إمرأه قوية

الجزء الخامس العشر

طول المحاضرة هبه واحمد مش مركزين فيها حاجه غير مع بعض.. لكن مافيش حد واخد باله من تركيز التاني معاه .. وخلص المحاضرة بتاعته وخرج بره القاعه كلها وراح يقعد في مكتبه ... ودخل الدكتور الي بعده للمادة الي بعدها وبعد شرح طويل عريض وكلام كتير هبه حاولت تفهم منه حاجه علي اد ما تقدر وبعد ماخلصت محاضرتها سألت علي أحمد بيكون فين الأمن قالها انه في مكتبه وشاورلها عليه

راحت لحد باب المكتب وكل ما تبقي هتخبط ترجع في كلامها بقت رجل ورا ورجل قدام وعماله تقول في نفسها اخبط ولا اطلع اجري وفي وسط ماهي بتتكلم مع نفسها لقيت باب المكتب بيتفتح واحمد كان طالع من مكتبه بسرعه اتفاجئ بالي لقاها في حضنه هبه فجاءه وكأنها اتبنجت مش عارفه تتحرك من مكانها وسرحت في عنيه للحظة وفاقت من سراحنها راحت زقته في ص*ره بايديها قالتله انت مجنون ايه الي عملته ده انا اصلا غلطانه اني جيت عشان اتأسفلك عن الي حصل مني بس واضح اني غلطانه .. هو مش بيرد ومش سامع هو تاه في جمالها اول مره تبقي قريبه منه كده ويركز في ملامحها الطفوليه عنيها الواسعه الي لونها بني ومع اشاعه الشمس بتبقي عسلي يسحر وشفايفها الي زي الفراوله وخدودها الي بقا بلون الطماطم رموش وحواجب مرسومين بالقلم سبحان الله .. وهي عماله تزعق وراحت خبطاه في كتفه بايديها فاق من شروده وقالها انتي يابنتي في ايه راضعه قله ادب وطوله ل**ن في ايه انا طالع من مكتبي انتي الي واقفه علي بابي مش انا واكيد مش قاصد ومعرفش ان في مخبر واقفلي بره باى المكتب اهدي كده وبطلي شغل العيال ده استغفر الله العظيم انا ناقص بلاوي وياريت تتفضلي بعيد عن الباب عشان اعرف اعدي لو مش هيضايق حضرتك ... اتحرجت وحست انهل بتعك الدنيا اكتر ماهي بايظه وراحت جري علي الكافتيريا بتاعه الجامعه وفضلت تعيط جامد وتقول يارب انا بيحصل معايا ليه كده انا كنت ريحه اتأسف يغلط فيا كده طب ليه قله الذوق دي يعني انا غلطانه اني ندمت وحسيت اني غلطت فيه وكنت قليله الذوق معاه يطلع هو كده لا وكمان بيحضني في الحرم الجامعي كده عادي ده اهبل ولا ع**ط ... ردت علي نفسها وقالت ماهو انتي برضه مكنش يصح انك تلزقي في الباب كده وكأنك هتحضني الباب اد*كي انتي الي اتنيلتي اتحضنتي ياموكوسه .. بس هو بصراحه زي القمر .. اتفاجات ولقت الي بيرد عليها ويقولها ما انا عارف ويبتسم ابتسامه خلت قلبها يطب

