إمرأه قوية

الجزء الرابع

كانت الفرحه مش سيعاها ببنتها وحاجتها وسعيده بفرحة نادية اوي جه اليوم الرابع وكان ده يوم توضيب البيت وبدأ اليوم زي كل يوم ام نادية دخلت تصحي نادية قومي ياعروسه قومي ياقمر يلا ياحبيبه ماما اصحي الوقت بيجري ولازم نخلص الي ورانا عشان نخلص البيت وترتاحي شويه بكره يومك طويل .. صحيت نادية بدلع وقالتلها خلاص يا ست الكل صحيت خمس دقايق وتلاقيني وراكي والي تطلبية نافذ من دلوقتي .. ضحكت مامتها عليها وعلي طريقتها وشعرها المنعكش وطلعت بره وقالتلها وهي ماشيه يلا حصليني ضحكت وراحت قالت بتريقة حاضر ياستي ههههههههه قامت نادية من سريرها وراحت غسلت وشها وأعدت مستنيه الفطار وكوباية الشاي بلبن الي بتحبها من ايد مامتها نسيت نادية ومامتها يفطروا ونروح لبيت قاسم نشوف بيعملو ايه ... عند قاسم لسه نايم اخد اجازه من شغله بقي عشان ينزل يجيب بدله لنفسه ماهو عريس ومن حقه يدلع دخلت عليه مامته بتنادي عليه يلا يا قاسم بيه قوم ياحبيبي عشان تفطر كفياك نوم يابني صحصح كده ياقلب امك عشان تروح تشوف الي وراك وتخلص حاجتك لسه في بتاع الفراشه هتتفق معاه يجيب كراسي ويعلق نور علي البيت ... صحا قاسم وقالها ايه الدلع ده كله يا ست الكل قالتله ياحبيبي وانا حيلتي غيرك عشان اقوله الحلو كله اهو ادلعك شوية عشان لما بجي ابنك هياخد كل حاجه منك خد بالك ده هيبقي الغالي ونور العين ده ياخد روحي ساعتها مش هتتعز عنه وانا هيبقي مين ادي هبقي ام البيه وجدة الباشا ضحك قاسم بسعاده وقالها بيه وباشا والله انا بيه عشان انتي احلي هانم في الدنيا ربنا يخليكي ليا يا أمي ويطولي في عمرك انتي وبابا ودايما مشرفني ومطولين رقبتي قدام الكل ووطي علي ايديها عشان يبوسها راحت ماسكه وشه بين ايديها وقالتله تلاقي الفرح والسعاده في كل خطوة ويرزقكك بحلاله ويكفيك شر الحرام يا ابني يا نور عنيا انت يالي ماليش غيرك في الدنيا انت وابوك مافيش راجل زيه طيبه وحنيه ورجوله وجدعنه ربنا يحفظكم ليا يارب يا ابن بطني لكن ابوك ده ابن قلبي وحياتي ده رفيق عمري ربنا يطول عمره يارب ونشوف عيالك وعيال عيالك كمان وحطيت بوسه علي جبينه ودعيتله روح ربنا يرضي عنك يارب ويبارك فيكي ياست الكل يا قمر انتي .. طب بس يا ولا يلا قوم بقي كفايه كلام قوم حضرتلك احلي فطار وكوباية الشاي بتاعتك قالها اه يا أمي دي هي دي الي بتخليني اعرف اكمل اليوم حاضر هروح استحمي واجيلك علي طول نفطر سوا ودخل الحمام يستحمي وخلص حمام ولبس هدومه وطلع اعد يفطر وشرب الشاي ونزل علي طول يلف علي المحلات عشان يشتري بدله الخطوبة بتاعته وبعد لف كتير علي كل الأماكن الي بتبيع بدل مش لاقي حاجه عجباه وجه عند آخر محل ودخل وهو متردد وحاسس انه مش هيلاقي حاجه تعجبه زي كل الي فات المهم دخل المحل وفضل رايح جاي مش عارف يختار وفجاءه شافه شاب شغال في المحل راح لعنده وقاله لو تحب اسعدك ابتسم له قاسم وقاله ياريت انا محتار من بدري وتعبت لف علي المحلات كلها وانتو تقريبا اخر امل ليا ده انا خطوبتي بكره ابتسمله الشاب بفرحه وقاله مب**ك ربنا يتمم بخير تمام انا هوريك كذا حاجه ان شاء الله تلاقي فيهم طلبك ابتسم قاسم وقاله وانا متفائل بيك وريني بقي طلعلة تلت بدل كحلي واسود ورصاصي لبس التلاتة وجربهم معجبتهوش الا السودا وجاب عليها قميص ابيض والكرافته لونها موف لون فستان نادية مشي وهو مبسوط وراح اشتري شوز أ**د من محل شيك اوي وكانت غاليه خلص طلباته وروح وعدا في طريقه علي بتاع الفراشة