إمرأه قوية

الجزء التاسع عشر

بصت هبه للصور وكانت مصدومه دموعها نازله من غير ما تحس كانت الدنيا وقتها بالنسبه لها مافيهاش منفذ نور بالرغم من انهم كانو في واضح النهار لكن تأثير الصدمه خلي الحياة اسودت قدامها .

يعني انت عايز تفهمني ان الصور دي بتاعه احمد .

الشاب ... اه هي بتاعته احمد علاقاته كتير جدا بيعشم البنات بالجواز وخلاص ولحد ما ياخد الي عايزو ويبعد او يقضيها معاهم لو البنت ليها الرغبة في ده . تمام مسحت دموعها بايديها وقالتله طيب فين المشكله اني ايه يخصني في كل ده وتوريني انا ليه الصور دي .

الشاب ... عشان انتي شكلك بنت ناس ومحترمه ومش بتاعه كده وحرام يضحك عليكي .. وأنت هتستفاد من الكلام ده كله ايه انت مالك اصلا وانت مين انا ماشوفتكش هنا قبل كده انت عرفت ازي بقي انه هيضحك عليا وعرفت منين ان انا الصور دي لازم انا تحديدا الي اشوفها ... بصي يا انسه هبه انا مجرد فاعل خير مش اكتر .... والله مستغربه فاعل خير طيب مين بعتك ومين اصلا الي يعرف حاجه زي دي وهو اصلا مافيش حاجه حقيقي مش مصدقه يعني بس علي العموم شكرا لحضرتك عن اذنك .

مشيت هبه والدنيا مقفولة في وشها ومكنتش حابه تروح علي طول علي البيت لأن شكلها معيط وعنيها حمرا ووشها ملامحه حزينه وده مش العادي بتاعها فا هيبقي الوضع ملفت بالنسبه للي في البيت وهتدخل في دايره اسأله مش هتخلص منها وهي مش متحمله حرف من حد .. قررت تطلع تتمشي علي البحر كانت بتحب اووي تقعد قصاد البحر وتحكي اي حاجه مضايقاها او مفرحاها كانت شايفه انه اوفي صديق بعد مامتها تقدر تحكيله كل حاجه من غير ما تكون محرجه وكانت قايله للموج كل موقف حصل مع احمد من اول ما شافته ولحد ماهي جايه النهارده تشكي منه ومن كدبه طيب ليه يابحر يكدب عليا انا معملتش حاجه استاهل عليها اني اتوجع كده مش حق ولا انصاف انا قلبي وجعني ومعرفش ليه مش فاهمه ليه حاسه إن في نار جوايا مع ان مافيش بنا الي يوصلها حالتي للي انا في ده يارب اعمل ايه اوجهه ولا اسكت وابعد ولو قربلي تاني ابهدله ... طيب لو واجهته اقوله ايه ما ممكن يقولي هو انا عشمتك بجواز او ممكن يقولي فكرتك زيهم وكنت بجرب معاكي جيتي في السكه ما يضرش ماجتيش مخسرناش كلام كتير بيدور جوايا عايزه له اجابه ليه انا اختار يوجعني ليه ويفتح للحب طريق في قلبي . حب انا قولت حب هو انا ممكن اكون حبيته لا انا اكيد بيتهيألي او عايشه الصدمه بالشكل ده عشان اول مره حد يدوس علي قلبي .. طيب هو استفاد ايه كده طيب كان قال الصراحه وسابني اقرر . فجاءه لقيت ايد علي كتفها. بتلف تشوف ايه الي بيحصل لقت زميلها الي في الجامعه الي كان بيحاول يقرب منها وهي هزقته واحمد ض*به . ايه ده في ايه انت ازي تعمل كده مش من حقكك تحط ايد*ك عليا لاي سبب من الأسباب. حاول يعتذر عشان تهدأ وتسمحله يتكلم .( جاي يصطاد في الميه العكرة ) .. انا اسف بجد مش قصدي حاجه . بصي انا جاي اقولك كلمتين وهمشي هسيبك تفكري فيهم اقتنعتي خير وبركه وهبقي اسعد حد في الدنيا ما اقتنعتيش هبعد عن سكتك واعتبريني اخوكي. سكتت للحظه وبعدين قالتله اتفضل اتكلم بس بسرعه محتاجه امشي ... ماتقلقيش مش اخد ربع ساعه ولو حبيتي اوصلك معايا عربيتي ... لا شكرا اتفضل اتكلم. بصي يا هبه انا من يوم ما شوفتك وانا معجب بيكي ومشدودلك معرفش ليه وازي وعايز اقرب منك ونرتبط حتي لو طلبتي اجي اخطبك دلوقتي هعمل كده . ههههههه هو في ايه يا جماعه هو مافيش غيري تضحكو عليها باين عليا اوي كده اني ساذجه ويضحك عليا ... لا طبعا انتي انسانه محترمه وده الي باين عليكي ومتربيه وبنت ناس كمان وجميله ورقيقه واحلي واحده شافتها عنيا ... بص سيبك من الكلمتين دول عشان تقريبا انتو كلكم حافظينها وانا مش هصدقها .لكن سكتت شويه وسرحت وقالت ليه لا ده عايز يخطبني يبقي هشرط عليه لو عايزني فعلا يجي يتقدملي وابقي انا حرقت قلب أحمد ورديتله الكدب بكدب . مش عارفه ده صح ولا بس زي ماتيجي بقي .. عايز الكلام الأخير ولا نلف وندور ونضحك علي بعض .

