THE BILLIONAIRE’S DOWNFALL
CHAPTER 20
Luna’s Point Of View
Buong maghapon ay itinuon ko lang ang sarili sa trabaho, kahit na minsan may mga napapansin akong mga matang nakatingin sa ‘kin. ‘Di ko na lang ‘yon inintindi pa at tinapos ko na lang nang mabilis ang aking trabaho. Nakahinga rin ako nang maluwag dahil wala rito ngayon si Sir Khalil at ‘di ko alam kung saan ‘yon nagpunta.
“Baks, kumain ka na?” Tumingin ako sa nagsalita, si Zinky na makapal na makapal na naman ang make up sa mukha. Kalalabas lang niya sa CR nitong locker namin kung saan siya ay nagpalit.
Umiling ako at saka tumungo upang alisin ang sintas ng suot kong sapatos. Noong unang mga araw ko rito ay wala akong suot na sapatos dahil na rin sa wala pa akong pambili. Mabuti na nga lang dahil pinayagan nila akong naka-tsin
