إمرأه قوية

·        اعرفكم بنفسي انا هبه  احب اعرفكم تجربتي الناجحه والي استفدت منها كتير وساعدتني فحياتي الزوجيه بعد ما قبلت مشاكل كتير كانت هتتسبب في الانفصال بيني وبين  شريك حياتي وحبيبي . ·        انا اتجوزت حبيبي من سبع سنين وكنا دايما في خناق ومشاكل لا حصر لها ولا نهايه وكانت الحياه بدأت تاخد شكل تاني من حياه زوجيه مفروض تكون كلها حب ومشاعر الي حصل ع** ده كله فاكانت المشاكل والخناق علي اتفه الأسباب مهما كانت بسيطه وللأسف ان كل ده كان بسببي انا عشان كنت دايما بضحي وبستسلم  لأسلوبه الي كله صوت عالي وزعيق وصراخ كنت دايما عايشه في رعب وخوف منه بعد ماكنت بحب وجوده في البيت بقيت باخد نفسي اول ما بيخرج لما بسمع صوت مفتاح باب الشقه بحس ان سلسله من الحديد اتلفت حوالين رقبتي تخنقني لان مابقاش في لغه حوار مافيش تفاهم بنا مشاعرنا ماتت احساسنا مابقاش موجود انعدمت بنا الحياه بالرغم من اني عارفه اني السبب بس مكنتش عارفه ليه وايه  السبب الي وصله ووصلني لكده احنا حبينا بعض سنين وانجوزنا عن حب وعيدنا سنين مع بعض في بيت كان الأول مليان بالحب كانت المعامله لطيفه وكان دايما بيظهر لية حبه لكن فجاءه كل ده اتغير وتحول وبقيت معامله في منتهي البشاعه  فضلت اسال نفسي ايه حصل ليه كده ليه الحياه بنا بقيت صعبه مع ان في حب وهو بيحبني  بحبه بالرغم من كل المشاكل دي وكل الخلافات الي بنا  واكتشفت مع التفكير الكتير ان العيب فيا انا انا كنت ساذجه  جدا ومكنتش بفهمه ومكنتش بعرف ايه الي بيدور في  تفكيره وبيحس بأيه دايما كنت اسأل نفسي هو حاسس بيا حاسس بالي انا حاسه بي  ده مكنش طبعه طيب ايه الي اتغير حصل ايه يمكن عايز يبقي صاحب سيطره عليا وعلي حياتي  ولا  في حاجه تانيه في سبب بره البيت هو الي مغيره  طيب ياتري لسه بيحبني ولا خلاص كده بقا كل الي بنا عشره كام سنه وخلاص طيب انا لسه بحبه لسه شايفاه حبيبي الي حبيته كام سنه قبل الجواز وكان يوم فرحنا اسعد  ايام حياتي  لسه  جوايا لي اي مشاعر مش عارفه احدد ولا اقرر  ايه جوايا ولا عارفه اوصل للي جواه لحد ما وصلنا لنقطه اتقابلنا فيها وهي اننا نسيب بعض ولكن الي حصل غير ما نريد اتضح انه بيحبني وانا كمان بحبه  اتضح ان الي في قلبه مش حب وبس هو كمان بيعشقني ومش هيتحمل العيشه والحياه من غيري وانا كمان مش هقدر اتحمل عدم وجوده في حياتي يومي مش هيعدي من غيره حتي لو كان وجوده  معايا بيخليني خايفه فا انا برضه بحبه  بس التفكير هيقتلني مش عارفه اعمل ايه عشان  احافظ علي حبنا اغير الوضع ازي ايه الي ممكن اعمله عشان نبدأ من جديد قررت اقرا كتب تخص العلاقات الزوجيه والاسريه وكتب عن تفكير ورغبات الراجل وايه الي ممكن يغيره للأحسن  او للأسوء دورت كتير علي الانترنت  لقيت مواضيع كتير تخص الموضوع ده الي يخص البس والي يخص التعامل والتصرف مع الزوج لكن ما اقتنعتش  