ملاذى

الحكايه ٧

ادم بفزع/خديجااااه

ذهب ادم اليها بفزع

ادم بخوف/خديجه انتي كويسه

خديجه ببكاء/انا كويسه بس الامن... الامن يا ادم هو ال جت فيه الطلقه الطلقه دي كانت ليا انا مش فاهمه هو ازاي طلع قدامي فجأه كدا و خدها مكاني

ادم/اهدي ي خديجه اهدي هو الحمد لله اصابته سطحيه و الاسعاف خدته و ان شاء الله هيكوون كويس

خديجه/لا انا لازم اروح اطمن عليه ف المستشفي و اتأكد انه كويس فعلا

احد افراد الامن/يا فندم بلاش علي الاقل انهارده بس خليكي جوا الفندق

ادم/انا كمان شايف كدا يا خديجه الحمد لله ربنا سترها المره دي

خديجه لفرد الامن/متعرفش هو عرف ازاي ان هيحصل كدا

فرد الامن /هقول لحضرتك

فلاش بااك

محمود/الحمد لله ي عم الحلقه عدت علي خير

رمزي/اه فعلا..... ي نهار اسود ايه هناك دا... دا قناص روح بسرعه قول لبتوع الامن الموجودين و انا هروح الحقهم مكان التصوير بسررعه

رمزي راح لخديجه و عقبال م وصل مكانش لحق ينده او يحظرهم كل القدر يعمله انه يقف قدام خديجه

بااااك

خديجه/انا السبب في الحصل

ادم/خلاص يا خديجه اهدي بقا تعالي يلا اطلعي اوضتك و ارتاحي و بكره قبل م نروح المطار هنعدي عليه ف المستشفي

خديجه/ماشي ي ادم

خديجه و ادم طلعو علي اوضهم ادم كان قلقان اووي علي خديجه لانها اتعرضت لحاجات كتير اووي ف الايام دي

في القاهره

ندي/الحمد لله الحلقه عدت علي خير انا كنت خايفه عليها اووي

عمر/اه فعلا

ندي/استني اكلمها كدا

عمر/ماشي

ندي بتتصل ب خديجه بس خديجه كانت نامت فمردتش

ندي/مش بترد

عمر/طيب استني هكلم ادم اطمن منه

ندي/ماشي

في غرفه ادم كان لسه منامش كان اعد بيفكر ف خديجه

عمر اتصل

ادم/الو يا عمر

عمر/الو يا ادم ايه ي بني عامل ايه و فين خديجه مش بترد ليه

ادم/مفيش هي بس مرهقه شويه من اليومين الفاتو فأكيد نايمه

عمر/ادم هو انتو كويسين

ادم/هي ندي جنبك

عمر/احم..اه

ادم/طيب لما تروح كلمني

عمر بقلق/ماشي ي ادم

ندي/مالك يا عمر هما فيهم حاجه؟!

عمر/لا ابدا هما بس مرهقين من اليومين الفاتو

ندي/مش مرتاحه

عمر/لا ليه

في نفس اللحظه مازن اتصل

ندي/الو ازيك يا مازن.

مازن/الحمد لله تمام و انتي عامله ايه

ندي/الحمد لله شوفت حلقه خديجه

مازن/اه شوفتها كانت حلوه اووي الحمد لله عدت علي خير

ندي/الحمد لله

مازن/طيب ايه حددتي ميعاد ولا ايه؟!

ندي/احم لا لسه بس اول م خديجه ترجع هنتفق

مازن/ماشي يا ستي مش عايزه حاجه.

