إمرأه قوية

الجزء العاشر

سمع قاسم كلام مامته وباباه وطبعا شكرهم علي انهم دايما في ضهره وبيسندوه حتي لو كان مجرد كلام او نصيحه فا دي بالنسبه له حاجه مهمه وكبيره جدا وبتشجعه علي الي جاي وانه يكون للأحسن ومهما حصل يتحمل ومايفكرش يحوج نفسه لحد مهما كان محدش بيتحمل حد (غلابه مايعرفوش الي احنا بقينا عايشين في دلوقتي ) ههههههه... اخد نفسه ونزل شقته وفتح الباب بالمفتاح عشان لو نادية نايمه او اعده سرحانه ما تتفزعش غلط عليها وعلي الي في بطنها وفعلا دخل دور عليها لاقاها نايمه في سابع نومه وكان الليل دخل خلاص واليوم بيخلص بالنسبه لهم العشا يأذن وحد صاحي يبقي كده تسيب وسهر وانفلات أخلاقي يستحق العقاب .. دخل غير خد هدوم وراح ياخد حمام وخلص ورجع عشان ينام جمب نادية عشان عنده شغل تاني يوم بدري .. نامو ويومهم خلص علي كده ونادية نامت كتير اووي وده الي خلاها تصحي مع قاسم الصبح في معاد شغله وهي حاسه انها نامت يجي قيمه سنه كده ضحك عليها قاسم وقالها نوم العوافي يا ام العيال ... هههههه ضحكت وقالتله انت عايز تعجزني وانا لسه صغيره انا حلوه وصغيره ياخويا وبعدين تعالي هنا اهو انت ازي سبتني انام كل ده ما صحتنيش ليه لما جيت كنت قمت حضرتلك الحمام والعشا... قالها لا ياماما مردتش اقلق منامك كنتي رايحه في النوم خالص وباين عليكي التعب وانا مش عايز ابهدلك معايا عايزه خالتي تقول عليا ايه اخدت منهم بنتهم عشان ابهدلها واعذبها معايا بصي يا نادية طالما بعرف اعمل الحاجه هعملها عادي وانا مش مضايق من ده ولازم نساعد بعض يعني وهو العيل الي هيجي ده ابنك ولا بنتك لوحدك ماهو ابني او بنتي انا كمان ليه اسيبك تشيلي التعب لوحدك انا جمبك في كل حاجه لحد ماتعدي الفتره دي وتقومي بالف سلامه انتي والأستاذ الي جوا ... وافرض طلعت بنت يعني هتزعل.. قالها ابدا ازي ازعل من كرم ربنا ورزقه وبعدين خلفه البنات خير ورزق وانا أطول تبقي اول خلفه ليا بنت شبهك وتطلع زيك في يوم من الايام لما تكبر واهل عريسها يدعولك علي تربيتك ليها الي هتبقي زيك وانا واثق انك هتبقي عايزه تخليها احسن منك ... طبعا ياحبيبي ربنا يقدرنا علي الي جاي انا عارفه الحمل هيزيد عليك ومصاريف الي جاي كتير بس ده امر ربنا مش هعترض وأقول ليه يارب عطتني عيال ... ليه كده يانادية الكلام الي يزعل علي غيار الريق ده يابنت الناس ده يوم المني ان تجبيلي حته عيل منك يلعب ويجري ويتنطط قدامي ونفرح بي واهلنا يفرحو بي ويكون لينا سند زي ما احنا لاهلينا ليه بقي تقولي حمل كل حاجه تيجي ورزقها وراها وخصوصا الجواز والخلفه رزقهم معاهم فا انا لا خايف ولا قلقان من حاجه الا عليكي انتي وكل همي يعدي الوقت وتقومي بالسلامه وانتي بعافيتك ... متقلقش انا امي كانت بتغذيني كويس فا ان شاء الله ده هيبقي مساعدني اني استحمل واد*ك مريحني اهو ربنا يخليك ليا يارب ويكفيك شر سكتك ... ربنا يخليكي ياحبيبتي يلا هسيبك انا وانزل عشان ما اتاخرش علي الشغل وماتعمليش حاجه امك وامي اتفقو يريحو بعض في خدمتك فابلاش تعملي حاجه سايق عليكي النبي يا شيخه .. حاضر والله هرتاح واسمع كلامك وهخش انام كمان .. ياستي نامي اقعدي اعملي الي تعمليه براحتك وأهم حاجه تاكلي كويس هاه ... ههههههه حاضر هاكل واريح شويه كده لحد ما تيجي انا مش عارفه ايه النوم ده كله ... نزل قاسم للشغل وهي اعدت مع نفسها تفتكر ايام ماكنت بتحب قاسم في **ت وكانت شايله هم انه يكون لحد غيرها وتضحك علي الايام دي وتحمد ربنا علي الي بقت في والي وصلتله وانه بقي معاها وبقو لبعض خلاص واهي شايله جواها حته منه دليل علي حبهم لبعض ... وراحت مطلعه هديه عم محمود وحسين تشوفها كويس من يوم ما جابو الهديه ما فتحتش اتحققت من شكلها عامل ازي واول ما فتحتها لقيت مكتوب علي السلسله دلايه بأسم هبه الله .. ابتسمت وحضنت السلسه ونامت ووسط ماهي نايمه جالها حلم جميل كله فراشات ملونه اشكال والوان شكلهم حلو اووي وهي وسط الفراشات دي ومن وسط كل الفراشات جت وحده فيهم وقفت علي ايديها وفضلت ثابته لشويه وقت مش بتتحرك راحت نادية مقربه وشها لعند الفراشه تتحقق منها وازي مش بتتحرك وتطير وثابته بالطريقه دي لما ركزت فيها لقيت مكتوب عليها نفس الاسم بتاع السلسه بعدها طارت الفراشه كان الحلم حلو بالنسبه لها بس مافهمتش منه حاجه ماتعرفش ان دي رؤية ورساله ليها انها هتجيب بنت والبنت دي هيبقي اسمها هبه الله وصحيت ناسيه الحلم ومحكتش حاجه عنه لحد كان بعد شويه مامتها نزلتلها عشان تشوف طلباتها ايه وبتعمل ايه وتطمن عليها ... فتحت لها الباب وكانت جايبه معاها صنيه فطار فيها كل حاجه بتحبها واعدتها قدامها واكلتها بايديها كأنها لسه عيله صغيره .. فضلت نادية تقول لأمها خلاص ياما كفايه الاكل هيطلع من عيني شبعت والله هجيب الي في بطني كله ارحميني ... قالتلها خلاص كفايه بس شويه وتاكلي تاني عشان تتغذي انتي والي في بطنك انتي شايله دلوقتي ومش بتاكلي لنفر واحد بقيتي نفرين يابنتي ودي روح ربنا هيرزقكك بيها ويارب يابنتي تجيبي بنت تبقي اختك وصحبتك وتكبر في رجليكي يبقي لك حد يشيلك في الكبر سامحيني اني معرفتش اجبلك اخت تبقي كتفها بكتفك في تعبك وتخدمك.. ايه ياما الي بتقوليه ده دي حاجه بتاعه ربنا ياست الكل وبعدين ما انتي مش مقصره معايا في حاجه اهو وبعدين اكيد يعني مش بمزاجكك انا عارفه انه غصب عنك .. اه والله يابنتي ... وبينها وبين نفسها بتقول والله خايفه اقولك تتعبي ولا يحصلك حاجه ما انا عارفه غلاوتي عندك بس لا مش لازم دلوقتي لما ربنا ينتعك بالسلامه لازم تعرفي وتبقي مستعده انك ممكن ماتلاقنيش في يوم من الايام بس انا خلاص بقيت مطمنه عليكي مع قاسم ربنا يحرصه ويخليه ويخليهولك راجل مافيش منه ربنا يراضيه زي ما بيراضيكي ويكرمه زي ما اكرمني فيكي وبيحافظ عليكي وبيريحك .. ماما ياماما في ايه روحتي فين ياست ماما مين اخد عقلك اه اكيد الحاج حسين طبعا مش قادره تقعدي شويه من غير تفكير في .... ههههههه ينيلك يا مفعوصه انتي اختشي يابت بلا كلام فاضي كبرنا علي الي بتقوليه ده عيب يابنتي ... لا ياما مش عيب عيب ليه ده حب والحب من عند ربنا وده جوزك يعني فا الحلال كله انتي لسه صغيره ده الي يشوفك معايا يقول اخوات مش امي ده انتي قمر ياست الكل .... ياختي ان شاء الله يحلي ايامك ويجملها زي ما ل**نك الي بينقط عسل ده .. ويلا ياختي بقي قومي ارتاحي وانا هقوم اعملك طبخه عشان جوزك لما يجي يرم عضمه بيها وانضف البيت عشان ما يتضايقش