محستش اني استفدت كلها حاجات زي بعض كأنه عنوان ومتكبر بس حاولت اكمل تدوير  لكن ما طلعتش باي حاجه تخليني اكون مرتاحه او اعرف اصلح الي حصل بيني وبين جوزي  ولكن قريت عنوان شدني ولفت انتباهي اووي ان ازي اتعلم ابقي ملكه في نظره ازي اخليه يشوفني زي الستات الي بيشوفها بره البيت ازي اتعامل واتكلم معاه ولكن قررت اني في البدايه اعتمد علي تفكيري انا واجرب واشوف هيوصلني لايه هل هنجح ولا هفشل قولت مش فارقه هجرب وزي ماتيجي ماهي كده او كده الحياه بنا مدمره فا مش هيضر بحاجه لما اجرب يمكن حاجه تتصلح انة كنت بدأت ايأس واكتئب حاولت اسكت وما اتكلمش  مع حدعشان ماينفعش اتكلم في حياتي الخاصه مع حد ولكن لقيت اني هموت هنتهي مش عارفه  اكمل حياتي بشكل طبيعي  بقيت  شايفه الحياه ده آخرها مافيش اي حاجه نافعه ولا اي حاجه هتتصلح بيتي واولادي وجوزي تعبت مش متحمله طلباتهم رافضه فكره اني اكون خدامه او جاريه بطبخ وانضف  واغير واودي مدارس مش حاسه بنفسي هنا مش لاقيه حياتي خلاص بدمر وبنتهي وحاسه الموت بقي قريب مني هموت من وقفتي في المطبخ ومن مذاكره ولادي وطلباتهم  واحتياجات  جوزي الي مش بتخلص طيب وانا فين حياتي وطلباتي  ورغباتي  فين نفسيتي الي ادمرت وبقيت صفر فين احساسي اني ست ليها قلب ومشاعر محتاجه احس اني عايشه مع راجل مقدرني وشايفني كا انثي حلوه مثيره احس انه بيشتاق بقربي  ووجودي معاه  لكن مابقاش موجود الاحساس ده قررت اتكلم مع اختي  واشكي لها يمكن تفيدني يمكن الحق اعمل اي حاجه بدل ما انتحر ولا اهرب من الحياه دي واسيب كل حاجه وامشي  صعب عليا حالي انا ما استحقش أعيش كده لغايه ما لقتها  بتقولي  افصلي  عن كل طلبات البيت والولاد وجوزك وعيشي يوم لنفسك للي انتي تحبيه وعايزه تعمليه تخرجي تلبسي طقم حلو تعملي ميك اب  تتصوري ترقصي تقري روايه اي حاجه انتي عايزاها حتي لو بسيطه المهم يكون قريب من قلبك وحباه مش مجرد انك تفصلي وخلاص وحاجه مختلفه عن المعتاد ابتديت اول يوم اقرا في روايه تخص العلاقات الزوجيه وكانت حقيقي روايه حلوه اووي واكيد استفدت منها لكن ما جربتش اطبق حاجه من الي قريتها فيها وعجبتني  لكن بدأت احس اني بتحسن شويه شويه بدأت احسن بانبساط حسيت اني حياتي بدأت تتحول ونصيحه اختي نوعة ما بدأت تجيب نتيجه ايجابيه ونفعت معايا بدأت كل يوم من كل أسبوع اعمل حاجه جديده مختلفه اليوم الي بفصل في بيكون ليا لوحدي وجوزي وولادي عرفو ده وبصراحه احترمو رغبتي في كده  فمهما كان بيني وبين جوزي مشاكل لكنه متفهم اني وصلت لحد الانفجار فقرر يسبني براحتي وحتي ولو ليوم أولادي مش صغيرين اووي  وبيفهمو اني خلاص محتاجه اخد ريست منهم ومن طلباتهم ومذاكراتهم  مره اقرا قصه او روايه ومره اعمل اكله بحبها او نوع حلويات معين بحبه انزل اشتري شوكولاتات كتيره لاني بحبها جدددا جوزي كمان يعرف اني بحبها كان من ضمن الحاجات