لا طبعا عايز الكلام المظبوط قولي الي عندك انا سامع وكل الي هتقوليه هيتنفذ... تمام انت بتقول معجب ومشدودلي وعايز ترتبط بيا ... اه فعلا حصل ومستني رايك .وانا موافقه لكن بشرط ... اتشرطي براحتك من حقكك .. طيب انا لا ليا في جو الصحوبيه والتنطيط فا انا يا ابن الناس ليا بيت و اهل تقدر تجيب اهلك وتقابل اهلي وتطلبني من بابا غير كده انا معنديش كلام تاني وانتهي كلامي وانتهت اعدتنا دي بعد اذنك ... طيب استني بس عنوانكم فين طيب ماهو برضه انا مش ساحر وهعرف العنوان لوحدي .. تمام العنوان اهو (.......). تمام خلال يومين هتلاقيني عندك انا وأهلي انا بجد مبسوط اووي انك وافقتي تديني فرصه ... بس في شرط انا لو ما ارتحناش هنسيب بعض من غير مشاكل اتفقنا ..... اتفقنا يا هبه اتفضلي روحي عشان ماتتاخريش بقي ... ضحكتله ضحكه صفرا وقالتله اوك باي .... مشيت هبه وجواها بركان عايزه تصرخ وتقول لا لازم المهزله دي تقف انا مش عايزه ومش قادره ازي حد تاني معرفهوش ومعرفش عنه حاجه ارتبط بي لااا يارب ساعدني أقف جمبي انا مش قادره علي الي حساه ومش فاهمه سببه ايه معقول يكون حبيته من اول نظرة يعني ده موجود في الحقيقه زي ما بشوف في الأفلام ان البطل يخبط في إيد البطله وعيونهم تتقابل فا يحبو بعض . بس حتي لو ده حصل انا موجوعه ليه ليه اتضايقت من صوره ليه حسيت اني غيرانه منهم لا ده كتير الي انا فيه ده كتير بجد بقي يارب صبرني ودبرني والصح والخير قدمهولي انا لا احسن التدابير كملت مشي لحد البيت روحت مرهقه جدا عنيها دبلانه من العياط ومصدعه من كتر الكلام اليوم كان مشحون كلام بالنسبه لها . أما عند احمد هو خلص وروح لان جاله مكالمه ان مامته تعبانه شويه وفعلا اخد حاجته وروح اول ما دخل البيت لاقها مرميه علي الارض وبتنازع هي مامته مريضه كبد وعندها سكر وكانت بداية كريزة كبد والسكر علي وفقدت الوعي بعد دقيقه من وصول احمد كأنها كانت مستنياه احمد بقي يصرخ امي امي قومي ياحبيبتي قومي هتبقي كويسه والله ياأمي ردي عليا الله يخليكي اعصابي بايظة والله مش متحمل قلق يارب اشفيها ماليش غيرها اصل هو ولد واحد بس وابوه متوفي وقريبه من محافظات مختلفه فا هما لوحدهم بقي مش عارف يعمل ايه حاسس انه متكتف لكن بسرعه راح متصل بالاسعاف وبدأ يجهز رقها وفحوصاتها الي من قبل كده عشان الدكتور الي هيشوفها يبقي عنده علم بحالتها من الاول عشان ما يكتبش علاج غلط او يحصل مشكله وصلت عربيه الإسعاف وطلعو اتنين مسعفين بالترولي ونقلوها عليه ونزلو بيها حطوها في العربيه وقفلو الباب وركب معاها احمد وساب عربيته مكنش معاه غير فلوس المصاريف للمستشفي والورق بتاع مامته.. وصلت عربيه الإسعاف للمستشفي .. وكانت مستشفي خاص تابع لقطاع البترول علي تأمين ابو احمد.. مستشفي خمس نجوم كان في اهتمام بالحاله من اول ماوصلت علي باب المستشفي لما شافو حالتها قررو تطلع الاول في الطوارئ عشان الدكتور يبص عليها ويطلع علي الأوراق ويشوف محتاجه ايه