ندي/شكرا ي مازن سلام

مازن/مع السلامه

عمر ببتسامه/ها هترتبطو امتي بقا و تخلصونا

ندي /يعني لسه اما خديجه تيجي هنحدد معاد يجي يقابل عيلتي فيه

عمر/ربنا يتمم بخير ي ندي

ندي بفرحه ان عمر مش مضايق/شكرا يا عمر

عمر/علي ايه يلا نروح بقا عشان اتأخرنا

ندي/اه فعلا اتأخرنا

عمر و ندي روحوا و اول م عمر روح كلم ادم

عمر/الو ي ادم طمني يا بني ايه الحصل صوتك كان مالو

ادم/خديجه يا عمر انا قلقان عليها اووي

عمر/ليه بس ايه الحصل م الحلقه عدت علي خير الحمد لله

ادم حكا كل حاجه حصلت خلال اليومين حادثه الاوضه و حادثه ض*ب النار

عمر/يا نهاار ابيض طيب و هي عامله ايه

ادم/مش عارف هي بتحاول تبين انها كويس بس انا مش حاسس ب دا يا عمر

عمر/مش انتو هتيجو بكره.

ادم/اه ان شاء الله

عمر/طيب ان شاء الله لما تيجي هتبقي احسن

ادم/مش عارف بقا بخطوبتي انا و تاليا و كريم بيه دا كمان كل دا بيضغط عليها

عمر/لا استنالي بقا كدا كريم ليه بيضغط عليها و كمان خطوبتك

ادم/عادي يعني يا عمر بس انا اتأكدت انها مبتحبش كريم و حاسس كدا انها عملت كدا عيندا فيا و خلاص

عمر/هي قالتلك كدا!!

ادم/لا طبعا بقا خديجه هتقول كدا برضو انا عشان اسمع منها الكلام دا قدامي مشوار اد كدا

عمر/اه م انا بقول برضو يلا هسيبك تنام بقا.

ادم/ماشي تصبح علي خير.

عمر/و انت من اهلو

في اليوم التالي

خديجه صحيت من النوم خدت دوش و لبست و قابلت ادم و راحوا علي المستشفي

في عربيه ادم

ادم/ها عامله ايه دوقتي

خديجه/كويسه الحمد لله

ادم/نمتي كويس؟!

خديجه/يعني اه

ادم/خديجه انا عايزك تنسي كل المشاكل الحصلت اليومين الفاتو دول مش عايزك تفتكري غير نجاح الحلقه

خديجه/حاضر يا ادم بس اهم حاجه نطمن علي ال في المستشفي

ادم/ان شاء الله هيطلع كويس

في المستشفي

ادم/لو سمحتي كان فيه امن اسمه رمزي جه امبارح هنا مصاب برصاصه ف دراعه

الممرضه/اه

خديجه/لو سمحتي طمنيني هو كويس

الممرضه/اه الحمد لله جرحه مكانش خطر

ادم/هو في اوضه رقم كام؟

الممرضه / في اوضه5

ادم/شكرا

في اوضه رامزي

خديجه و ادم دخلو

خديجه/عامل ايه دلوقتي.

رمزي/انا كويس المهم ان حضرتك بخير

خديجه/انا بخير انا بعتذرلك جدااا و مستعده لاي تعويض.

رمزي/متقوليش كدا دا واجبي

خديجه/انا مبسوطه انك بخير هسيبك بقا ترتاح

خرجوا ادم و خديجه و اتجهوا للمطار و ركبو طيارتهم

في شركه المصري

ندي راحت الشركه و عمر كمان كل واحد في مكتبه بيشتغل و منتظرين ادم و خديجه

ادم و خديجه وصلو الشركه

ندي و عمر عرفو سلمو علي بعض و ندي راحت مع خديجه و عمر راح مع ادم

في مكتب خديجه

ندي/قوليلي بقا ايه الحصل كلمتك امبارح مردتيش

خديجه ب ارهاق/ مفيش يا ندي انا بس منمتش كويس اليومين الفاتو.

ندي/همشيها بس هعرف علي فكره خديجه انا عايزه اقولك علي حاجه

خديجه/قوولي

ندي/انا و مازن قررنا اننا نرتبط و كنت مستنياكي ترجعي عشان نحدد معاد يجي يقابل بابا و ماما

خديجه بفرحه/بجد دا خبر حلو اووي طيب اديني جيت اهو يلا بقا حددو

ندي/ماشي انهارده انشاء الله.

خديجه بضحك/واقعه اووي يعني

ندي/احترمي نفسك بقا اه صحيح و اعملي حسابك ان احنا انهارده انا و انتي و عمر و ادم هناخد البريك بره الشركه و هنتغدا سوا بمناسبه رجوعكم

خديجه/ماشي

ندي/يلا هروح مكتبي بقا

في مكتب عمر

عمر/هاااا حصل ايه الولد الض*ب بالنار كويس.