المشتركه بنا كان دايما يجبهالي بجميع احجامها عارف اني مجنونه بيها  لكن خلاص مابقاش يعمل كده وجهه نظره شايف اننا كبرنا علي كده لكن انا لسه جوايا طفله بحب الحلويات والشوكولاته والهزار والضحك والملاهي والسينما محتاجه اعمل كل ده  وفعلا بدأت أنجح ان بيتي يكون أفضل واحسن وولادي بقو يحترمو وقتي الي بقضيه لوحدي بالشكل الي يعجبني مكنش حد فيهم بيحاول يزعجني او يطلب مني حاجه  حتي جوزي بدأت علاقتي بي  تبقي احسن  بدأت احس اني افضل بكتير من الاول  بدأت احس اني انسانه وليا حق وليا  حياتي الخاصه حتي وانا زوجه وأم بدأت احس اني لسه صغيره مكبرتش اوي زي ما كنت بسمع من جوزي بقيت كل ما اقرا كتاب احس ان في طاقه ايجابيه وروحي بتتجدد  في كل مره وبقيت بعد ما ينتهي من القرايه  اقوم  ادخل أقف في بلكونه شقتي  كانت كبيره بتطل علي ارض كبيره في ورد وأشجار شكلها يجنن حاجه تريح الاعصاب اكتر مع القرايه  المنظر كأنه لوحه فنيه فعلا وماينفعش يرسمها اي رسام ده سبحانه الخالق المبدع كان شعوري وقتها باني طفله لسه بشوف الحياه من جديد وفرحانه بكل حاجه فيها  بحس اني عايزه اغني حتي لو صوتي مكنش حلو ببقي عايزه احب الناس كلها واقولهم اني بحبهم وافرحهم  باي حاجه حتي لو كلمه بسيطه او دعوه حلوه  بعدها كنت بدخل لاولادي اشوفهم بيعملو ايه من غير هل في نظام ولا ماصدقو اني اخ*ف وقت بعيد عنهم عشان يبدو راحتهم  لكن لقيت ان الوضع كأني  اعده معاهم ومتابعاهم وده من ضمن الاسباب الي فرحتني وكانت بتساعد في ان نفسيتي تتحسن اكتر واكتر استمريت في القرايه لفترات طويله جدا وبقيت دي عاده بعملها يوم من كل اسبوع وكانت من اكتر الحاجات الي بحس فيها اني صفيت ونسيت كل الي بيحصل طول الاسبوع كله بنسي حتي نفسي جوا كل كتاب وكل قصه وروايه  بقراها منها العربي ومنها الأجنبي ومنها باللغه  العربيه الفصحى ومنها بالعميه والقصص والروايات الاجنبيه بقيت اترجمها جزء جزء عشان اعرف استوعبها  خصوصا اني  مش متمكنه في اللغه الانجليزيه اووي ولكني كنت حابه اعرف كل حاجه في الشرق وفي الغرب حابه اخرج بره البيت والبلد وانا في مكاني بالكتب والقرايه وبلاقي فيها الي بستفيد منه ومنها الي مافيهوش اي معلومه او اي نصيحه ممكن اطلع بيها ما انا مش بقرأ فراغ وخلاص انا وقت فراغي ده انا اخترعته لكن لو علي الوقت فأنا مكنش عندي وقت حتي ابص لنفسي في مرايا  فا فصلت لنفسي وقت من ضمن الضغوطات  الي عندي عشان استفيد من القرايه واطلع بحاجه تنفعني وتصلح لي من حياتي  ولقيت الي ينفع مع عاداتنا  وتقاليدنا وديننا و قصص وروايات تانية مينفعش نهائي مع حياتنا ووضعنا كامهتمين  بالدين ويفرق معانا الحلال والحرام والصح والغلط لأننا مسئولين هم اسره فيها اولاد  وبنات صغيرين لسه بيكتشفو وبيتعلمو الحياة فيها ايه واول ما بيتعلمو  ويقلدو هو احنا الاب والام الجده الجد الخال والخاله