إمرأه قوية

الجزء الخامس

وبعد ماخلص اليوم طلع نهار يوم جديد علي العائلتين وكالعاده ام نادية دخلت تصحيها عشان تفطر ويظبطو البيت من بهدله الخطوبة وقامت نادية وفطرت وروقت البيت هي ومامتها ودخلت اخدت حمام وغيرت هدومها عشان قاسم جايلها هما برضه لسه ما اتعرفوش علي بعض زي اي اتنين هيتجوزو وكانت مامتها عازماه علي الغدا وكان الحج حسين موجود في البيت ماينفعش يبقي البيت مافيهوش راجل دي أصول وعيب هو برضه غريب عنهم هما مجرد جيران مش اكتر بس العشرة بينهم قوية لكن الحدود والأصول محدش بيقدر يتعداها عدا الوقت وكانت ام نادية بتعمل الاكل وكانها عازمه الشارع بحاله وأم قاسم صحت قاسم عشان يلحق يستحمي ويلبس ويروح عند خطيبته وفعلا قام وجهز نفسه وهيطلع يروح لهم وقفته مامته توصيه يقعد باحترام ما يقعدش يتبصص شمال ويمين في البيت عشان البيوت ليها حرمه والي يسمعه جوا كأنه معداش علي سمعه ينسي انه اتقال ما يكررهوش حتي بينه وبين نفسه وياكل بالعقل هو مش محروم يعني ووصيته ياخد باله من تصرفاته وكلامه عشان الناس تحترمه الوضع اتغير يابني دلوقتي انت بقيت خطيب بنتهم لازم هيدققو علي كلامك وتصرفاتك وكل حركه هتتحركها هيبقو مركزين فيها ده انت هتاخد حته منهم دي اغلي ماعندهم مش هيدوها لاي حد والسلام طول رقبتنا يابني وخلي الناس تقول عرفنا نربي حاسب علي كل حاجه الله يرضي عنك وقبل ماتدخل انزل هات زياره ادخل بيها عيب تدخل ايد ورا وايد قدام انت مش بخيل وانا مش عايزه حد يقول علي ابني بخيل ولا مش بيفهم في الأصول ماتدخلش بيت حد ايد*ك فاضيه عيب ويلا عشان ماتتاخرش ياحبيبي .... يااااه ياأمي كل ده هو حرب ده جواز يعني ونسب مش مستاهله كل ده لا ياضنايا دي مستاهله ونص كمان ده المثل بيقولك قبل ماتناسب حاسب يعني اسأل واطقس ودور علي الي هيدخل بيتك وياخد حته من قلبك ويمشي هل هيكرمها ولا هيقل منها هيعيشها مستوره ولا هيحوجها ويجوعها ويفضحها يعني الراجل لو قلبه مش حنين وفي رحمه يبقي يغور لو عنده مال قرون الفلوس بتيجي وتروح حنيه القلب والمعامله الكريمه مش بفلوس الدنيا دي بتبقي خلقة ربنا يابني مش بتشتري ولا بتتجاب يا مولود في قلبك رحمه بغيرك يا مولود وفيك القسوة وجحود القلب حافظ علي بنات الناس ياحبيبي صدقني هيشلوك في عنيهم ويعاملوك ابنهم مش غريب عنهم وهتلاقيهم في صفك لو بنتهم غلطت في حقكك ... حاضر ياما من عنيا والله هي واهلها في عنيا مش ممكن أقل منهم ولا اعاملهم بغباء دول هما الي مربيني زيهم زيكم بالظبط وربنا يعلم الي في قلبي نحيتهم وربنا يقدرني وأكرم بنتهم حتي قبل ما تدخل بيتي وبكره تشوفي ياست الكل انك عرفتي تربي وتطلعي راجل بحق ابتسمت وطبطبت علي كتفه وقالتله عارفه ياحبيب امك وانا يعني هجيب عيال اي كلام ده انت الحيله خدت الخير والربايه وكل حاجه وعارفه ان مافيش منك بس لازم واجبي اقولك وانبهك عشان لو حاجه انت سهيت عنها ونسيتها ماشي يا حجه ربنا يخليكي ليا يارب ويطول في عمرك وعقبال ماتعلمي عيالي كمان ياعالم بينا يابني يامين يعيش ربنا يسعد قلبك ويفرحك ويسهلك حالك قريب وافرح بيك وانت جوا بيتك خلصت كلامها معاه وهو قالها خلاص فهمت كل حرف وان شاء الله هطول رقبتك انتي وابويا اطمني ونزل راح يشتري زياره عشان يدخل بيها وخلص وطلع وخبط الباب ونزل سلميتن لتحت عشان لما الباب يتفتح ما يبقاش كاشف الي جوا عشان لو حد مش عامل حسابه وكده يعني فتح ابو نادية الباب ... ولاقاه قاسم ايه يابني واقف كده ليه معلش يابا أصول عشان لو حد مش واخد باله ان الباب اتفتح بس فرح حسين بكلامه وبدأ يستبشر خير فيه انه بيفهم في الأصول واحد غيره كان وقف في وش الباب ومش هيهمه ما هيقول في نفسه ان الناس عارفين اني جاي يعني اكيد واخدين بالهم . قاله يابني انت تيجي اي وقت اهلا وسهلا بيك ده بيتك ياحبيبي اتفضل وطلعت حماته من المطبخ يا اهلا يا حبيبي نورت بيتك ومطرحك عقبال ماتدخلو عليا بعيالكم يارب ... يارب ياست الكل يسمع منك ربنا دعواتك بقي ... دعيالكم ياحبيبي في كل صلاة وكل اذان انا معنديش غيركم ان شاء الله هيكرمكم اخر كرم انت وبنتي تستاهلو والله .. وبعدين بص ياحج الي جايبه قاسم ينفع كده يعني احنا غرب مش اهل احنا يا واد انت طبعا يا أمي ده بيتي وعشان ده بيتي ما تقوليش الكلآم ده تاني ولا انتي عايزه تعملي فرق لا ياحبيبي ابدا والله يقطعني مقصدش بس متكلفش نفسك انت اولي بأي فلوس وفر ياحبيبي عشان الجنيه علي الجنيه يعمل فلوس يجبلك حاجه لبيتك انت اولي يابني حاضر ياحبيبتي والله انا لو معيش مش هت**ف انتو اهلي ومني مش هتحرج منكم يعني الحكايه واحده بنا ماشي يابني ادخل اقعد دلوقتي نادية تيجي عروسه بقي وبتتزوق ههههههههههه... ماشي ياأمي دخل واعد والاحراج مالي ملامح وشه اول مره هنقعد مع نادية وهي خطيبته وحبيبته جواه مشاعر كتير ومش عارف يتعامل بيها ازي معاها يعاملها انها جارتهم وزي اخته ولا خطيبته وحبيبته الي بيحلم باليوم الي هتبقي في جوا بيته وفجاءه ظهرت قدامه بطلتها الي تاخد العين والعقل كمان اول ما حس بطيفها قلبه فضل يدق وسامع دقاته بيرفع عنيه لاقاها قدامه وكانها حوريه طالعه من البحر اتوتر وكأنه اول مره يشوفها قدامه كانت زي القمر وشها مبتسم بخجل لابسه فستان بلون السما وشعرها أ**د طويل حاطه عليه شال ابيض ولون عيونها يخ*ف بلون نجيله جنينه المنتزة أخضر زي ما اتكتب في الكتاب قام وقف لما فاق من شروده ومد ايده ب**وف وسلم عليها واول ما لمس ايديها وكأنه حس بكهربا مسكت في جسمه قلبه اتهزأ جوا ص*ره احساسه زاد بيها واتأكد انه فعلا وقع في الحب ومحدش سمي عليه وسلم قلبه بين ايديها من وقتها كان في وشها قبول بطريقه رهيبة واول ما نطق قال كلمه وحده بس قالها اهلا يا اميرتي ابتسمت ب**وف قالتله نورك يا قاسم ضحك وقالها ايه ده هو انتي قولتي اسمي انا قالتله اه يا قاسم مالك في ايه هو انا اسمي حلو اووي كده ولا عشان انتي الي قولتيه ده انا حسيت اني شخصيه مهمه يانادية ضحكت وقالتله هنبدأ البكش بقي قالها بكش ايه والله بكلمك بجد انتي أميرة وحورية بحر انتي القمر في ليله تمامه انتي البحر في هدوءه عارفه انتي ايه يانادية انتي الجنه الي علي الارض واتمنيت ادخلها وأسكن فيها واعيشها انا اسف لو بقولك كده ات**فت شويه واتفاجئ من ردها الي قلب حاله وعلقه بيها اكتر من الاول كمان قالتله ياقاسم انا بستني اليوم ده بقالي كتير ان كنت بحلم بيك كل يوم بتجيني تقولي بحبك كنت بصحي من نومي حاسه اني سمعاها بجد مش حلم وكنت اصلي وادعي ربنا بيك ادعي تكون نصيبي وقسمتي كنت بدعي اشيل اسمك ولو مش ليا ربنا مايفعل نصيبي في حد تاني انا حبيتك ياقاسم من غير ما اعرف ولا اتاكد انت ليا ولا لا واوعدك ان عيني ماشافتش ولا هتشوف حد قبلك ولا بعدك انت مليت العين والقلب من قبل ماتدق الباب بس بترجاك تكون اد كل حبي ليك وصدقني مش هتخسر ولا تندم انا مش عارفه جبت الكلام