عشان يقوله علي النور الي هيتعلق والكراسي زي ما مامته قالتله قبل ما ينزل وكان صاحب المكان عارف قاسم ورحب بي جدا وبارك له ودعا لي كام دعوه حلوة فرح بيهم قاسم بيحب الدعوات الي فيها محبه وخصوصا لو ناس غريبه هو كمان الفتره دي محتاج كل دعوه في الأيام الجايه عشان ربنا ييسرله أموره بعد ما راح لمحل الفراشة وصاحب المكان قاله هبعت وراك الواد علي طول يعملك الي انت عايزه ده انت تأمرني يا استاذ قاسم ربنا يتملك بخير يارب ابتسمله وراح سابه ومشي رجع البيت استقبلته مامته بزرغوطه كبيرة وفرحتها باينه علي وشها وفي عنيها ومسكت من ايديه البدله تعالي ف*جني يا واد والله وعشت وهشوفك عريس زي القمر ربنا يكمل فرحتك علي خير يابني رد قاسم قالها تعيشي يا أمي ويطولي في عمرك انتي والحج وطبع بوسه علي جبينها جه الحاج محمود من بره وسلم عليهم وحضن ابنه وباركله علي البدله الجديده وقاله عقبال بدله الفرح الكبير واشوفك في بيتك يابني تسلم ياحاج ربنا يباركلنا فيك وفي صحتك وصل في الوقت ده الولد بتاع النور جايب الكراسي والنور سلام عليكم يا حج مب**ك ربنا يتمم بخير عقبال البكاري ويارب عقبال ما تشيل ولاده شكره ابو قاسم وقاسم ودخلو البلكونه عشان يعلقلهم الكهارب وراح علي بيت نادية عشان يعلق علي بلكونتها كمان ويحط الكراسي عندها وكانو مشغلين التسجيل وأغاني افراح بقي وبقيت ام قاسم تزرغط وأم نادية تزرغط من فرحتهم وهما شايفين فرحه عيالهم وان عيالهم كبرت وهيشيلو مسئوليه وعدا اليوم عليهم في ترتيب وتجهيز البيت وراح ابو قاسم اتفق علي الجاتوه والساقع ووصي عليهم يوصلوهم بكره علي البيت بتاع العروسه علي العصر عشان قبل ما الناس توصل عشان يبقي في وقت يجهزو ويحضرو .عدا اليوم وخلصت في كل حاجه وراهم ومنتظرين تاني يوم بفارغ الصبر وعريسنا سرحان في حبيبته وحب عمره وعروستنا بتفكر في حياتها الجايه معاه والابتسامه مش مفارقه شفايفها من يوم ما اعترف وقال وطلبها قدام الكل يوم عيد ميلادها نامت نادية ونام قاسم واليوم خلص علي كده وجه يوم خطوبتهم اليوم الي كان كل واحد فيهم بيستناه ويحلم بي بينه وبين نفسه ومكنش حد فيهم عارف هل ده هيتحقق او لا صحيت عروستنا من النوم فرحانه ومبسوطه وكلها طاقه وسعاده عايزه توزعها علي كل الناس الي حواليها دخلت تاخد حمام عشان تبدأ تجهز الكوافيرة جايه لها البيت عشان تعملها شعرها تسريحه وتزوقها زي ماكانو بيقولو وصحي قاسم راح للحلاق عشان يحلق ويطلع يجهز نفسه برضه ويلبس بدلته عشان يستعد لحفله خطوبته هي كانت في البيت بس كانو جايبين مصوراتي ومشغلين اغاني خطوبه وافراح حلوه اوي وخبط باب بيت نادية فتح عم حسين الباب كان واحد جاي من محل الحلواني عشان يوصل الجاتوه في نفس المعاد المتفق عليه استلم ابو نادية الجاتوه وقال للولد شكرا تعبناك عقبالك يابني ابتسمله الشاب ونزل شويه وخبط تاني علي الباب فتح حسين لاقا ولد شايل صناديق الساقع وبيقوله مب**ك ياحاج عم محمود باعت الحاجات دي ربنا يتمم بخير ... شكرا يابني عقبالك يارب السلام عليكم ياعم الحاج تأمرني بحاجه تاني شكرا ياحبيبي ربنا يستر طريقكك وعليكم السلام وجه معاد وصول العريس من عند الحلاق وطلع لبس بدلته السودا الجديده الي كانت مخلياه زي نجوم السيما زي ما امه قالت اول ما شافته فضلت تسمي الله وتكبر وتخمس وولعت بخور وبخرته من العين والحسد بقي يضحك علي فرحتها دي ومبسوط بيها وقالها يلا ياأمي اجهزي قالتله علي عيني يابني وانا هجهز لأعز منك ده يوم الهنا