ادم/اه الحمد لله

عمر/طيب كويس مفيش جديد؟!

ادم/لا مفيش

عمر/ماشي احنا هناخد البريك انهارده بره الشركه

ادم/طيب

و راح عمر علي مكتبه و ادم خديجه شاغله تفكيره اووي

عدا الوقت و كل واحد كان في مكتبه لغايه وقت البريك كلهم اتجمعوا و راحو كافيه سوا و طلبو اكل و بعد فتره من الوقت خديجه جالها تليفون

مجهول/مش عيب تكوني ف نفس المكان الخطيبك بي**نك فيه و انتي مش واخده بالك.

خديجه بعصبيه/انت مين و مين البي**ني و فين

المجهول/انا مين تقدري تقولي فاعل خير اما بقا فين فبصي كدا علي التربيذه ال علي شمالك

ادم و ندي و عمر شايفين خديجه و هي بتنهار مع كل كلمه بتسمعها

خديجه بتبص في الاتجاه البيكلمها قالها عليه بصدمه و رمت الموبيل و قامت و قفت ورا كريم كان لسه مشافهاش

كريم/تعرفي اني بحبك اووي

مي/وانا كمان بس خطيبتك دي بقا هتعمل فيها ايه

كريم/هتجوزها و مالو بس انت يا قمر هتفضل الاصل برضو

خديجه/و ايه كمان ؟؟!

كريم بذهول/خديجه

خديجه/اه خديجه خديجه ال ناوي تركنها علي الرف مش هي الاصل ولا ايه بس معلش شكلك نسيت انا ابقي مين مش انا يا كريم مش انا ال هتقبل بكدا

كريم/اسمعيني بس يا خديجه

كريم/اسمعني انت خاتمك دا ميلزمنيش و انت كلك علي بعضك كدا متلزمنيش ولا تسوي بالنسبه ليا

دي كانت اخر الكلمات ال خديجه قالتها قبل م تاخد شنتطها و تخرج

ندي كمان خرجت وراها و ادم و عمر حاسبو و خرجو بس عقبال م خرجو كانت خديجه مشيت

ادم/هي فين؟

ندي/معرفش يا ادم عقبال م خرجت كانت مشيت

ادم /ممكن روحت يعني ولا ايه طب كلمي مامتها كدا

ندي/مامتها مسافره

ادم/طيب يا ندي روحي و انا و عمر هنروح الشركه ال يلاقيها يكلم التاني

ندي/طيب

ندي اتحركت علي البيت و عمر و ادم راحو الشركه

في البيت خديجه ندي بتخبط و خديجه فتحتلها

ندي/ينفع كدا كنا هنموت من القلق عليكي.

خديجه زهقانه و مش قادره ترد

ندي حست انها تعبانه.

ندي/انا عارفه ان الحصل موقف سخيف بس عشان خاطري اهدي انا علي فكره لسه معرفش حصل ايه ف شرم مخليكي مش مظبوطه من ساعه م جيتي بس ال اعرفه ان فيه حاجه حصلت و هعرفها بس المهم دلوقتي تهدي انسي كل الحصل و حاولي ترتاحي.

خديجه حست بخنقه و ابتدت تعيط كتيير/انا تعبت تعبت اووووي تعبت من كتر ما بمثل القوه انا مخنوقه و في مليون حاجه تعباني بس مش عارفه اتكلم ولا اعبر مش عارفه اعمل حاجه غير اني اعيط

ندي خدتها ف حضنها/اهدي يا خديجه اهدي يا حبيبتي مالك بس؟!

