إمرأه قوية

الجزء السادس

ودخلت نادية اوضتها تنام لكن قعدت تفكر في كل حرف قاله خطيبها وحبيب حياتها والي بتدعي يوميا انه يكون جوزها ونصيبها الحلو وفضلت تتكلم جوا نفسها علي قاسم لحد ماراحت في نوووووم عميق ... لكن عم حسين ومراته اعدين علي الكنبه مع كوبايتين الشاي بتوع اخر اليوم وبيتكلمو سوا في ايه الي حصل بين حسين وقاسم وهما اعدين لوحدهم...إلا اسكتي ياحجه الواد قاسم طلع بيحب نادية اوووي ده مجنون بالبنت ده نسي نفسه وقالي كلام حب عليها بس الشهاده لله محترم ومؤدب وبيفهم في الأصول والواجب لا وكمان جلاب خير كنت شايله هم ان الي يكون نصيب بنتي يكوم بخيل ويحوجها احنا ما اتعودناش علي كده ياحاج انت ربنا يكرمك ويرزقكك مش حارمنا ولا منقصنا حاجه وهي لو تطلب روحك مش بتعزها عنك لكن كان ربنا وحده الي يعلم بنصيبها كان مخبيلها ايه كنت خايفه ياخويا وقلبي كان واكلني بنتي غلبانه وعلي نياتها مالهاش في لوع ولا خبث بنتي اتربيت علي نضافه القلب ربنا يسعدها واشوف عيالها وبعدين مش عايزه من الدنيا حاجه والله يكش حتي اموت بعدها بس يارب ما تحرمني من فرحتي بيها والبسها فستانها بأيدي دي ملهاش غيري ياحاج انا امها وصحبتها واختها وربنا يخليك ليها تسندها وتشرفها بوقفتك جمبها ... ايه ياحجه الكلام ده بس صلي علي الي هيشفع فيكي ربنا يطول عمرك وتفرحي بيها وتشيلي عيالها وعيال عيالها كمان وتجوزيهم ده انتي الخير والبركه بتاعه البيت عايزه تحرميني من بركه البيت اخس عليكي ياست انتي ..... هههههههههه ياحاج ماهو حال الدنيا هناخد عمرنا وعمر الي جاي ربنا يخليك ليا يارب ودايما تخاف عليا كده ده انا معنديش في الدنيا غيرك ياحج المهم ياحجه عايز اقولك علي الي قاله قاسم قبل ما انسي بقي ... قول ياخويا سمعاك.... الواد محوش مبلغ مع أمه من شقاه وعايز يجيب شقه في البيت هنا بيقولي انه سمع طرطيش كلام ان الشقه الي تحت مننا للبيع وعايز يطقس ويعرف ايه ارارها واخرها ولو تنفعه وتنفع ظروفه هيخدها.... لا بجد ياحج ونبي بتتكلم جد سايق عليك النبي ما تضحك عليا وتشوفني هعمل ايه انا بنتي هتسكن جمب مني انا هراعيها وهتراعيني يافرحة قلبك يا ام نادية اللهم يخبزلك الخير ياقاسم ويسهلك أحوالك وتاخد الشقه دي ويجعل عتبتها خير عليك ورزقها يكون واسع عليك ... هههههههههه هههههههههه كل ده ياحجه عشان قاسم فكر بس انه ياخد سكن هنا امال لو حصل بجد هتعملي ايه ... والله ياخويا ده انا اوزع رز بلبن ده نادرا عليا بس يحصل ويارب يتم يبقي ربنا عالم بحالي وبيراضيني اكيد .. طيب خلينا في المهم هو كده مش ناوي يطول في الخطوبه عشان مش حابب دخوله وخروجه بمناسبه ومن غير وده عجبني في انه راجل وشهم وفي الأصول بيفهم الي عليه قبل الي لي فا ايه رايك انتي امها برضه وعارفه بنتم هتقدر علي الجواز بدري... .. اخس عليك ياحج بنتي دي ست الستات والبنات دي جمال واخلاق وحلاوة ل**ن وضحكه سبحان الي رسمها ونضافه وشطاره مش علي حد بنتي تقعد وتحط الرجل علي الرجل وتشرط وتتشرط دي ست بيت بريمو مافيش منها هي واحده بس خلفتي وبنت بطني انا ال رأيي رأي ايه ياحج انت بنتك تجوزها وانت مغمض وتشيل وادها وادود طبعا