العم العمه اي شخص قريب  فا لازم تكون دي أهم جزئيه في حياتنا عشان نطلع جيل سوي يصلح للتعامل والتعايش مع البشر ولكن معظم ما الكتب الي قريتها  كان دايما بلاقي فيهم المحافظه علي الحجاب والدين والقرآن والتقرب لربنا في كل تفاصيل حياتنا وكان كتير من الكتب بتتكلم عن الحجاب للست او البنت في سن معين لان  احنا مش مجتمع انثوي  بس احنا بنعيش وسط مجتمع انثوي وذكوري  ولكن نقدر نقول ان حق الست الشرع بس الي معترف بي ومعترف بحقوقها  لكن الراجل بصفه عامه لا يعترف بوجودها حتي لو عايشه معاه في بيت واحد فاهي بالنسبه له مجرد واحده عايشة تنضف بيته وتغسل لبسه وتعمله الاكل وتربي الاولاد وتودي مدرسه ودكتور وتذاكرلهم  وتهتم بعلاج ومذاكرة ونضافه ومشاكلك من في البيت  لكن هي مش من حقها تشتكي وتقول انها تعبت وانتهت خدمتها محتاجه راحه عايزه تفصل وتكون لنفسها بما ان مش لاقيه حد من الي عايشه معاهم يكون ليها  اخر يومها بتلاقي نفسها  مطلوب منها تبقي في ابهي صوره عشان جوزها ما يبصش بره ويشوف حياته مع غيرها  محتاجه توفق بين بيت وشغل البيت وأولاد وطلباتهم وتسأل عن أهل جوزها واهلها واصحابها ومطلوب منها تبقي شكلا زي  ممثلات السينما الي بيشوفهم  جوزها في الأفلام عشان تقضي معاه وقت لما بيكون هو عايز يقضي وقت ويمارس حق من ضمن حقوقه المفروضه  عليها لكن هي مش مفروض يكون لها حق تقبل او ترفض هل هي ليها الرغبة لي هل هي محتاجه تكون معاه  ماعندهش فرصه الرفض لو رفضت واتمنعت فهي بالشكل ده ماتبقاش زوجه صالحه او تنفع تبقي مسئوله عن بيت وزوج واولاد وده الي بيخلي ستات كتير تدور علي الطلاق والبعد من وجهه نظرها  انه هيكون اريح لها  بالشكل ده وفي ستات كتير برضه بتدور علي الانتحار ااي بتلجأ للادويه الممنوعه وتخدها بجرعات  كبيره والي بترمس نفسها من  بلكونه بيتها او قدام عربيه تمشي باقصي  سرعه المهم تنهي حياتها بأي شكل منغير متفكر في حلال او حرام اعتقادا  منها ان جوزها ممكن ياخد باله بالفرق بعدم وجودها  ويندم علي انه قصر معاها في يوم من الايام ولكن بعد ما بيعدي وقت مش كبير  بالنسبه لاي حد معادا هو بيكون شايف انه استحمل وقت كبير من غير  وجود واحده ست في حياته . لكن هرجع واقول من خلال تجربتي الي عشتها والازمات  الي مريت بيها  خلال الفتره الي عدت اكتشفت اني حبيت بقلبي بس ولغيت عقلي وتفكيري كأنسانه  بعرف افكر واقرر واخد خطوات  سليمه في حياتي اكتشفت ان اي راجل ميتحبش بقلبك ومشاعرك حبيه بعقلك ساعتها هتعرفي تجذبيه ليكي وتعلقيه  بيكي وتخليه مايستغناش عنك . لان اي ست ربنا خلقها عندها الاحساس والحب زياده هي دايما احساسها مرهف دايما بتتعامل مع كل حاجه بقلبها ورجاله كتيره بتشوف ان ده غباء من الست لازم تحرصي علي انك  ماترميش مشاعرك وخلاص تحبي بقلبك واحساسك وبس وتلغي عقلك وتفكيرك زي ما انا عملت  في البدايه وده كان