خديجه بصوت مرتعش/تعبانه و محتاجه ارتاح

ندي/تعالي ادخلك اوضتك

ندي دخلت خديجه اوضتها و فضلت معاها لغايه م راحت في النوووم و خرجت و افتكرت تتصل بأدم

ندي/الو

ادم بلهفه/الو يا ندي ها طمنيني لقتيها

ندي/اه الحمد لله

ادم/طيب و عامله ايه

ندي/تعبانه اووي و مخنوقه

ادم /طيب انا عايز اشوفها او حتي اكلمها

ندي/هي نايمه دلوقتي لما تصحي هخليها تكلمك

ادم/ماشي

عمر/ها هناك

ادم/اه بس ندي بتقول انها تعبانه و مخنوقه انا كنت بقول انها هتيجي هنا عشان تفك شويه و تنسي الحصل ف شرم.

عمر/بس ال انا مش فاهمه هي زعلانه كدا ليه مع انك بتقول انها مش بتحبه

ادم/خديجه قلبها عزيز عليها اووي عشان كدا زعلانه زعلانه علي قلبها ال فتحتهوله و هو ميستاهلش

عمر/ربنا معاها.

ادم/يا رب يا عمر

قاطعهم دخول تاليا

تاليا/حمد الله علي السلامه يا ادم

ادم/الله يسلمك يا تاليا

تاليا/انا خلاص خلصت كل حاجه يارب متكونش ناسي بس ان خطوبتنا بكره

ادم بخنقه/مش ناسي.

تاليا/تمام و خرجت

ادم/و ادي بلوه تانيه

عمر/معلش هتتعدل

يلا هروح مكتبي بقا و فك كدا خير

ادم/ماشي

في بيت ندي عملت اكل عشان خديجه و راحت لقيتها لسه نايمه محبتش تزعجها قررت تستنه لغايه م تصحي

مازن اتصل

ندي/الو يا سي مازن

مازن/ايه المعامله دي

ندي/يا سلام يعني انت مش عارف الصاحبك عملو

مازن/والله ماعرف حاجه.

ندي/صاحبك طلع بي**ن خديجه و شافتو انهارده اعد مع واحده ف كافيه

مازن/مش ممكن!! طيب مش يمكن فهمت غلط

ندي/لا دي سمعاهم بودنها

مازن/هو غلطان و هعاتبو بس انا ذنبي ايه.

ندي/بحسبك تعرف و بعدين انا ايش عرفني افرض طلعت زيو تعرف بنات

مازن/ياستي والله ابدا.

ندي/ماشي يا مازن

مازن/طيب خدتي ميعاد.

ندي/هو المفروض كان بعد بكره

مازن/و المفروض ليه انا جاي بعد بكره خلاص خلصت.

ندي بضحك/ماشي خلصت بمزاجي علي فكره.

مازن/ماشي يا ستي سلاام

ندي/سلاام

في مكتب كريم

مازن/ممكن افهم ايه ال انت عملته دا؟!

كريم/لحقت عرفت

مازن/اه ايه بقا ال انت عملته دا هو انت ديلك عمره ماهيتعدل ابداا

كريم/يوووه بقا بقولك ايه سيبني اشوف هعمل ايه

مازن/بص خديجه انا اعرفها من زمان كويس جدااا و لو فاكر انها هتوافق ترجعلك بعد ال عملته يبقا انسا لان اكتر حاجتين بتكرهم الخيانه و الكدب.

كريم/ماشي يا مازن هنشوف خديجه ليا انا و بس

مازن/انا نصحتك علي فكره و انت حر بس لو خديجه اتأذت بسببك انا ال هقفلك

و سابه مازن و خرج

في بيت خديجه

خديجه صحيت من النووم

ندي/صحي النوم يا عم الحاج كل دا نوم

خديجه/بقالك كتير مستنياني

ندي/لا مش كتير ولا حاجه يلا عشان ناكل.

خديجه/لا مش عايزه يا ندي عشان خاطري هو انتي ايه مش لسه واكله بره

ندي/يوووه طب هتاكلي غصبن عنك اه صحيح كنت هنسا ادم اتصل و انتي نايمه و كان عايز يكلمك كلميه بقا عشان قلقان عليكي.

خديجه بتنهيده/حاضر يا ندي بس قوليلي الاول حددتي ميعاد لمازن

ندي/المفروض بعد بكره

خديجه بتحاول تطلع من المود/كويس بكره خطوبه ادم و بعده انتي و مازن فرصه لطيفه نخرج من المود.