ده رايك بجد يا ام نادية ولا عشان عايزه تفرحي بالبنت وخلاص مش عايز حد ياكل وشي ولا يقول بنت حسين مالهاش في جواز ولا مسئوليه مش عايز اصغر ياحجه لا ياخويا لاعاش ولا كان الي يصغرك ويقل منك دي بنتك تطول الرقبه وتبيض الوش اطمن والله اكيد مش هرمي بنتي وخلاص ولا هرضي حد يقل منها ويحرق دمها بكلمه ماشي ياحجه يلا ننام عشان اعرف اصحي للشغل .... ههههههههه ياخويا مابتشبعش نوم بتنام لاخر اليوم وتقوم والنهار مروح وتقولي اعرف اصحي نام نوم الهنا والراحه ياحج تصبحي علي خير يا ست الناس كلهم .... وأنت من أهل الخير ياحج ... ونامو وكل واحد بيفكر في حاجه شكل وخلص يومهم وبدأ يوم جديد وكانت نادية صحيت لأول مره لوحدها من غير ما مامتها تصحيها ولما صحيت مامتها اتفاجأت بيها وقالتلها لا مش ممكن صحيتي لوحدك تتحسدي يابنت بطني قمتي لوحدك من غير ما انتع في قلبي وأفضل اهاتي معاكي ... ههههههه اخس عليكي يا امي انا برضه بوجع قلبك معايا ده انا بصحي علي طول حتي نومي خفيف .... هههههههههههه اه صح عندك حق ياختي انتي عصفوره نايمه بتتريقي عليا يا ماما ماشي وماله ياست الكل براحتك .. بس انا معرفش أن سي قاسم سره باتع كده وهيخليكي نشيطه وتصحي بدري لوحدك ... الله ياأمي بقي مات**فنيش.... لا ياحبيبتي مقدرش ربنا يفرح قلبك ويرزقكك الخير والسعاده كلها شكرا يا أمي من غير دعواتك دي لا يمكن اعرف أعيش اصلا ... حبيبتي بدعواتي وبلاها قلبي دعيلك وراضي عنك انا بطني بس الي شالت ست البنات كلهم ... والله ياحجه مش عايزه اتجوز واسيبك اساسا ... لا يابنتي ده حال الدنيا ربنا يفرحني بيكي واشوفك عروسه قبل التراب ما يغطيني... ايه ياست الحبايب الكلام ده علي الصبح يعني ده جزاتي اني صحيت بدري ... وضحكت ام نادية علي كلام بنتها.. ضحكتيني يا مفعوصه والله وكبرتي وبقيتي تعرفي تتكلمي وهتبقي صاحبه بيت قريب .... تربيتك ياحجه واد كل حاجه ماتقلقيش هشرفك وارفع راسك ده ربايه ايد احسن ست في الدنيا كلها تعيشي يا ست البنات يلا نجهز الفطار عايزين نبدا نبص علي عزالك ونشوف ناقصه ايه ونبقي ننزل نكمله بقي .. ماشي يا ماما يلا بينا .. وجهزو فطار وفطرو سوا وبعدها دخلت الاوضه الي فيها عزال بنتها وبدأت تفرز وتشوف الي كمل وتقفله والي ناقص وتكتب النواقص في ورقه عشان ماتنساش حاجه مش عايزه بنتها ينقصها اشايه وحده وخلصو العزال ورجعو كل حاجه مكانها وكملو باقي يومهم كالعاده ما بين المطبخ والترويق والقاعده قدام التليفزيون لحد ما