ده منين وازي بس ده الي حاسه بي وعايزه انك تعرفه انا عارفه الحب مش عيب وان مش عيب اقولك احساسي ولا تقولي احساسك بس الأصول ماتتعدهاش معايا عشان حبي ليك مش هينسيني ربايه ابويا وامي ليا ... سكت شويه ورد بعدها وقال عيب الي بتقوليه ده يا اميرتي انتي اختي وبنتي وحبيبتي لحد ماتدخلي بيتي وتبقي مراتي وحلالي انا ماينفعش اتعدا حدودي معاكي ولا حتي لو كانت مكانك واحده غريبه انتي حبيبتي وهحافظ عليكي اكتر من عنيا وروحي .... ردت عليه ربنا يخليك ليا يا اول العين ما شافت واول القلب مادق وحس ويقدرني واسعدك واكونلك الزوجه والصديقه والام والأخت وكل حاجه في حياتك تتمناها ويارب يقدرك علي الي جاي ويرزقكك كل الكلام ده حصل بينهم وكان ابوها اعد قدام الاوضه الي فيها الصالون اسمها اوضه الضيوف .. وسامع الكلام بينهم وفرحان وغيران في نفس الوقت فرحان ان بنته مبسوطه وربنا رزقها بالي اتمنته والي كان يتمناهولها ان يوعدها بزوج صالح يتقي ربنا فيها ويعاملها بما يرضي الله وغيران عشان في حد هيشاركه في حبيته وبينته ونبض قلبه زعلان وغيران وهاين عليه يقوم يرمي قاسم من الشباك .هههههههههههههه... وبعدين عنيه دمعت شويه ورفع ايديها مسح دمعته ودعالهم بالسعاده وصلاح الحال وهدوء وراحه البال العمر كله كل ده كانت ام نادية بتجهز الاكل علي الترابيزه وجهزت كل حاجه وندهت عليهم يلا ياجماعه تعالو اتفضلو الاكل جاهز ... حاضر ياحجه جاين ... طيب ياماما جاين اهو .. الله الله ياحماتي علي ريحه اكلك الي بتجيب اخر الشارع دي ضحكت حماته علي الكلام مات**فنيش يا واد يا قاسم ويلا كل وتخلص الاكل الي قدامك انت مش غريب وده بيتك انت فاهم ولا لا فاهم ياما حاضر هخلص الترابيزه دي كلها عشان نادية تقول مفجوع وهياكلني وضحكو كلهم وبدأو ياكلو وبدأ قاسم يغازل ام نادية واكلها ويحسن عم حسين عليها ويدعي ان نادية تكون بتعرف تطبخ زيها كده راحت ردت ام نادية قالتله بنتي مافيش زيها اتنين مضافه وشطاره ونفس في الاكل ما اقولكش علي الطعامه دي ست بيت شاطرة يا قاسم بكره تشوف وتدعيلي اني عطيتك هديه زي دي خد بالك منها ياقاسم ونبي مالناش غيرها دي الي يوجعها لحظه يوجعنا عمر بحاله ياحبيبي والله ياست الكل ما تخافي بنتك دي بنتي وحبيبتي وما تأخذونيش في كلامي انا اه بحب بنتكم اوي من سنين وساكت وما اتكلمتش عشان رعيت ان هي صغيره وانه ما ينفعش ده يحصل الفتره الي فاتت دي خااص مكنش حد هيوافق وهي كانت صغيرة اووي وبرضه لما اتكلمت كنت خايف ت**رو نفسي وتوجعو قلبي وتحرموني منها زي ما بشوف في التلفزيون والله ويمين اتحاسب عليه قدام ربنا انا هشيلها جوا روحي واخاف عليها من نفسي قبل الناس ماتقلقوش ماتحسسونيش انكم ماتعرفونيش واني جديد عليكم ده انا حتي تربيه أيد*كم تفتكري ياما عم حسين هيطلع راجل اي كلام ولا ما يخافش علي بنات الناس .. لا ياحبيبي اد*ك شايف بنته ازي ما بالك بقي بأبنه عموما ربنا يصلح حالك كمان وكمان ويهد*كم علي بعض ... يارب ياست الكل ... خلصو اكل وقامت نادية تلم للأكل مع مامتها وينضفو المطبخ وسابو قاسم والحج حسين مع بعض يتكلمو وعملت نادية الشاي وطلعت بي ليهم ورجعت لمامتها .. وبدأ قاسم يتكلم مع عم حسين بص بقي ياحج عايز اقولك علي الي ناوي اعمله وقولي انا صح ولا غلط انا محدش قرشين حلوين من شغلي انت فاهم لا ليا في خروج ولا مصاريف ولا حتي بشرب دخان زي شباب سني انا من شغلي للبيت كان كل قرش امي بتشيله يا تدخل جمعيات مع قرايبنا فا الفلوس دي عايز اجيب بيها سكن يلمنا احسن ما الخطوبه تطول وانا مش عايز تطول انا عايز نادية في بيتي ولو كلامي يزعلك قولي هسكت والله ومش هتكلم في تاني ...