قالتله هاه بتقول ايه انت ازي تدخل بيني وبين نفسي بالطريقه دي مش مفروض تخبط يعني ولا تصفر أعمل اي صوت مش كده يعني اقتحام الخصوصيات دي .. يابنتي انتي مدب كده لوحدك ولا في حد معاكي محدش قالك قبل كده انك لمضه ول**نك طويل... اه عادي بابا قالي كده ... هههههه طيب بابا ما قالكيش لما الدكتور بتاعك يجي يزورك في الكافتيريا تعزميه علي حاجه يشربها ولا انتي بخيله ... لا طبعا بابا علمني كرم الضيافه بس مش اي حد يعني صحابي او قرايبي لو حد من الجيران بيزور ماما كده يعني لكن ماقلش دكتورك تعزميه...طب امشي يعني ولا ايه ايه الاحراج ده ... لا مش قصدي سوري يا دكتور اتفضل اقعد ... طيب ياستي انا قعدت اهو تشربي ايه بقي عازمك انا ... هشرب عصير برتقال ... تمام تعالي يا سعيد هاتلنا اتنين برتقال ساقعين كده علي مزاجكك.. حاضر يا دكتور انت تأمر .. بصي يا انسه هبه . انا عايز اعتذرلك عن الي حصل مني انا فعلا مش قصدي اكيد انا طالع بسرعه من المكتب عشان كنت عايز الحقك عشان اعتذر منك لقيتك في وشي وطبعا كالعاده لقيت بابور انفجر في وشي يعني ماكنش يصح احرجتيني قدام الأمن والطلبه الي كانو واقفين .. فا حبيت اقولك انا اسف .. لا ولا يهمك انا كنت قليله الذوق شويه ... هههههههههه شويه بس .. لا بصراحه كانو شويه كتير معلش بس اتعودت ما اسبش حقي لحد طالما انا صاحبه حق هاخده من عين اي حد .. جدعه يا هبه انتي انسانه كلامك بيقول انك محترمه وبنت ناس وكمان جميله وزي القمر وعنيكي حلوه اوي .. هاه بتقول ايه حضرتك شكلك بقي بتحب طوله ا****ن ... والله مش بعا** بس بقول الحقيقه الي شايفها وماينفعش انكرها او اخبيها

وبعدين اسف لو ضايقتك هستأذنك انا شكلي تقلت

عليكي بقعدتي معاكي ... لا لا استني والله مش مضايقه بس انت **ف*ني... وخدودها احمرت .. قالها ممكن اقولك حاجه من غير عصبيه وطوله ل**ن .. اتفضل قول وربنا يستر بقي .. انتي احلي وانتي م**وفه .هههههه راحت ضاحكه علي كلامه وطريقته