علطول ياحبيبي هتلاقيني لبست ده انا حتي اشتريت حته عباية حلوه اووي ياولا هشرفك كانت خالتك ام السيد عرضاها للبيع وبتقولي اشوفلها حد ولما قيستها عليا لقيتها حلوه هدخل اجهز واجيلك يا نور عيني ياست الحبايب انتي تشرفي الريس ده انا اشيل جزمتك علي راسي واتباهي بيها تاج فوق راسي يلا ياحبيبتي مستنيكي عارف هتبقي احلي من العروسه يعني هههههههههه .. يا ولا اضحك عليا اكمني بصدقكك ماشي ال انا يا ست يا عجوزه هبقي احلي من عروستك دي نادية دي ست البنات لدب وجمال واخلاق ربنا يجعلهالك زوجه الدنيا والآخرة ياحبيبي وما يغير عليكم ابدا واشوف أولادكم ويملو عليا البيت انا وابوك ضحك قاسم وقالها يلا يا ست الكل اجهزي هنتأخر ... هههههههه حاضر يا مستعجل انت امال ياواد لو هتتجوز النهارده كنت عملت فينا ايه اتقل يابني هتفضحنا ويقولو الواد اتجنن ههههههههه ماشي ياما انا مجنون الله يسامحك مقبوله من ل**نك الي بينقط سكر ده .. خلصت ام قاسم لبسها وطلعت وكانت لابسه عبايه سوده وفيها تطريز من علي الص*ر والأكمام وشكلها شيك ورقيق جدا كانت فعلا قمر رغم كبر سنها والشال الاسود علي شعرها زين وشها وزاده جمال سبحان الله البشاشه مرسومه علي وشها ما تتخيرش عن ام نادية سبحان ربنا الي بيجمع ويوفق الطيور علي أشكالها تقع فعلا الطيبون للطيبات .. شافها ابنها راح مطلع صفاره عاليه وكأنه شايف سعاد حسني الممثله قدامه وعبر عن إعجابه بشكلها ولبسها وكانها بنت ٢٠ سنه وبيعا**ها ات**فت من طريقته وقالتله بس يا ولا **ف*ني عيب عليك قالها يلا يا ست الحسن والجمال ده انتي احلي من العروسه فعلا ضحكت ومشيت معاه وفجاءه وثقت وسألته يوه امال هنروح من غير ابوك وكنا هننسي الشبكه يا موكوس لخمتني وسربعتني الله يحظك يابني قالها معلش ياما دماغي مش فيا والله الفرحه مش سيعاني مش مصدق نفسي قالتله ليه ياحبيبي ده انت الف من تتمناك قالها ياما انا مكنتش عايز غيرها والحمدالله ربنا رضاني بيها ويارب يقدرني واسعدها وما احرمهاش من حاجه في نفسها ... يارب يا بني يخبزلك الخير ويجعل قدمها ورد وشهد عليك ويجعل الخير والرزق في رجليها منين ماتخطي سابته بعدها ودخلت تجيب العلبه بتاعه الشبكه من دولابها وسألته تاني فين ابوك قالها ابويا مع عم حسين من بدري قالتله طيب يلا بينا بقي كفايه كلام احنا جاين يحلالنا الكلام والحكاوي دلوقتي في يوم زي ده .