سبب عذابي وتعبي لسنين  وكنت هوصل في لحظه للانتحار  حبي نفسك أول حاجه عشان تعرفي تخليه شريك حياتك يحبك سعادتك وفرحتك وراحتك النفسيه قرار بايد*ك انتي الي تنفذيه وتعيشي صح  دايما خلي نفسك والاهتمام بيها من اولوياتك  اعملي الي تحبيه ويبقي افضل لو كانت حاجه مفيده بحيث انك تستمتعي بوقتك  المخصص ليكي وفي نفس الوقت تستفيدي من الوقت ده وممكن فيما بعد تفيدي غيرك صحبتك او اختك أو بنتك في يوم من الايام لما تكون زوجه وأم  ... كان دايما بتقابلني مشاكل كتير مع شريك حياتي  وأولهم انه بيفكر في نفسه  وبس وانا كنت مستسلمة لكده دايما كان همي اخليه مبسوط ومرتاح بأي طريقة  ونسيت نفسي تماما نسيت بحب ايه وعايزه ايه وايه الي ممكن يخليني مبسوطة ومرتاحة ومقبله علي الحياه نسيت ادور علي حاجه تخليني اعرف اكمل في حياتي واكمل مهمتي كأم وزوجه وبالرغم من  اني كنت لسه صغيره وجميله في نفس الوقت الا اني بقيت كأن سني كبر الضعف من كتر الهموم الي بشلها لوحدي ..  اكتشفت اني لازم  يكون لي وقتي الخاص بيا اهتم في بنفسي وشكلي ولبسي عشان نفسي اولا مش عشان أعجب جوزي او ألفت نظره هو كان وصل معايا لمرحله انه شبهه مش شايفني اساسا لقيت في معظم الأفلام او المسلسلات  الي بتف*ج عليهم والكتب الي بقراها ان الراجل دايما بيحب الست المتحرره ولكن مبحبش انه يتجوزها وتكون مسئوله عن بيته وأولاده في المستقبل لان في اعتقاده  انه هتضيع مستقبل اولاده ومش هتكون  اد مسئوليه  البيت والزوج  فا بيفضل  انه يعرفها علي مراته ويحبها وممكن يتجوزها كمان لان بيعرف بعد ما بيتجوز ان سر سعادته معاها لكن مستحيل يربط اسمه باسمها بأنه يجيب منها اولاد بيكون الجواز في معظم الحالات بشرط عدم الخلفه  ولكن مع مرور الوقت لو تمت جوازه زي دي بيحصل خلافات كتير لان بيحصل حمل وبتبقي  هي كانثي وست نفسها  تكون ام لان اي ست خلقها ربنا خلق فيها غريزة الامومة من وهي بنت  معظم الستات المصريات عندهم جزئيه الخجل والاحراج في علاقتهم بأزواجهم وده بيسبب كتير من المشاكل الزوجيه دايما بيكون في عنف وخناق واهانه وده بيبقي غير مستحب ومش مرغوب في انه يحصل بين اي زوجين الاهانه دايما بت**ر حاجز الحب والأمان بتحصل كتير مشاكل وض*ب واهانات لفظيه لكن مش بيحصل انفصال ماهو مش آخر المطاف ولا نهايه العالم وهيعدي وكله هيخلص وهيرجعوا يتصافو ويتصالحو زي اي زوجين لكن جوا كل واحد فيهم وجع من التاني وشرخ حصل خلاص كل مره بيحصل ده بيهد جوانا حاجه حلوه لحد ماهو طبيعي لازم المركب تمشي لازم نكبر دماغنا ملزمين بأننا نسايس أمورنا وخصوصا الست لازم تتنازل وتعدي وتكبر دماغها ماهي ست وضعيفه ومش من حقها تعترض ولا تقول كفايه مش من المفترض انها تقول مش قا**ه الاهانه انا مش قليله مع ان ربنا وصي عليها معشر الرجال ولكن لا حياة لمن تنادي كل راجل باصص لنفسه انه حاكم الدنيا ومافيها ان