إمرأه قوية

الجزء التاسع

بعد ماخلصت كشف طلعو وركبوا اقرب تا**ي عشان يوصلو للبيت بسرعه وعشان تبقي نادية مرتاحه اكتر كان نفسهم يطيرو علي أهلهم عشان يفرحو معاهم بالخبر ده ... وفعلا وصلو بسرعه جدا كان الوقت كان فرحان علي فرحتهم .. واول ما وصلو طلعو يخبطو علي باب شقه كل واحد فيهم والي يقول ياقاسم والي يقول يا نادية طبعا خبط علي الباب ب ده او ده بطريقه جنونيه طبعا كله اتخض وجري عشان يفتحو شققهم يشوفو في ايه حصل كل الي جه في بالهم انهم في مشكله وبيستنجدو باهلهم ماجاش في دماغهم انهم ممكن يعملو كل ده عشان يوصلولهم خبر الحمل ... ام نادية فتحت وأم قاسم كمان وفي نفس واحد صوتو في وشهم في ايه ياولاد خير مالكم سرعتونا جرا ايه يا بت منك له انطقو حصل ايه وقعتو قلوبنا ... طبعا هيستريا ضحك علي شكلهم طبعا استغربو ازي ممكن يبقي في مصيبه او مشكله او حاجه مش كويسه وهما بيضحكوا كده ومسخسخين علي نفسهم من الضحك وفجاءه كل الأصوات دي سكتت وفضل قاسم يبص لناديه وهي تبصله وبعد كده قالهم احنا بعد تسع شهور جايلنا ضيف .. الأمهات فضلو مبلمين مش فاهمين حاجه وقالو ضيف مين ده اهلا وسهلا بي يابني بس يطلع مين ده الي عاملين عشانه الغاغه دي كلها ...ياما باركيلي هبقي اب .. بجد ياقاسم بجد ونبي الكلام ده صحيح نادية حامل ... اه يما لسه جاين من عند الحكيم وبشرنا واول حاجه عملناها جينا عليكم نفرحكم معانا يادي الفرح والهنا والسعاده يارب ينتعها بالسلامه يارب ويقويها ويقويك يا حبيبي ويرزقكك برزق الي جاي ويد*ك من وسع ياقادر يا كريم وزرغيط كتيرررر اووووي من كتر حلاوه الخبر بقة يحضنو ويبوسو في بعض وعايزين نادية تقعد ماتعملش حاجه وقررو انهم يريحوها كل واحده تنزلها يوم تساعدها عشان ماتتعبش حسب كلام الدكتور

وفعلا عدا اليوم علي كده وكانت ام ناديه قالت للحاج حسين وأم قاسم قالت للحاج محمود وطبعا فرحو جدا عشان هيبقو اجداد وراح محمود يبارك لحسين علي حمل بنته وهو باركله برضه وفكرو يجيبو هديه لنادية وفعلا اتفقوا ونزلو تاني يوم وجابولها سلسله مكتوبه باسم هبه الله ايه المغزي من الاسم مش عارفين بس شايفين ان الحمل ده جالهم هديه وهبه من الله وكانت سلسله كبيره وشكلها غاليه وخلصو ورجعو علي بيت قاسم ودخلو اعدو وباركلهم وقدمو الهديه واتبسطت بيها نادية اوووي وقاسم شكرهم جدا علي تعبهم وأنهم كلفو نفسهم وجابو سلسله غاليه كده مكنش في داعي لتعبكم... عيب يابني الكلام ده انتو عيالنا الي حلتنا كله بتاعكم ولعيالكم ومكنوش لسه شافو السلسله مكتوب عليها ايه او عامله ازي اعدو شويه وشربو الشاي ومشيو مسكو فيهم عشان الغدا رفضو وقالو لا هنتغدا مع بعض فوق ... اه ماهو من لقا صحابه نسي احبابه وماله ياحج .. هههههههههههههه الله يحظك ياواد يا قاسم ضحكتني.. ربنا يبسطك ياحج ربنا ما يحرمنا من ضحكتك وحسك في الدنيا انت وعم حسين وامي وخالتي .. يارب يابني ربنا يبارك فيك ويطرح فيكم وفي الي جاي البركه والصحه ... ناوين تسموه ولا تسموها ايه بقي يا ولاد ... والله مش عارفين لما يجي ولا تيجي بالسلامه نبقي نشوف كل اسامي ربنا حلوه المهم ان ربنا اكرمنا بذرية يارب يجعلها صالحه اهم شئ ... بأمر الله ياولاد انتو طيبين وتستاهلو كل خير والله ... ربنا يبارك فيكم يارب احنا مالناش الا انتو اصلا ... وخلص اخدو واجبهم وطلعو بيوتهم وسابو قاسم ونادية لوحدهم .. طبعا قاسم فضل يحضن في نادية ويبوس رأسها وايديها ويقولها ربنا يجعلك سبب فرحتي دايما يا اميرتي وتاج راسي .. يارب ياحبيبي ويخليك ليا ويد*ك الصحه والعمر ... طيب هاه بقي ياستي تحبي تاكلي اعملهولك بأيدي بعرف اطبخ انتي عارفه بقي ولد واحد وكنت بساعد امي لما بتبقي تعبانه ولا بعافيه شويه ..هههههههه يالهوي ياقاسم يادي العيبه عايزني اوقفك في المطبخ ده انا لا عشت ولا كنت ده انت تقعد زي السلطان وانا اجبلك طلباتك لحدك انا ليا مين غيرك يعني اعمله واتعبله ولو ده تعب فاتعبك راحه ياسيدي يلا قوم انت غير وانا هقوم اطبخ طبخه سريعه كده تاكل صوابعك من حلاوتها ... والله ابدا مايحصل ومش هتعتبي المطبخ طول ما اانا في البيت ايه عايزه البيه ولا الهانم الي في بطنك ياكلو وشي يقولو بتعب امهم ارتاحي انتي النهارده وانا هقوم بالواجب اطمني بعرف اطبخ والله حتي اسألي امي .. خلاص ياقاسم علي كيفك اعمل الي يعجبك انا غرضي اريحك مش عايزاك تتعب ولا تحس اني هبقي عبئ وحمل عليك ... ياريت الحمل والاعباء كلها في خفيتك يا نادية اشيلها عمري كله ... تسلم وتعيش ياحبيبي هدخل اغير هدومي انا واخد حمام عشان افوق من تراب السكه .. ماشي وانا هخش البس لبس الطبخ ههههههههههه ... دمك خفيف يا قاسم والله بتموتني من الضحك ... يارب دايما ضحكتك تنور وشك وماتفارق شفايفك الي زي حبه الفراوله دي