رد حسين قاله ازعل ليه يابني كلامك مظبوط طبعا وعلي راسي ويخليني احترمك انك داخل جد فعلا مش عايز تقضيها خطوبه ودخول وخروج وخلاص وده مرفوض عندي حتي لو انت مين قاله بس كده يبقي متفقين قاله ماشي وبعدين قاله بص انا كنت سامع في الحته كلام بيتقال علي الشقه الي تحتنا هتفضي قريب فاعايز اطقس عليها واعرف ايه الموضوع ومطلوب فيها كام وتفضي امته وهتبقي محتاجه مصاريف توضيب ولا ايه كل ده يعني ياعمي فاهمني قاله عداك العيب يابني والله ربنا يبارك في الي ربوك وطلعوك راجل ملو هدومك كبرت يا قاسم وبقي كلامك موزون ويعجب اي حد انا مش عايز أطول عن سنه ياعمي والي انت مش هتبقي جاهز في يا عم حسين انا اقوم بي هو كده كده كله في بيتي انا نادية مش هتفرق مين يجيب ايه ومين ما يجبش يابني ياحبيبي ام نادية بتشيل للبنت حاجات من وهي لسه ١١ سنه يعني تطمن انت وتشوف حالك ولما تبقي جاهز انا جاهز والي انت تقصر في يابني انا ابوك أكمله عنك ... طبطب علي ايديه وقاله ربنا يخليك ليا ياحاج ده انا محظوظ والله ربنا رزقني بعيده تانيه زي امي وابويا بالظبط والله ويمكن احسن ما اتحرمش منكم ودايما في ضهري كده ويقدرني واكون عند حسن ظنكم .. وجت نادية ومامتها وجايبين فواكهه وعصير وحطو قدامهم وقعدو شويه كلان وهزار وضحك وعدا الوقت وقام فجاءه قاسم لما بص في الساعه ولاقاها داخله علي ٨ بليل استأذن انا بقي ياحج عايزه مني حاجه ياأمي وانتي يا اميرتي تامريني بحاجه ضحكو علي الكلمه وانه نسي امها وابوها الي واقفين فحاولو يداروله **وفه وقالوله يابني ما انت اعد مالك مستعجل ليه ... لا يابا مافيش حاجه والله بس يادوب كده الوقت وبعدين عندي شغل الصبح الحق اقعد مع امي وابويا قبل ما انام .. ماشي يابني الي تشوفه ربنا يكرمك زي ما بتكرمهم ويرزقكك بخلف صالح زيك يابني .. متشكر ياحاج يلا سلام عليكم ... وعليكم السلام ياحبيبي ابقي تعالي مش عايز عزومه انت صاحب بيت حاضر اكيد طبعا ... ومشي قاسم وخلصت العزومه وقعدو يتكلمو مع بعض . مع بنتهم وصوها عليه انها تعامله كويس وتحترمه دايما ده كان كلامهم ليها انها تقدر الراجل الي معاها وتسمع كلمته وتراعي ربنا في .. وردت نادية بأدب حاضر يابابا حاضر ياماما اي حاجه تانيه قبل ما ادخل انام تعبت النهارده اوي لا ياحبيبتي خشي ارتاحي عايزين سلامتك اتغطي كويس بس اهم حاجه .. حاضر ... أما عند قاسم دخل وغير هدومه مامته عرضت عليه تحمله يتعشي قالها انه اكل اكل يكفي يومين ضحكت عليه وقالتله بقي دي وصيتي يا ولا هو اكل حماتك احلي من اكلي ماشي يابني لما نشوف بقي لما تاكل من ايد مراتك هتنسانا ... هههههههههه لا ياما انتي الأصل مقدرش استغني عنك وعن اكلك انتي كل حاجه منك حلوه ياتاج راسي .... تسلملي ياحبيب امك ياغالي قولي عملت ايه اتبسطت اوي ياحجه الناس في منتهي الكرم والذوق وقعد حكالها التفاصيل الي تخصه بالنسبه لكلامه مع حماه عن الشقه والجواز وكده اي حاجه تانيه فاهو كان أ** وابكم واعمي لا شاف ولا سمع ولا بيتكلم وفرحت اووي امه بكلام ابنها وانه هيفرح قلبها قريب وخلص اليوم كده ونامو كلهم في راحه كل اسره مكانه من ناحيه الاسره التانيه ... وبيحمدو ربنا علي بعض ووجودهم في حياة بعض