إمرأه قوية

الجزء السادس عشر

خلصت هبه كلام مع مامتها .. دخلت عليهم هاله هو انا مش بنتك كمان ليه علي طول اعده هنا وبس ماليش اوضه انا يعني اعده في الشوارع وكانت عامله نفسها مقموصه وبتعيط... هبه وناديه ضحكو علي طريقتها وقالو في نفس واحد لا طبعا انتي احلي واحده في الدنيا والاوضه بتاعتك احلي اوضه في الدنيا برضه وبعدين قولنا نسيبك تذاكري براحتك عشان احنا بنتكلم وبعدين يا لولا مش كل حاجه ينفع تعرفيها انتي سنك غير اختك في الي ينفع تعرفيه وتسمعيه ياحبيبتي وفي الي لسه بدري عليكي لما تفهميه ..ماشي يا ست ماما يعني انا صغيره يعني

نادية... انتي اجمل صغيره في حياتي هو حد يكره يفضل صغير ياريتني ياختي فضلت صغيره في حضن امي وابويا الله يرحمهم..كنت البنت الوحيده بقي ومدلعه وطلباتي مجابه من قبل ما اطلب واحلي معامله وكل حاجه ما اتحرمتش من اي حاجه لا حب ولا فلوس ولا لبس ولا اكل عمر ماجه عليا يوم وكان نفسي في حاجه غير يطول عمر ابويا وامي وبعدهم اتجوز حب حياتي قاسم ابوكم .. ايوه بقي يا نونتي قصه حب عنيفه شكلها ... نادية ... ههههه اتلمي يابت انتي .. هبه...لا بجد ياماما احكيلنا حبيتو بعض ازي وحصل ايه كده يعني .

