمو بي في كل لحظه في يومهم سواء نايمين او صاحين كان شغلهم الشاغل الفرح واليوم الي هيجمعهم في بيت واحد وكل ام وأب من في الاسرتين كان شايل هم اليوم ازي هيعدي وهما مش في البيت ماهو عندهم ما فرقوش حضنهم من يوم ما اتولدو وشافو الدنيا واكمنهم البنت الوحيده والولد الوحيد كان الموضوع صعب عليهم شويه حتي لو كانو هيسكنو في نفس البيت وجت الكوافيره لنادية وبدأت تعملها شعرها وتزوقها بارق الألوان الي تليق مع هدؤ بشرتها ورقتها وجمال فستانها وكان الحلاق عند قاسم بيحلق له في بيتهم وبعد شويه وقت كان قاسم جاهز ولابس بدلته وكانت نادية خلصت الي بتعمله وجاهزه وكانت طالعه سبحان الله الخالق الي صورها في أحسن وابهي صوره كانت زي القمر فعلا وفستانها وتسريحة شعرها ومكياجها كان كله مخليها زي الملاك او البدر في تمامه ليله ال ١٤ كانت حقيقي زي الفراشه بفستانها الابيض وشعرها الاسود ومامتها فضلت تسمي وتصلي وتبارك وتخمس من كل عين تشوفها وماتصليش علي النبي وتبخرها وكانت عماله دموعها تنزل من كتر الفرحه ببنتها وأعدت اتكلمت شويه مع بنتها عن تفاصيل تخص اليوم ده بعد ما يتقفل عليهم باب واحد التفاصيل الي اي ام بتقعد تكلم بنتها فيها بدايه بأحترمي جوزك وبيتك وراعي ظروفه وعلي الحلوه والمْره معاه اوعي تتخلي عته في زنقته وحافظي علي ماله واعملي للمستقبل والي جاي ما تضيعيش اول بأول واستحملي عصبيته وطيبي خاطره ده هيبقي شقيان وطالع عينه يعني محتاج كلمه حلوه ضحكه صافيه تنسيه الي بيشوفه بره البيت نضافه البيت اهم شئ يابنتي الست النضيفه اوعي تسيبي بيتك يوم في تراب ولا مكركب خليطي دايما مستعده ان بابك يخبط اي وقت ودايما تلاجتك عمرانه افرضي حد جالك فجاءه تقوليله امشي مش عامله حسابي النهارده دي تبقي عيبه يابنتي خليكي كريمه وطالعه من بيت كرم وعز انتي اتربيتي علي الشبع خلي عينك مليانه اوعي تبصي لعيشه غيرك هتحرم عليكي عيشتك وحياتك احمدي ربك طول الوقت علي كل حاجه عطهالك شكلك يبقي مهندم ومرتب مايجيش يلاقي ريحتك بصل وتوم وهدومك كلها طبخ وميه مواعين اوووعي يابنتي يقول علينا ايه مربنكيش صح معملنكيش الأصول وفتح البيوت بيكون ازي طولي رقبتنا وابدأي حياتك جوا بيتك بركعتين ورا جوزك عشان حياتكم يملاها ربنا بالبركه والهدوء اوعي يوم تغلطي في ولا تعلي صوتك عليه امتصي غضبه صدقيني يابنتي هيراضيكي ويطيب خاطرك ماتناميش وانتي شايله في قلبك منه خلي في ود وتفاهم بينكم بس اوعي تنسي لحظه انط ست وهو راجل ماتحطيش راسك براسه هو لي حق يتكلم وتسمعي وماتتكلميش الا اما يقولك وفكري الف مره في الي هتقوليه عشان محسوب عليكي طالما طلع ونطق بي ل**نك اد*كي شايفاني انا وابوكي الف حمد وشكر ليك يارب من يوم ما دخلت بيته محدش سمعلنا حس ولا عمره مد ايديه عليا ولا قل مني سواء قدام حد او بيني وبينه خليكي زي هيكونلك زي ابوكي يابنتي وربنا يهدي سرك ويجعل الخير علي قدمك وفي ايد*ك ودايما بيتك بالخير والبركه مليان هتطولي رقبه امك ياحبيبه قلب امك .... طبعا يا أمي مش محتاجه تقولي كل ده انا تربيتك انتي والحاج حسين يعني انتو تطمنو علي الاخر من بنتكم وان شاء