انا عارفه قاسم يحب النضافه يلا ياختي ببي ماتعطلنيش ورايا بيت فوق عايز يتعمل برضه الا ابوكي يطلقني ... ههههههه والله ياما ولا يقدر يستغني عنك ده بيحبك اووي انا بشوف ده في كلامه واعدته معاكي .. ماشي ياستي هقوم اهو ربنا يخليكي ليا ياما ويد*ك الصحه والعافيه حقك عليا اني هتعبك واني مش انا الي بعملك شغل ألبيت وانتي الي بتخدميني والله علي عيني ياما ... بس يابت انتي ايه الي بتقوليه ده انا امك واختك وصحبتك وسترك ومش هخلي حد يخدمك طول ما فيا نفس وصحه لو اخر يوم في عمري ... ايه ياماما الكلام الي بتقوليه ده تفي من بؤك مش بحب السيره دي .. يابتي الموت علينا حق وده حال دنيا مش بأيدينا وهيجي هيجي فاالجسد والروح هيروحو تحت التراب وهياكلهم الدود السيرة الطيبه يابنتي هي الي بتعيش وتدوم وجيل يسلمها لجيل ... خلاص يا ام نادية مالك بس كلامك كله عن الموت والأموات صلي علي النبي كده ماتزعلنيش انا الزعل وحش عشاني وعشان الي في بطني .. يختي يقطعني بعد الشر عنك وعنها حبيبه ستها دي ... ليه بتقولي انها بنت مش يمكن واد ... لا بنت وجميله كمان هتبقي شبهك يابت يا نادية حلوه وقمر كده ولما هتكبر وخراب البنات يخرطها هتجبلك العرسان كده كده لباب بيتك واتف*جي علي جوازتها كمان هتتجوز واحد قيمه وسيما مافيش بعد كده ..... كمان ياماما خليتها بنت وكمان حلوه وهتوقف العرسان صف مش لما اولد الاول هههههههههه... دي هبه من ربنا يابنتي ... هو ايه الحكايه بقي كل شويه الاسم ده يتكرر .. ليه يابنتي في ايه ماله الاسم هبه اسم جميل وخفيف كده امال هتسميها ايه بس عزيزه هههههه... لا ياماما اكيد مش عايزه اعقدها الاسم كبير علي مولوده .. بس ابويا جايبلي السلسله بأسم هبه الله وانا حاسه اني شوفت الاسم مكتوب في حته بس مش فاكره بالظبط فين وانتي دلوقتي بتقولي نفس الاسم بصي ياما والله لو جت بنت ليبقي اسمها هبه ... إن شاء الله يابنتي ربنا يرزقكك بلي يفرح قلبك ويسعدك طول العمر ويجعلك الي جاي ذرية صالحه ... يارب ياحبيبتي .. كفايه لك بقي وخلينا نخلص روحي ارتاحي بقي انتي ... حاضر .. وسابتها وقامت تعمل شغل ألبيت وتطبخ الاكل قبل ما قاسم يجي عشان مايجيش يلاقيها هي حساسه اوي في الحته دي وبتت**ف وشايفه انه لما يجي راجل البيت لازم يبقي البيت هادي ورايق ويلاقي مراته في استقباله براحتهم كل بيت لي خصوصيه وحرمه ماينفعش نتعداها حتي لو كنا اهل هي كانت ست طيبه وبتحب بنتها وقاسم ومش حابه تبقي تقيله عليهم حتي لو هي الي بتخدمهم وخلصت كل حاجه وحتي الغسيل خدته فْم ونشرته وطفت علي الاكل وكله بقي علي سنجه عشرة والبيت نضف ودخلت لنادية قلقتها وقالت لها انها هتطلع خلاص وخلصت مسكت فيها نادية انها تقعد تتغدا وتنادي ابوها ويتغدو سوا رفضت بشده وقالتلها لا مره تانيه ارتاحي وخلي ودنك لجوزك لما يجي عشان ما يكرهش الحمل والعيل قبل ما يجي ويحس انه سبب في تقصيرك معاه . حاضر ياماما حاضر انا صاحيه اهو خلاص انتي تعبتي ولسه هتطلعي تعملي اكل فوق وتروقي حقك عليا ونبي .. بس يابت بطلي كلامك الماسخ ده الي مالوش طعم .. يلا فوتك بعافيه ياحبيبتي .. الله يعافيكي ياماما علي مهلك وانتي طالعه السلم ... حاضر يابنتي ربنا يريح قلبك .