نقلوها علي سرير متحرك واستلموها الممرضين وطلعوها في اسانسير المستشفي لقسم الطوارئ وشافو الحاله وكان احمد بيخلص الإجراءات في الريسبشن تحت وخلص وطلع لها وحاول يدخلها رفضو انهم يدخلوه عشان مايبقاش في توتر في الاوضه عشان يعرفو يشتغلو كان قلقان وخايف ودموعه مش بتوقف ولا بتهدا مالهوش غيرها مش هيعرف يعيش من غيرها ولا هيقدر يتحمل خسارته ليها ... طلع الدكتور اخيرا من عندها ..جرا عليه خير يا دكتور قولي في ايه هتحتاج ايه طمني الله يكرمك

والده حضرتك محتاجه تدخل عناية مركزه .. ليه يادكتور فيها ايه بالظبط الحاله ايه طمني ... مش هخبي عليك يا دكتور احمد والدتك تعبانه جدا وهتتجز تحت العنايه المركزه لان الكبد عندها ضعيف جدا والسكر عالي ودخلت غيبوبه.. انهار احمد من العياط وبقي عمال يدعي وبس ان ربنا يشفيها لكن في وسط كل ده مكنش ناسي هبه ولا ناسي انها وافقت ولا انه كان مبسوط بالخبر ده وان كان عايز يفاجأها ويروح يخطبها لكن حزنه علي امه اقوي من الي جواه ومش عارف يعمل ايه اصلا هيوصل لهبه ازي لا معاه رقم ليها ولا اي حاجه ومش هينفع يسيب مامته حتي لو مكنتش موجوده ومش حاسه بي لازم يفضل موجود جمبها فضل يدعي ويصلي ومش بيروح لا شمال ولا يمين... وهبه أيامها بقيت شبهه بعضها ملل وفراغ بقيت تروح الجامعه وتروح تاكل وتنام .. لحد في يوم ما قرر فيه المنيسي يروح يخطبها زي ماقال هو عايز يوصلها باي شكل شايف انه ماينفعش يحط عنيه علي حاجه وحد تاني يخدها منه حتى لو هيخسر ايه مش مهم.. واستني لما قا**ها في الجامعه وقرر يكلمها ويقولها تحدد له معاد مع باباها عشان يجي يتقدم لها .. وقالتله تمام هبلغه وارد عليك . تمام هستني ردك... كل ده بيحصل واحمد ما يعرفش بأي حرف منه هو مشغول بمامته وعلاجها وحالتها الي مش بتتحسن .. وفعلا روحت هبه اليوم ده وبعد الغدا طلبت انها تتكلم مع ابوها في موضوع زميلها الي عايز يرتبط بيها ... ولما حس انها شبهه متحمسه قالها تمام يجي يوم الخميس الساعه ٧ اهلا وسهلا.