ابوها يصحي ويتجهزله الاكل عشان ياكل قبل ما يروح شغله لانه بيقعد وقت طويل بره البيت ... أما عند قاسم قرر يتكلم مع اهله في موضوع الشقه الي ناوي يستفسر عنها الي في نفس بيتهم وتحديدا في الدور الي تحتيهم قام من النوم لقي مامته اعده وباباه صبح عليهم ودخل غير هدومه وجه يفطر معاهم عشان يقول الي عنده وينزل علي شغله برضه كان بيشتغل في شركه حكومي موظف إداري... واعد معاهم وقالهم بصو بقي انا قررت قرار وعايز اخد رايكم لاني متردد في .. الاب والام في نفس واحد خير يا حبيبي عمال تفاجئنا بقرارتك اليومين دول في ايه شادد حيلك علينا ليه ..هههههههههههههه.... لا والله يا حج مجرد تفكير وانا متأكد انه هيعجبكم ان شاء الله ... ماشي ياسيدي قول يابني خلينا ننزل اشغالنا بقي بلاش عطله كفايه اليومين الي فاتو .. هههههه حاضر ياحج ما توترنيش بقي المهم بص يابا انت وامي انا سمعت ان المطرح الي تحتنا معروض للبيع او الناس الي في هيمشو قريب فا انا بفكر بالقرشين الي محوشهم مع امي اشتريها واهو ابقي قريب منكم وتبقي ناديه قريبه من ابوها وامها برضه واهو ابقي مطمن عليها وانا في شغلي ياهتبقي معاكم يا انتو معاها فا ايه رايكم وانتي ياما عايزك تشوفيلي جمعيه مع حد من خلاتي عشان لو حصل موضوع الشقه ده وتم ابقي مجهز لفلوس العفش عايز ألم نفسي ومطولش عشان مش عايز حد يقول استغلينا العشرة والجيرة وخدنا البنت وهنركنها جمبنا طبعا فرحه ام قاسم لا توصف كانت فرحانه اووي ان ممكن ابنها يسكن في نفس البيت ويبقوا مع بعض الحيله بقي وبتحبه حب مابعده حب وتتمني ما بفارقهاش لحظه طبعا.... ضحك الحج محمود وقالهم اه ما انتو شكلكم هتعملو روبطيه عليا انا والحج حسين بأس ايديهم قاسم وقالهم مقدرش ده انتو عزوتي وأهلي ماليش غيركم يا حج انا بس عايز نبقي عزوه ولمه ما نتفرقش واهو لما ربنا يرزقني بخلفه عيالي انتو الي تربوهم زي ما ربتوني انا وامهم ان شاء الله ... ياه يا حبيبي يابني ده يوم السعد عندنا واحنا في د*ك الساعه لما نشوف عيالك ويبقو جمبنا وفي حضننا اهو يطلعو يعرفو صله الرحم من صغرهم ويودو الي منهم ربنا يكتبلك في كل خطوة سلامه ويسهلك الصعب والمستحيل يجعلهولك ممكن والممكن يحققهولك يارب يا قاسم يابن بطني يانور عيني ... يسلم ل**نك ياست الكل وربنا ما يحرمني من دعوتك الي انا ماشي ببركتها المهم بقي .. يلا بينا ياحج هنتاخر ... ماشي يابني يلا بينا وانا لما ارجع من الشغل هشوفلك برضه موضوع الشقه ده ايه حكايته وان شا الله طالما ليك الغرض نخلصلك فيها واهو صح نبقي جمب بعض احنا كبرنا مش حمل مرواح ومجي خليكم هنا في حضننا احسن ... ماشي يا حج الله يكرمك يارب ويخليك ليا ويطول عمرك وعقبال ماتجيب لعيالي شققهم كمان ياااه عالم بينا يابني ربنا يفرحني بيك بس الاول ... وخلصو كلام وسلموا علي الحجه ونزلو