هو صاحب الأمر والنهي بس الست مالهاش رأي الا انها تقول حاضر وطيب وتفضل تتنازل لحد ما تبقي مش موجوده في حياة الراجل الي هي بتتداري في الشخص الوحيد في الدنيا الي بيعمل كل حاجه ت**ر الست هو جوزها الي مفروض يكون امان ليها وسند وحمايه ليها من اي حد يحاول يأذيها لا بالع** هو الي بيسعي بكل الطرق وبرضه هتكون هي الشخص المضحي وفي نفس الوقت ضحيه الراجل لما بيفكر في بدايه العلاقه انه يرتبط ببنت بيفكر في أخلاقها وتربيتها واهلها والبيت الي عاشت في وهتطلع منه علي بيته في الوقت ده كل الي بمهمه وبيكون معتقد انه هيلاقي كل الي في خياله الي مش بيقوله لحد ولا بيحكيه لانها رغبته لوحده وغريزته هو والبنت الي بتبقي طالعه من بيت محترم واهل مربينها علي الدين والأخلاق بتكون فاكره ان الشخص المناسب هو الي جه خبط علي باب بيتها وطلبها من أهلها واتجوزها ومهما كانت فتره الارتباط طويله دايما الجواز مختلف اتنين متدارين من بعض طول الفتره دي مهما كانت كبيره او صغيره بتبقي مفاجأه للطرفين بعد ما بيتقفل عليهم باب بيتهم بيوصلو لمرحله المواجهه خلاص بيتعرو قدام بعض لازم يكونو علي طبيعتهم وده الي بيفرضو عليهم المرحله الي وصلو لها مش مطلوب منهم انهم يتجملو ويتشكلو لانهم مش هيعشو يوم ولا اتنين دي حياه طويله لسنين وعمر طوال هيبقي لفتره مسئول عنها لوحدها وهي كذلك الأمر مسئوله عنه لوحده لفتره طويله قصيره دي بتبقي في علم ربنا سبحانه وتعالي لحد ما بيبقو ام وأب وبيجلهم طفل صغير هما المسئولين عن حياته كلها ومن هنا بتبدأ المشاكل تكبر وتبدأ توسع اكتر واكتر مع الوقت اول ما بيجي الطفل الأول بندخل في مشاكل لا ده ولد انا كان نفسي في بنت لا اصل دى بنت كان نفسي في ولد يشيل اسمي اصل امي نفسها تشوف لي ولد من دمي ولحمي يشيل اسمي واسم العيله تبدأ الزوجه ترفض الوضع ده وتقريبا بتدوم المشاكل والخلافات لسنين وبيكون الطفل الي اتولد كبرخلاص ولما بتعدي المشكله دي بتبدأ مشاكل الحياة الي بتحصل في اي بيت مصري اصيل ...ههههههههه... طبعا كلنا عارفين ايه هي لكن هنحكي عنها وابطالنا مشاكلهم ما بتخلصش اول مشكله بتقابل أبطالنا ان دايما الراجل فاكر انه ممتلكها ماينفعش يكون لها اهتمامات غيره ولا تعمل حاجه ولا بأذنه بالنسبه له هي اله يحركها زي ما يحب شمال بقي يمين المهم انه يكون متحكم ودايما معتقد انها مش هتعرف تتصرف الا بي ولا هتعرف تعتمد علي نفسها لوحدها في عدم وجوده وكل يوم يحاول يوصلها لده انها ضعيفه لاحول لها ولا قوه لحد ما بقي امر واقع مش بتتكلم الا لما تسأله هل هينفع اقول الكلام ده ولا في حاجه غلط هينفع البس الطقم ده ولا هيبقي وحش طيب ينفع اروح ازور صحبتي لا اكيد عندها اخوات شباب ماينفعش طيب مش هروح بيتها هنقعد بره صعب تروحي تقعدي في مكان هيكون في ناس كتير وارد جدا حد يضايقكم ومش هتعرفي توقفيه عند حده طيب هي هتيجي تقعد