هههههههههه الله يحظك ياما انتي مافيش حاجه تعديها كده من غير ما تتريقي عليها وطفيت انوار شقتهم وطلعت علي بره ووقفت دقيقتين تزرغط بطريقه متواصله طلعت لها ام نادية وردت عليها الزرغوطه وحضنو بعض وكل واحد باركت للتانيه وعبرت لها عن اد ايه نسبهم مشرفهم ومفرحهم دعو لاولادهم ودخلت ام قاسم وسألت ام نادية ها في ايه اعمله وياكي قالتلها ولا حاجه انتي تعدي هنا زي الهانم وكل حاجه خلصت خلاص انتي يا وليه انتي بتعامليني غريبه وضيفه اخس عليكي دي بنتي يا وليه انتي بقي كده ياختي تفكري اني اعاملك كده الا عمري ما عاملتك بالشكل ده طول العمر ده كله اجي دلوقتي وانتي ام الغالي وحمات الغاليه ونور العين اعاملك غريبه الله يسامحك مش هكلمك ولا اعتب عليكي عشان خاطر العريس الي ياخد القلب والعين الله يحرقه ويحفظه بحفظه حبيب امه وحطت بوسه علي خده وراح بايس راسها وايديها وقالها تعيشي ياما انتي امي التانيه والله ربنا يعلم غلاوتك عندي ايه مش عشان هتبقي حماتي انتي مش حماتي انتي امي زيك زي ام قاسم ربنا يقدرني واقدر ابقي اد حبكم لبا ومعاملتكم واكون ابنكم الي مجبتهوش .ام نادية ردت عليه قالتله يسعدك ويرزقك ويد*ك ويطعمك ما يحرمك ادخلو يلا اقعدو خش ياحبيبي لعمك حسين والحج محمود جوا اعدين مع خلان واعمام نادية وكمان اعمامك وخلاتك ... ماشي ياما هروحلهم .... خدي يا ام نادية ياختي العلبه بتاعه الشبكه تجهزيها في الصنيه ورصي الملبس والتوفي حواليها قالتلها حاضر علي عيني لو أطول ارصها دهب والماظ مش هتاخر ربنا يسعدكم ياولادي يارب دخلت ام قاسم الاوضه الي فيها اخواتها وجوزها وعم حسين والضيوف المقربين ما العائلتين عارفين بعض وواخدين علي بعض زي الاهل وفي عشم بينهم ودخلت تعملهم شاي ام نادية وكانت العروسه بتجهز لسه والكوافيره عندها والبنات صحابها وقرايبها ورقص وأغاني وزرغيط مافيش بعد كده ... ووحده وحده الناس بدأت تيجي وكل الي جاي جايب هدايا للعروسه والعريس ماهو مافيش معازيم غريبه كلهم يعرفو بعض برضه فا الي جاي يجامل بيجامل هنا وهنا بدأت الهيصه والفرح يشتغل وكانت العروسه لبست وخلصت تسريحه شعرها واتزوقت وبقت احلي من الحلاوة عروسه زي الكتاب ما قال فعلا واول ما طلعت من اوضتها بدأت الزرغيط تعلي وتكتر بفرحه مكنش في حد بيكرهم او هما كانو وحشين محد كانو محبوبين جدا بين الناس ات**فت نادية وفرحتها زادت بالناس واللمه وفي لحظه حست انها كبرت فعلا وبقت عروسه زي ما امها بتقولها دايما وانها حاجه مهمه عشان الكل يتجمع علي مددها خدها ابوها من ايديها اعدها علي الكوشه بتاعتها هي وقاسم وقاسم جه اعد جمبها والبنات بقو يرقصو ويهيصو وشويه يطفو الاغاني ويغنو ويطبلو وكان فرخ كأنه في مسرح من كتر حلاوته ان الكل فرحان من قلبه بجد وبعد شويه جه باباها قدم لها هديته ليها ولبسها الغوايش الي اختروها مع بعض لما خدوها ونزلو الصاغه وكانت حاجه تملي العين بجد وتشرف وباس رأسها وبارك لها ووصاهم علي بعض وشكره قاسم علي هديته لخطيبته وقاله ربنا يقدرني وازودها زيادة ما انقصهاش ولا احساسها بفرق لما تسيب بيتك وتيجي بيتي انا يابني