لاشغالهم وفضلت تدعيلهم بتيسير الحال والرزق وفضلت مابين المطبخ وتحضير الغدا ومابين اذاعه القرآن الكريم والصلاة والمصحف مابتعملش حاجه تانيه ومابتعرفش تعمل غيرهم لا ليها في كلام وحديد ودي قالت ودي عادت ولا ليها في مجالات النميمه والف*نه ومابتحبش تعرف حاجه عن حد ملاك في هيئه انسان بمعني الكلمه بعد ماعدت سعات شغل قاسم ومحمود وبدأو يرجعو واحد ورا التاني علي ماكل واحد غير هدومه وخلص الي بيعمله كانت ام قاسم مجهزه الاكل عشان يتغدو وفي نفس الوقت كانت ام نادية بتتغدا هي وبنتها زمان كان في نظام ومواعيد ثابته لفطار و*دا وعشا ونوم ... وبعد ماخلصو غدا دخل قاسم اوضته وقعد علي مكتبه وفتح اجنده قدامه مكتوب علي الغلاف بتاعها نادية وكل ما هو مكتوب جواها يخص نادية وعنها وعن تفاصيلها وبتحب ايه وتكرهه ايه وعملت ايه امبارح وعملت ايه اول وعملت ايه من شويه كل تفصيله بيكتبها عنها في الاجنده دي وكأنه بيحضر ماجيستير فيها كأنه بيحفظها ويذاكرها كتب كل حاجه نفسه يقولها عليها جواه طلع كل مشاعره علي الورق وفي الاخر كتب لاميرتي نادية . أما عند الحج محمود دخل ريح شويه عشان يقوم بعد شويه وينزل يشوف قصه الشقه الي تحت ايه عشان يوصل لابنه الموضوع ده ... أما عند بيت الحاج حسين مكنش في جديد خالص يبقي الوضع كما هو عليه ... وبعد شويه وقت لا كتير ولا شويه صحي الحاج محمود وقام لبس ونزل تحت البيت علي القهوه يشوف صاحب البيت عشان يسأله علي الشقه الي هتفضي دي الكلام ده صح ولا غلط ... نزل قعد علي القهوه شويه مكنش صاحب البيت موجود لسه مكنش ظهر وفجاءه لاقاه جاي من اول الشارع استني لما قرب شويه وراح شاورله بايديه انه يجي بمعني انا عايزك ... شاورله صاحب البيت برأسه انه جايله.. وصل صاحب البيت بعد السلامات والمباركه علي خطوبه قاسم محمود قاله اتفضل ياحج اقعد عايزاك في موضوع ويارب ما ت**فني رد عليه انا اقدر برضه يا ابو قاسم عنيا عشانك ده انت راجل مافيش زيك تستاهل الحلو كله .. الله يعزك يا حج .. ندخل في المهم عايز اعرف المطرح الي تحت شقتي ده للبيع ولا ده كلام واشاعات ... رد عليه قاله لا للبيع ياحج ولو مش للبيع ومحتاجه ما يغلا عليك ومفتاحه اهو كمان ابتسم محمود وكان سعيد بكلامه ورد فعله وكرم أخلاقه وقاله لا خلي مفتاحك معاك لحد مانتفق علي كل حاجه وتاخد عربون حتي ماشي ياحج عارفك دماغك ناشفه وبتحب الأصول زي عنيك.. هههههههه بالظبط كده فا متتعبش نفسك معايا .... اتكلمو في مساحتها وانها مش محتاجه توضيب خالص قاله الشقه علي سنجه عشرة كمان ولو محتاجه حاجه انا سداد .. شكرا ياحج كلك كرم واخلاق والله عارف الي عندك خلاص علي بركه الله يوم الجمعه ان شاء الله هجيب قاسم وابو العروسه ونتف*ج عليها ونخلص فيها بأمر الله ... خلاص استبينا هنتظركم تشوفو اي وقت وادي المفتاح برضه