هاله.. ايوه يلا يا مامتي احكي ونبي .. نادية ... ياولاد بقي هت**فوني.. هنغمي عنينا بس احكي ههههه.. هههه بتتريقي عليا ياختي انتي وهي ماشي .. بصو انا وابوكم بنا فرق كام سنه وونبي ما انا فاكره كام بس هو أكبر مني يعني احنا كنا جيران في وش بعض طول الوقت من صغرنا يعتبر مربيني علي ايديه كان دايما محسسني انه اخويا ويخاف عليا ويدافع عني وكان جدك وجدتك ابويا وامي انا بيحبوه ويحبو جدكم وجدتكم وكنا مدخلين مع بعض اوي كأننا اهل واحسن كمان في الفرح الحزن سوا المناسبات مع بعض السهر والقاعده الحلوه كل حاجه وكان دايما يجبلي حاجه حلوه وهو جاي او لو ابوه جا**ه حاجه يقسمها معايا انا يوم بعد يوم حسيت اني مش بقدر استغني عنه لكن كنت صغيره وهبله مش فاهمه ايه احساسي ده بس هو كان احساس مفرحني .. لكن محدش يعرف عنه حاجه ... وعدت أيام وسنين والحب ده بيكبر جوا قلبي وبقيت كارهه فكره انه ممكن يجي يوم ويقول إنه بيحب وهيتجوز واحده غيري .. لحد يوم عيد ميلادي وكل حاجه اتبدلت وبقت بلون الورد اعترف قدام الكل انه بيحبني وكان مستني اليوم الي أتم في ال ١٦ سنه وعايز يخطبني .. كنتي مبسوطه ياماما .. كنت مصدومه والله يابنتي ومش مصدقه الي بيحصل وكنت حاسه هقوم من النوم والاقيه حلم لحد ما الوقت بقي يعدي واتخطبنا بعدها كل حاجه بقيت تجهز وتترتب بتدبير ربنا سبحانه وتعالي واتسهلت واتجهزنا ولقيت نفسي بتجوز قاسم قبل ما أتم ال ١٨ سنه ... كان زمان بيعملو حاجه اسمها تسنين عشان البنت الي اقل من السن القانوني تعرف تتجوز كان في جهل برضه بس واتجوزنا ولقيت نفسي بقيت صاحبه بيت وعايشه مع أول واخر راجل حبيته وهفضل احبه لحد ما اموت. طبعا اعدين بيسمعو ومبسوطين اوي بقصه حب مامتهم وباباهم كملي يا نونه كملي .. اصل قاسم ده سيد الرجاله بمعني الكلمه يعني راجل بجد صاحب كلمه واحده وموقف يقف مع أي حد يقدر ظروف الناس يحافظ علي بنات الناس كأنهم إخواته مع انه وحيد امه وابوه زي حالاتي لكن كان عنده نخوه ورجوله مش عند حد طالع زي اجدادكم الله يرحمك يابا ويد*ك الصحه ياعم محمود .. كان بيتعامل معايا قبل الجواز اني اخته او يمكن بنته كمان بيخاف عليا من نفسه ومن كلامه والزمن مغيرش في حاجه زي ماهو بس عمره ماساب حقه كان دايما يقولي انتي حقي وانا مكنش ينفع اسيب حقي حد ياخده قتيل عليه يا اخده يا اموت وانا بدافع عنه .. ولا يابنات لما كنت حامل فيكي ياهبه ياخرابي علي الدلع الي كنت بشوفه بيبقي يا قلبي عايز هو يشيل الدنيا ويهدها ويبنيها وانا ما اتحركش وحتي في حملي في هاله كان نفس الوضع مش عشان كنت لسه عروسه وكده لااا معاملته عمرها ما اتغيرت ابوكي ده مافيش منه اتنين ربنا يرزقكم برجاله زيه تحافظ عليكم يابنات عشان كده بقول اختاري صح مش اي حد يدخل حياتنا وخلاص هي مش لعبه او معمل تجارب امكم مش جاهله برضه يعني وفاهمه الدنيا كويس .. طبعا ياست الكل انتي المعلومات كلها ومين غيرك انتي والحاج قاسم هيخاف علينا وينصحنا ربنا يبارك في عمركم.. يارب يابنتي ومايحرمكم من بعض ابدا وتفضلو في ضهر بعض كده انا مخلفتش صبيان وعايزاكم تبقو جمب بعض احسن من اجدعها راجل اتعلمو الجدعنه والرجولة من ابوكو.. كل ده وكان سامع الكلام الي دار بينهم كله قاسم وكان مبسوط بي اوي ان عياله فخورين بي ودايما قي سيرته ومراته شايفه انه اول واحسن وأهم انجاز عملته في حياتها وانها لسه بتحبه زي زمان ومافيش حاجه اتغيرت وراح داخل حضن بناته وباس ايد ودماغ ناديه وقالهم انتو ثروتي الي طلعت بيها من الدنيا انتو اغلي من كنوز ومال الدنيا كله ربنا يخليكم ليا يارب وتفضلو بتحبو بعض واقدر اكون الاب الي انتو اتمنيته يكون اب ليكم .. ردت هبه انت يا استاذ قاسم ياحبيبي اهم راجل في حياتنا انت احسن اب فعلا انت كفايه تعبك عشان احنا نبقي في احسن حال ومانكنش اقل من حد خالص انت بتعمل الي تقدر