الله اكونله الست الي حلم بيها واتمناها الي تقف جمبه وتكون في ضهره وسند لي انا ياما ماشوفتش غيركم واهو هو بعد*كم زي ماعشت في بيت ابويا هعيش في بيته عمري طلعت حسكم ولا سمعت بيكم الجيران ول حد في يوم اشتكي لك مني والله ياما انا هكون زيك بالظبط انا اتعلمت كتير منك ولو في حاجه هقولك وأسألك او اسال خالتي ام قاسم ماهي زيك برضه ... اوعي يابت في يوم تطلعي سر جوزك بره كلامكم واسراركم جوا بيتكم ماتطلعش بره الاربع حيطان دول ما تسمعيش لكلام حد غير امك وابوكي وجوزك هما دول الي مش هيتمنولك الوحش ابدا اوضه نومك محدش يدخلها اوعي يابنتي ماتثقيش في حد وماتفتحيش باب الصحاب وزياراتهم تبقي داخله بيتك تاكل وتشرب وفي الاخر تبص للراجل بتاعك وتخده منك ... اخس عليكي ياما يعني قصدك قاسم عنيه زايغه... لا يابنتي قاسم زينه الشباب وسيد الرجاله كمان لكن حرص ولا تخون الشيطان وحش والست مننا لما تبقي حاطه في رأسها جدع لازم تجيبه علي بوزه والراجل ياختي زي العيل الصغير الي تبلفيه بحته بسكوت ولا شويه أرواح وملبس يعني يمكن اجدعها جدع ممكن ينخ قصاد كلمه ولا غمزه وولاد الحرام كتير وانتي يابنتي طيبه وعلي نياتك واوعي تخافي من الكلام ده انا بنورك وانبهك عشان تحافظي علي بيتك من اولها وكلمتين قبل ما ننزل اوعي تطفشيه بايد*ك تخليه يلبد جمبك ويمسك فيكي ويتبت وبايد*ك يجري ويهرب ويرجعلك اخر اليل ينام وهتلاقيه كأنه عايش في لوكانده ياكل وينام ويغير هدومه وخلاص كده اوعي تبعديه عنك واتشطري وجبيله حته عيل اوام اوام يكبر في رجليكم يبقي صاحبكم واخوكم ويلا بينا الا اتاخرنا كده ... حاضر يا أمي يارب يخليكي ليا ومايحرمنيش من نصايحك ليا انا ماليش غيرك يا حبيبتي ... يباركلك ربنا يابنتي في الي جاي كله ويجعل حياتك هاديه ونادية زيك يا بنت بطني يارب ياست الكل ... وفجاءه دخل قاسم وخبط علي الباب وقالها ممكن بلا بينا عشان اتاخرنا بقي مازهقتيش كلام سيبهالي شويه بقي وماتخافيش مش هحرمك منها ياأمي ده الي بينا وبينكم كام درجه سلم يعني مابعدتش اهي عايزاني اعملك سلم من الداخل تطلعي وتنزلي وقت ماتحب وهي كمان انا معنديش مانع بيتي هو بيتكم بالظبط ... لا يابني ربنا يخليك ويبارك فيك سلم ايه وكلام فاضي ايه بيتكم ربنا يهنيكم بي اوعي تسمح لحد يشاركك في ال سلم ال هههههههههه ضحكتني يا قاسم والله يلا ياولاد يلا بينا بقي الزفه تحت مستنياكم وخدها في ايديه ونزلو سلم البيت ووصلو للشارع وبدأ الطبل والزمر يشتغل والفرقه الي جايبنها عملت جو جميل في المنطقه وكل الشارع كان واقف حواليهم فرحانين لهم بجد ومن قلبهم وبعد ماخلصو الزفه ركبو العربيات وراحو علي المكان الي هيتعمل فيه الفرح وكان مسرح فخم وغالي ومتجهز بطريقه راقيه دخلو المسرح وبدأت الزفه تشتغل كانوع من انواع الاستقبال والترحيب بالعروسين وخلصت الزفه ودخل قاسم ونادية لعند الكوشه وقعدو وبدأت فقرات الفرح تشتغل واحده ورا التانيه وكان في مطرب قال اغاني حلوه خلت في جو من البهجه الفرح وانبساط لكل الموجودين وخلص اليوم واتزفو الزفه بتاعه نهايه الفرح وكل مجموعه من المعازيم او بعض واتجمعو وروحو سوا.