معاك ومات**فنيش وتقول لا عشان الحريم لو عايزين يشوفوها يبقو علي راحتهم.... لا ياحج مش ه**فك ما بتفوتكش الواحده كده حاسب حساب كل حاجه متشكر ياحج وان شاء الله بيعه خير ويجعل وشنا حلو عليك ... يارب يا حسين ياخويا دعواتك معانا وخلصو كلام وطلع حسين بعد ما حاسب القهوجي عشان يبشر قاسم ووالدته وكان الخبر مفرح لمراته اكتر من ابنهم نفسه فرحانه ان ابنها هيبقي في نفس البيت وقعدت تتخيل وتحلم ان عيالهم طالعين نازلين عليهم وعاملين دوشه وحس للبيت وفضلت تزرغط من الفرحه ... طبعا عشان كانو زمان متعودين لما يسمعو صوت زرغوطه او صويت او صوت عالي عموما يفتحو ابوابهم ويسالو فا فتحت ام نادية بابها وخبطت وسألت خير ياختي في حاجه ربنا يفرحكم... اه ياختي تعالي خشي افرحي معايا .. خير شوقتيني ونبي ... اسكتي ياختي مش قاسم بأمر الله هيشتري المطرح الي تحت مننا ده وهيبقي جار الهنا والسعد ... ولا اراديا كانت ام العروسه فقعه زرغوطه جايبه الشارع كله وبقيت تحضن في ام العريس وتقول أحمدك يارب اشكرك يارب ياما انت كريم يارب سمعت دعايا ليك وحققتلي حلم عمري ضنايا هتبقي جارتي ومش هتسبني يادي الهنا يادي الرضا ومن كتر الفرحه بقو يعيطو وابو قاسم واقف يضحك عليهم المشهد بقي درامي اوي ومش مستاهل كل ده بالنسبه له بس بالنسبه لهم حاجه مهمه جدا ان حته منهم مش هتفارقهم حتي مسافه شارع وهيفضلو معاهم وحلمهم هيتحقق... كل ده حصل وقاسم ونادية لسه معرفوش الخبر الحلو ده .. في نفس الحظه طلع قاسم من اوضته علي الدوشه مش في دماغه ابدا ان امه وحماته السبب في الدوشه دي فكر حد في البيت بيتجوز او رجع من الجيش او اي مناسبه هما متعودين يجاملو بعض كده لما طلع اتفاجي بامه وحماته بيحضنو في ويبسوه بقي يبص لابوه ويقوله هو في ايه ياحج انا هموت ولا ايه هما بيعملو كده ليه وحسين مش قادر يرد من الضحك اصلا .. الله ياحج ماتقولي وفهمني والله خايف من الي بيحصل ده .. بطل حسين ضحك وقاله اصل يابني كلمت صاحب ألبيت واتفقت معاه علي الجمعه الجاية دي نشوفها ونتفق معاه علي كل حاجه وسابلي المفتاح عشان الحريم لو عايزين يشوفوها وقالي مش محتاجه مسمار يتحط فيها تغسل رجليك وتدخل ربنا يجعلها قدم خير عليك يابني من فرحته بالخبر بقي يحضنهم ويبوسهم ويشكر ربنا... وخلص اليوم علي كده ورجعت ام نادية شقتها تفرح بنتها .. وعريسنا دخل سرح في حياته الجايه وخلص يومهم علي كده مابين حلم بيتحقق وحده وحده ومابين تفكير في الي جاي هيبقي ازي والي فاضل هيخلص ازي .. وفرحت نادية بالخبر لانها كانت شايله هم انها تبعد عن امها وابوها وهما بيكبرو اكيد هيحتاجو لها في يوم من الايام وحماتها برضه معندهاش بنات وهي هتبقي بنتهم وعوض ليهم عن حرمانهم من خلفه البنات وعدا اليوم علي خير واحداث كانت مفرحه وجميله زي باقي الايام الي فاتت .