معايا في البيت وبرضه بيكون الرد ماينفعش ايه يجبها عشان تبص لبيتك وحياتك وجوزك وعايشه ازي وبتعملي ايه وتفضل تنتقضك وتطلعلك السلبيات كلها وتكرهك في عيشتك وفي الراجل الي عايش معاكي لا معلش انا رافض وبعد إلحاح وإصرار انها تعبت واتخنقت وعايزه تشوف حد من صحابها او قرايبها ممكن يتعطف ويتكرم ويوافق ولما بيحصل ده المقا**ه مش بتمر مرور الكرام كده لااااا ده لازم خناقه والدنيا تسمع بيهم بعد ما صحبتها او قريبتها تنزل واخر الكلام لازم يقولها شوفتي اخره الي بيجي من الصحاب اهي عملت مشكله اهو سخنتك وقومتك عليا واتسببت في زعل وخناق بنا انتي لازم تقطعي علاقتك بيها انا اساسا مش بحب الصداقات دي اصل مالهاش لزوم انتي خلاص كبرتي بقي ليكي بيتك وجوزك وقريب ربنا يرزقنا باولاد مش هتكوني فاضيه لحد غيرنا ومن هنا بيبقي بدأ يزرع فيها احساس انها مابقتش بنوته جميله خفيفه بتحب الضحك والهزار واللعب وكانها طفله صغيره وبيبدا يشحنها بجمل انتي كبرتي خلاص انتي بقيتي مسئوله ماينفعش تعملي كده ولا تتصرفي التصرف ده غير لائق بيكي كزوجة انتي مابقتيش طفله انسي بقي جو الضفاير والشكولاته والملاهي الي انتي لسه عايشه في خلاص كل ده انتهي ومع كل حرف يخرج منه يكون سهم يجرح قلبها ويض*ب في احساسها بمنتهى البرود والجحود وكل يوم تشوف نفسها في المرايا بتحس انها كبرت سنه ومع كل كلمه بتكبر يوم وتفضل تعيش جوا دوامه انتي مابقتيش عيله صغيره عيشي حياتك زي اي واحده ست كبيره الفكره كلها او المعاناه انها مش بتكبر شكلا وسننا هي قلبها بيعجز ملامح احساسها بالحياه بتتغير خلاص بيبقي عندها  سلام نفسي وداخلي انها فعلا ست زيها زي مامتها او خالتها او عمتها كبيره ناضجه عاقله فاهمه كل حاجه في الحياه حتي الي الناس مش فهماه مفروض عليها تبقي فهماه ماهي كبرت بقي للاسف هي بتبقي ماشيه في الطريق ده وكانها اخده م**ر او منوم بتتحرك وبتتعامل مع كل الكلام والاوامر الي بيوجههالها صاحب السمو جوزها سندها الي بي**ر ضهرها امانها الي بيعيشها في خوف وقلق في كل خطوه بتخطيها بقيت عايشه في حرب جوا نفسها مش بتحكي عنها ولا بتبوح بيها حتي لاقرب الناس ليها بقيت كل يوم بتحس انها عايشه مع حد غريب ماتعرفهوش وكل يوم يعدي الضغوط بتزيد عليها وهي بتكمل ومش حاسه بأنها بتدمر نفسها وبتدمر حياتها مع جوزها الي كان حب عمرها مع مرور الايام الحب بقي بيقل خلاص وقرب ينعدم وجوده وكأنه مكنش في يوم من الايام وكأننا رجعنا لزمن سي السيد والحجة أمينه ان الست ما تتكلمش مهما حصل ومهما اتقال ماينفعش تعترض ولا تقول تلت التلاته كام اصلا الدنيا اتغيرت واتطورت والراجل لسه عايش جوا الزمن ده مطلعش منه مهما كان متعلم ومعاه شهادات عاليه وطالع من كليات قمه مثلا لكن دي حياه كتير اوي من الستات المغلوبه علي أمرها وعايشه وراضيه بالامر الواقع الي اتكتب عليها وكأنه ممنوع عليها تغيره