ربنا يكرمك يارب انا مش مهم عندي تزودها لبس ولا دهب المهم تهنيها وتكرمها وتحافظ عليها دي الغاليه وعمري كله فيها وراح عليها حطها في عينك لو عملتلك حاجه في يوم تقولي انا وانا اجبلك حقكك منها ونص بس ما تغلطش فيها ولا تجرحها لاني ابوها هيجي يوم وتسامحني وتنسي مهما عملت فيها لكن انت بلاش تخليها تخاف منك وتكرهك خليها تحترمك لو احترمتك يا قاسم مش هتحتاج تخليها تخاف منك انا عطيك جوهرتي اغلي ماعندي يابني الله يسترك حافظلي عليها ياحبيبي ... والله ياعمي اغلي من روحي وهتبقي جوا عيني ماتقلقش انا هبقي اخوها قبل ماابقي خطيبها وجوزها طمن قلبك وحط في بطنك بطيخه صيفي ياعمي ضحك وقاله ماشي يابني شادر بطيخ عشان واثق فيك وفي اهلك كلهم انتو ناس ونعم الجيره والنسب والأهل ربنا يديمها بنا وخلص كلامه مع بنته وخطيبها وراح اعد علي كرسي في جمب لوحده وسرح ودموعه نزلت وكانها هتسيب البيت الصبح مش بعد سنه ونص لسه جتله مراته وسألته مالك يا ابو العروسه بتبكي ليه اخس عليك ده يوم برضه تعيط في كده بنتك لسه في حضنك ياحبيبي ما تعيطش كده ما تنكدش عليها وتزعل نفسك علي الفاضي رد قالها انا حسيت فجاءه انها كبرت وهتتخ*ف مني وتسيب حضني انا ياام نادية لا لا مش هجوزها انا ابقي جوزيها لما اموت بقي مش هقدر انا اعيش في البيت لما تسيبه وتمشي حاولت تهون عليه الوضع وقالتله بقي ياراجل انت الي تعمل كده امال انا اقول ايه دي اول واخر العين ما شافت والقلب حس ودق ليها بس بقي هعيط انا كمان الله يسامحك هنصايقها في فرحتها كده ماتسبقش الأحداث الي بتعمله ده سابق لاوانه لسه يلا ياحج قوم معايا نقف جمب البت ونفرحها مش كفايه لا ليها اخ ولا اخت وبطولها يلا ياحبيبي يلا قاله ماشي ياحجة يلا بينا حاضر وكان وقتها محمود بيلبس نادية هديته ليها السلسله والخاتم وبرضه كانت حاجه تقيله وتشرف وشكلها شيك اوي وكانت نادية فرحانه اوووي بكب الهدايا دي حتي الحاجات البسيطه منها وجه دور قاسم بقي عشان يشبكها والبنات راحت مشغله اغنيه يادبله الخطوبه بتاعه شادية .....يا دبلة الخطوبه عقبالنا كلنا

ونبني طوبه طوبه في عش حبنا

نتهنى بالخطوبه ونقول من قلبنا

يادبلة الخطوبه

يا صوره في الحيال ماتغبش عننا

بداية الامال وعز فرحنا

شبكنا بدلته وقرينا فاتحته

وعرفنا نيته وغلاوته عندنا

يادبلة الخطوبه

يادبله من دهب قوليلي ايه مكتوب

دا الاسم بالدهب منقوش عالقلوب

القلب وانشبك وراح مع الشبك

ولقينا في الشبك نصيبنا وفرحنا

وفي دبلة الخطوبه كتبنا اسمنا

يادبلة الخطوبه.

وكله بقي يرقص ويهيص وقومو العريس والعروسة يرقصو وكله كان فرحان وخلص يوم ناديه وقاسم بفرحه وسعاده مافيش بعدها والكل اليوم ده نام مبسوط جدا والكل دعالهم بالسعاده والهنا.