... هههههههه غاوي ت**فني انت مش كده ياباي عليك ياقاسم ... ههههههههه يلا روحي وانا هجهز الاكل فوريره. حاضر... خلصت نادية الي كانت بتعمله ودخلت تشوف قاسم بيعمل ايه لقيته مخلي المطبخ فله والاكل علي عيون البوتجاز وكل حاجه في مكانها كأنها بحطه ايديها بالظبط .. ضحكت بانبساط وقالتله ايه ده ياقاسم انت ولا كأنك حركت حاجه من مطرحها .. شوفتي مش قولتلك انا أعجبك وشغلي زي القشطه ياستي ههههههه راحت قربت منه وقالتله انا بحبك ياقاسم وعمري ما اشوف حياتي من غيرك ابدا ربنا يخلينا لبعض ويفرحنا بالي جاي يارب ... يارب ياحبيبتي يلا انا هغرف الاكل واحطه علي الترابيزه اتفضلي روحي استنيني هناك بقي وانا جاي وراكي طياره .. حاضر اهو هروح .. بس علي مهلك.. اكتر من كده هعمل ايه ونبي وانت خد بالك بس من النار اوعي تحرق ايد*ك .. ماتقلقيش ياحبيبتي وخلص قاسم الاكل وغرف الأطباق وطلعها علي الترابيزه واعد اكل هو وهي في جو لطيف كله هزار وضحك وكان بيحاول يهون عليها التعب الي حاسه بي رجاله زمان بقي كانو معظمهم يكاد كلهم كان عندهم احساس ونخوه وتقدير لتعب الست وخصوصا لو شايله في بطنها عيل

خلصو غداهم وطلب منها تريح شويه وهو هيطلع يبص علي مامته ويخليها ترتاح شويه وافقت علي طلبه لانها كانت محتاجه ترتاح فعلا خلاص هي مابقتش لوحدها هي شايله جواها روح تانيه محتاجه تحافظ علي نفسها شويه اكتر عشان خاطر تيجي بالسلامه من غير ما يبقي في عليها خطوره وفعلا طلع قاسم فوق وسبها تريح من غير ما يحسسها انها هتبدا تقصر معاه وفي حقه نامت اول ما حطت رأسها علي المخده محستش بحاجه وقاسم كان اعد مع باباه ومامته اتكلمو في كل حاجه مواقف قديمه كانت بتحصل او ظروف صعبه مرو بيها في يوم عشان يعملوه انه يتحمل اي ظرف يمر بي مهما كان صعب هيعدي زي ما غيره وغيره عدا وهيعدي وانه ياما وكتير هيعدي عليه أزمات لازم يحسب حسابها عشان ما يغلبش في حاجه ويحتاج لحد