عليه وزياده واحنا كفايه علينا وجودك انت وماما ست الستات أطيب واحن ام في الدنيا كلها ربنا يخليكم يابنات والله انا ماعارف الي بيكره خلفه البنات ده بيفكر ازي يجي يشوف بنات قاسم هيطلب من ربنا يرزقه ببنت كل سنه .. حبيبي يابابا احنا كويسين عشان تربيتك انت وماما نفعت فينا وعشان احنا فينا منكم كل حاجه الفرق بس انتو زمانكم كانت الناس نضيفه من جواها مش زي دلوقتي لازم تلف وتدور عشان توصل لحاجه معينه .. يابنتي كل حاجه بتتغير الأصول والعادات والناس والنفوس بتتغير مع تغير الزمن والاوضاع الي بتجرا في الحياه غصب عنهم كل واحد اتغير اكيد في سبب لده وصله لكده بس عايز اقولكم حاجه اوعو تتغيرو اوعي يابنتي انتي وهي تسيبو ايد بعض حتي لما تكبرو وتتجوزو ويكون ليكم بيوت خليكم مع بعض انتو سند لبعض انا جربت انا وامك اننا نكون لوحدنا من غير اخوات تقف معانا في تفاصيل كتير عدينا بيها لوحدنا ولولا ان أهلنا كانو ناس كويسه كنا فعلا حسينا بالوحده لكن ربنا كبير قبل ما بيدينا حاجه بيدينا علي اد قدرت تحملنا وعارف اننا هنعرف نعدي بي لكن انتو جيلكم وايامكم ما يعلم بيها الا ربنا ومالكوش غير بعض اوعو في يوم يكون قلبكم قاسي علي بعض . لا طبعا يابابا انت عارف انا بحبكم اد ايه انا معنديش غيركم ولا ينفع حد يعوض مكان حد فيكن حتي البنت الغلابويه دي ما ينفعش يعدي يومي من غير منكفتها ومشاكلها ومهما كان بيبقي عندي مذاكرة لازم اذاكر لها وارجعلها دروسها دي بنتي مش اختي ... ربنا يبارك فيكي يا قلب ابوكي يا عاقله انتي .. صحيح قوليلي عملتي مشاكل تاني مع حد ولا مع المعيد الي قولتي عليه .. لقيت ماما ضحكت بخباثه كده وقالت اما اقوم اشوف الي ورايا اصل انت وبنتك بينكم أسرار.. أما انتي طماعه صحيح عايزه أسرارها ليكي لوحدك بس مش بنتي دي وحقي فيها اعرف أخبارها واطمن عليها.. حقك ياحبيبي حقك .. طبعا ياسيد الناس انت حقكك كل حاجه ياحبيب قلب هبه انت .. ماشي يا بكاشه قولي عملتي ايه النهارده . والله يابابا ولا حاجه حضرت محاضراتي والحمدالله تفديت اي مشاكل ممكن تحصل في اليوم وأعدت في الكافتيريا شويه وبعدين جيت .. بس مافيش حاجه تانيه يا بنت ابوكي .. لا يابابا لو في هقول انت عارف ل**ني متبري مني زي ما بتقول .. وخلص يومهم مابين كلام وحكاوي زمان ونصايح من الي جاي وضحك وهزار وحياة عادية بسيطه وأسرة جميله بينهم كل الحب والود وانتهي اليوم علي خير واشرقت شمس يوم جديد علي بطله قصتنا هبه ست البنات زي ما بيقولو لها كده قامت الصبح خدت دش ونشفت شعرها بسيشوار صاحبه الشعر الناعم الطويل لونه مش أ**د ومش بني وداخله لون ال**تنائي حاجه كده قمر اوي طلعت لبست في اوضتها بنطلون جينز أ**د وعليه بلوزه بلون الموف الفاتح اكتر الالوان الي بتحبها جدا .. ولبست كوتشي أ**د في خطين موف لون البلوزه ورفعت شعرها ديل حصان طويل ومحطتش اي ميك اب في وشها يادوب حطت نضاره شمس بالون الاسود وخدت ادواتها وطلعت علي السفره فطرت معاهم ونزلت جري واقرب تا**ي نطت في وتتفاجي بالي راكب جمب السواق بيقولها صباح الخير يا لمضه بصوت واطي للحظه حست انه اتهيألها لكن صوت ضحكته الي طلعت غصب عنه علي شكلها الي شافه في المرايه .. ات**فت جدا وفصلت باصه طول الوقت في الطريق عشان تتجنب انها عنيها تيجي في عنيه حتي في المرايا لكن سرحت وفضلت تفكر ليه بيحصل كده هو بيراقبها وبيتصرف كده ليه معاها هو وقع في حبها طيب عايز يضحك عليها طيب بيتسلي مش عارفه حاجه واحتارت في أمره خالص ومابقتش عارفه تفكر في حاجه خلاص كل الي قالته يارب انا مش عايزه اتوجع انا مش هتحمل حد يوجع قلبي بتدعي وتقول كده وهي مش عارفه بتقول كده ليه وتدعي الدعوه دي ليه تحديدا وكان السواق مشغل اغنيه لعبد الحليم حافظ أشهر مطرب علي مر السنين والاجيال تحس كده أغانيه مش بتقدم مهما عدا عليها وقت .. كان الاغنيه اسمها