وشكرته علي ذوقه وكلامه اللطيف ده .. متشكرنيش دي حقيقه انا شايفها واتعودت اقول الي جوايا مش اكتر فا لو كنت تعديت حدودي ان بتأسف ومش هتكرر تاني .. شكرا يا دكتور... لا ممكن بره المحاضرات تقولي احمد عادي مش لازم القاب . حاضر هحاول .. بس قوليلي يا هبه واسمحيلي اقول هبه من غير القاب برضه لاني مش بحب كده .. اه تمام اتفضل .. قوليلي بقي انتي ليه اختارتي طب بشري .... بحب الدكاتره والمستشفي والبلطو ومساعده الناس من صغري ده كان حلم عمري والحمدلله بدأت اول خطوة وان شاء الله زي ما ماما بتقولي هبقي أشهر دكتوره في مصر .. هههههههه ان شاء الله طبعا هتبقي اشطر واحلي واحده كمان وفجاءه عيونهم طلعت قلوب كده والجو بقي برد وحر في نفس الوقت اينعم هو بعينه يا ساده الحب هو بغبوته شكل الاتنين طبو ووقعو في الحب ومحدش سمي عليهم ... لكن هما محدش فيهم فاهم الي بيحصل برضه ال ايه عاملين مش من هنا ... واستأذنت هبه انها هتمشي عشان اتأخرت كده ومعندهاش محاضرات تاني خلاص هو اول اسبوع كده بيكون فاضي مش مليان عشان لسه بيتنظم الوضع وكده لكن هبه كانت ماشيه وسايبه قلبها ومشيت وخدت قلبه وروحت هبه للبيت بس قبل ماتروح مشيت وقت كبير وهي مش حاسه بالوقت ولا كتر المشي من كتر ماهي ماشيه عماله توزع اتبسامات بريئه لكل الناس كأنها بتديهم طاقه ايجابيه من الي هي حاسه بيها وفي نفس الوقت مش فاهمه سببها ... عدا الوقت وركبت اقرب تا**ي وروحت علي البيت اول مادخلت نادية سألتها علي سبب التأخير قالتلها هنتغدا واقولك لما نقعد نشرب شاي سوا ... قالتلها يبقي شكل في موضوع ماشي يا ستي غيري هدومك وتعالي جهزي معايا الغدا ... هو بابا وصل ياماما .. اه يا قلب ماما جوا خشي سلمي عليه يلا وتعاليلي بسرعه.. حاضر دخلت وطبعا وقفت عملت فرح علي الباب وهي بتخبط وهو مقتول ضحك ... وفتحت ودخلت اول ما شافها قالها يابنتي عيب هتبقي دكتوره اعقلي انتي كده هتبقي صاحبه فرقه مناسبات مش صاحبه عياده .. هههههههه اهو عادي ياحجوج ده جنب ده البحر يحب الزيادة .... انتي مشكله ياهوبا يلا روحي غيري لحسن مامتك تيجي تقتلك عشان اتأخرتي عليها وانا مش كل يوم هقتل حد بسببك هههههه ... ماشي ياسي بابا عيوني .. وقبل ماتخرج من الاوضه نده عليها وسالها عن سبب السعاده دي قالتله لا عادي اليوم عدا كويس الحمدالله واتعرفت علي زمايل كتير وهسيطر انا ياحج .... اوعي يابت تسمحي لاي حد يدخل في حياتك اختاري صحابك كويس عشان الصديق قبل الطريق يعني قبل اهم من انك تخدي بالك من الطريق الي ماشيه في تخدي بالك من الي ماشي جمبك في المهم يكون صديق بجد يستحق انك تبقي في حياته اصل انتي جوهره ياهبه انتي اغلي حاجه في الدنيا ربنا كرم الستات كلها فا اختاري كويس كل حاجه في حياتك ... حاضر يابابا بنتك مايتخافش عليها ب ١٠٠ راجل زي ما بتقول .. ماشي يا حبيبه ابوكي ربنا يبارك فيكي ويحفظك ... أمين يابابا..وراحت غيرت هدومها وغسلت وشها وايديها وراحت تحضر مع امها الغدا والاكل اتجهز واكلو وقامت تعمل الشاي وهاله دخلت تذاكر وقاسم قام يقف في البلكونه يشرب كوبايه الشاي ال بعدها علطول بيدخل يريح شويه ... وبعدها خدت نادية كوبايتين الشاي بتاعتها هي وهبه ودخلتلها الاوضه ..هاه ياست البنات قوليلي بقي ايه الي كان مدخلك مبسوطه كده ض*بتي حد تاني ..