ابو عيون جريئه وبتقول ...قولوا له قولوا له قولوا له قولوا له الحقيقة

قولوا له بحبه بحبه من اول دقيقة

قولوا له بحبه و متوّهني حبه

فى بحوره الغريقة ابو عيون جريئة

كان مالي ما كنت فى حالي متهنّي بقلبي الخالي

فات رمشه الجريء و ندهني وفي أجمل عيون توهني

قولوا له ندهني ليه حيرني و شغلني عليه

بالحب اللى زايد و الشوق اللى قايد

من اول دقيقة ابو عيون جريئة

فات جنبي و عيونه حبايبي

نسّوني اللى عايشين جنبي

بصيت له قوام حبيته

و بفرحة عينيا ناديته

قولوا له يقول لعينيه ايه اخرة دا كله ايه

يا يصحي لي قلبه يا ينسيني حبه

لعيونه الجريئة ابو عيون جريئة

طال شوقي و طال ت***بي

و لامتى حداري لهيبي لهيبي

أوصف له غرامي دا كله

و فى اول مقابلة حقوله

أحلف له بليالي الشوق

و نجوم السما اللى فوق

ازاي قلبي حبه و البال انشغل به

من اول دقيقة ابو عيون جريئة

الاغنيه كأنها مرسومه علي الموقف وعلي الحاله الي فيها احمد هي فعلا عيونها تسحر لونها ورسمتها ملامح وشها البريئه الي تخلي اي حد يتشد لها وهي انتبهت مع الاغنيه لما الصوت فجاءه بقي عالي وكان حليم وقتها بيقول قولوله بحبه ... ركزت في الاغنيه وابتسمت خ*فت قلبه لما شافها في المرايا كان حاسس وقتها انه نفسه يوقف التا**ي ويقولها بحبك من اول لحظه لكن حاول يسيطر علي قلبه شويه ووصلو سوا للجامعه دخلت هي علي المدرج علي طول لا بصت يمين ولا شمال بعد ما قالها خلاص الحساب خالص ان**فت ودخلت بسرعه وماتعرفش ان في عين تانيه مراقبها ومستنيه تجيب رجليها وكان وقتها احمد داخل وراها ولاحظ الشاب الي بيركز معاها طول المحاضرات وقفله اليوم حس بغيره عليها غير عاديه وكان بينهم حب عشر سنين مثلا هو مستغرب نفسه جدا عمره ماحصل معاه كده فيها ايه ياربي زياده عن غيرها ده في بنات بتيجي تعرض نفسها عليا وبرفضها اشمعنا دي تخ*ف قلبي في لحظه انا قربت اتجنن كده .. وبعدين بص للشاب ده وقاله واقف ليه هنا ومتنح ليه اتفضل علي محاضراتك... حاضر يا دكتور حاضر ... وراح الشاب علي المدرج واعد مكانه الي منه بيفضل متابع هبه وشايفها بوضوح ولما احمد دخل بعده لقي الوضع كده قام نقله للبنش الي قدامه عشان لو فكر يبص هيلف برقبته وجسمه عشان يعرف يشوفها وهي ورا فا ساعتها هيلسعه بالقلم علي قفاه هههههه... وبدأ احمد يشرح مادته وهبه مركزه معاه وبتكتب كل كلمه فجاءه سكت احمد وقال لهبه بتعملي ايه يا انسه هبه قالتله يا دكتور بكتب الي بتقوله .. لا من فضلك ركزي معايا انا اسمعي وافهمي الاول وبعدين اكتبي الي هتفهميه ولو في حاجه وقفت معاكي مكتبي انتي اكيد عرفاه اخد باله ان الطلاب ركزت اوي انه بيقول كده لهبه بس رجع في كلامه وقال اقصد اي حد فيكم كمان بالكلام ده .. حاضر يا دكتور انا اسفه اتفضلي ركزي معايا ممكن اوك هركز وبدأ يكمل شرح تاني لكن المره دي اتوتر واتلغبط وبقي يسرح فيها وفي ملامحها قرر يعتذر عن المحاضرة ودكتور تاني دخل شرح نفس الماده ...