هههههههه لا يا ماما هو انا قتاله قتله يعني .. لا ياقلب امك بس مش بتسيبي حقك لحد .. طيب يا أمي ماهو ده صح وعموما عشان اريحك هي مكنتش خناقه اووي كان مجرد كلام ... هههههه وانتي عايزه تض*بي كمام... عوض عليا يارب خلفت ولد انا مش بنت ... ههههه لا بصي ياستي الي حصل انا نزلت من البيت الصبح لا بيا ولا عليا وبقول يافتااح ياعليم يارزاق ياكريم علي الصبح وطلعت بره الشارع علي الشارع العمومي الي باخد منه التا**ي واذا بي اتفاجئ بعربيه بتفرمل عليا .. يالهوي يابنتي فيكي ايه طيب حصلك حاجه في حاجه بتوجعك ايدك رجلك وريني ...ههه لا ياأمي اطمني بقولك فرمل بس بما اني انا قلبي حديد اغم عليا قدام عربيه الشاب ده ... شاب كمان ياعيني علي الي هيجراله ... المهم ياماما نزل تقريبا فوقني والناس اتلمت فكرك بقي بنتك تعديها كده مثلا من غير ما تمارس هوايتها المفضله الا وهي طوله ا****ن .. ياختى وقعته سوده انا عارفه اكيد مابقاش عارف يلم كرامته منين .... هههه حصل ياماما اخد وصله ردح ماينفعش تقولها طالبه جامعيه في يوم هتبقي دكتوره.. وبعدين يامشرفاني حصل ايه .. بعدين بقي بصراحه طلب مني اني اركب ويوصلني ... مكنتش عايزه .. اصلا في الاخر طلع المعيد الي انا هزقته امبارح برضه ...هو م**م يتقل منه بقي هو حر ... بالظبط كده .. فكرته بقي انه ماشي ورايا عايز يقتلني كانوع من انواع الانتقام يعني وكده بقي وكنت هحبسه واجبله البوليس .. المهم فضل يزن يزن ويلح وي**م انه يوصلني وفي الاخر بصراحه وافقت حسيت اني لازم ألم الدنيا الي وسعت مني دي كان هيموت في الشارع لو مركبتش معاه .. واعدتي جمبه طبعا وفضل يحلو ويهزر ويتكلم ماهي بقت سايبه يابت نادية .. اسمعي بس ياماما ل مركبتش جمبه .. امال هتكوني ركبتي فين ياعين امك في شنطه العربيه .. لا ركبت ورا في الكنبه الي ورا عاملته معامله سواق التا**ي .. وصلني وحضرت المحاضرة وهو كان أول محاضرة عندي فا موضوع التاخير عدا وحمدت ربنا عشان مكنتش قتلته لو عمل حاجه تاني .... لكن الغريب اني حاسه حاجه غريبه بتحصل انا بفرح لما بشوفه مع اني بقالي يومين بس الي شوفته واعرفه فيهم .. طلع ذوق اوي يا ماما وجه لحد عندي في الكافتيريا بتاعه الكليه عشان يعتذرلي عن الي حصل منه بدون قصد .. حلو اوي يا امي ان جيتي للحق يعني .. يابت احترمي نفسك في ايه مالك عيب مش كده مش تربيتي ده لاااا ده انتي مالمحتيش التربيه بعينك حتي .. لا متربيه وراجل ومحترمه ده انا تربيتك يانونا... بص البت بتاكل بعقلي حلاوة .. حلاوة ايه بس هو في حلويات بيتاكل بعقلها حلوه ده مايجيش حتي ... خلينا في المهم وسيبك من البكش مش بياكل عيش كلمتين هقولهم لا فوقهم ولا تحتهم وانتي حره يابنتي ... بصي احنا مش معاكي بره البيت ولا بنروح معاكي الكليه وخلاص كبرتي ومابقتيش الطالبه الي في ابتدائي واعدادي حافظي علي نفسك وعلي تصرفاتك خدي بالك من كل حركه بتعمليها اوعي تسمحي لحد يقرب منك يلعب بمشاعرك عشان مش هقول ومش هسمح بده وساعتها هتبقي مشكله كبيره صدقيني انا امك وصحبتك واحكيلي كل حاجه متخافيش لكن تخالفي الي بيتقال ساعتها ردي مش هيعجبك ياهبه ....ياماما والله انا محصلش مني حاجه هو جالي واعتذر مني وكنا جوا الكليه مش بقولك عزمني لكن انا مستغربه من احساسي حتي هو كلامه معايا غير اي واحده من الطلاب معايا بيحاول يقربلي انا حاسه بكده... ماهو ده الي بتكلم في مش اي حد يقرب من قلبك عشان مش اي حد يستاهلك لازم يلف ويحفي ويتعب علي ما يوصلك عشان يحس بغلاكي ياهبه .... حاضر يا ماما اكيد مش محتاجه توصيني طبعا ده انا تربيتك انتي والحج قاسم بحبك اووي يا مامتي ربنا مايحرمني من نصايحك... يارب يحفظك ويسترك يابنتي ويخليكي انتي واختك لينا واشوفكم احسن ناس بشهادتكم وافرح بيكم احلي عرايس في الدنيا ... يارب يا أمي تسلميلي...