ندي/انتي متأكده ان بكره فرصه لطيفه تخرجي فيها من المود

خديجه بتحاول ترسم البرود/اه عادي انا هكلم ادم و ناكل سوا

ندي/ماشي

خديجه/الوو

ادم/الو يا خديجه عامله ايه دلوقتي

خديجه/انا كويسه الحمد لله

ادم/انتي متأكده؟!

خديجه/اه متأكده مفيش حاجه حصلت اصلا عشان ازعل بالع** الحمد لله اني اكتشفت دا دلوقتي

ادم فاهم كويس انها بتحاول تتظاهر بع** الجواها

ادم/طيب يا خديجه هشوفك بكره؟

خديجه بوجع/ف الشركه ولا الخطوبه

ادم/الاتنين

خديجه/اه هكون موجوده ان شاء الله

ادم/ماشي يا خديجه لو احتاجتي حاجه متتردديش تكلميني

خديجه/اكيد سلام.

ادم/مع السلامه

خديجه رجعت و كلت مع ندي و ندي فضلت جنب خديجه و باتت معاها

في بيت ادم

ادم وصل البيت

امجد/ازيك ي ادم

ادم/الحمد لله يا بابا ازيك انت

امجد/بخير ها جاهز لبكره.

ادم بضيق/ان شاء الله هطلع بقا عشان تعبان

امجد/ماشي يا حبيبي تصبح علي خير.

ادم/و حضرتك من اهلو

ادم طلع خد دوش و صلي و فضل يفكر كتير اوي ف خديجه و وضعها لغايه م نام

في اليوم التالي

خديجه و ندي وصلو الشركه ندي راحت علي مكتبها وخديجه كمان بس خديجه عرفت ان ادم عايزها فراحتله.

في مكتب ادم خديجه بتحبط

ادم/ادخل.

خديجه بتحاول ترسم الابتسامه/صباح الخير

ادم/صباح النور عامله ايه.

خديجه/تمام جدا الحمد لله مبرووك

ادم بقتضاب/الله يبارك فيكي

خديجه/سمعت انك عايزني خير

ادم قام من علي كرسيه و اعد علي الكرسي ال قدامها/عايز اطمن عليكي يا خديجه انتي بتحاولي تبيني ع** الجواكي بس انا عارف و شايف جواكي ايه

خديجه/صدقني انا كويسه

ادم/اتمني احم... هشوفك بليل؟!

خديجه/اكيد ان شاء الله

ادم/تمام

خديجه/انا هروح مكتبي بقا

ادم/ماشي

اليوم عدي و ندي و عمر كل واحد ف مكتبه و ادم مخنوق من كل حاجه و خديجه حاسه انها تعبانه و مش عارفه ازاي هتحضر الخطوبه دي و المضايقها اكتر انها اصلا مش معترفه انها بتحبه اليوم عدا و كلهم روحو عشان يجهزو للخطوبه

مازن كان معزوم علي الخطوبه دي و اصر ياخد ندي و خديجه و يروحو سوا بس خديجه قالتلهم يسبقوا عشان كانت لسه مخلصتش و هي هتحصلهم

ندي و مازن وصلو

ادم بقلق/هي خديجه مجتش مع ندي و مازن ليه!

عمر/استني هسأل ندي

ادم/ماشي

تاليا/خير يا حبيبي فيه حاجه

ادم/لا ابدا مفيش

عمر/ندي هي فين خديجه

ادم/خديجه جايه اهي بس هي اتأخرت شويه فقالتلنا نسبقها...

عمر/تمام

عمر راح لادم

ادم/ها قالت ايه

عمر/زمانها جايه

ادم/اهي اميرتي وصلت

عمر بضحك/هي وصلت معاك لاميرتي؟

ادم/بطل غلاسه

خديجه اعدت مع مازن و ندي طول الخطوبه

و تاليا من ساعه م خديجه دخلت و هي عماله تقرب من ادم عشان تثبتلها ان ادم بقا بتاعها

و جه وقت تلبيس الخواتم ادم لبسها خاتمها و هي كمان لبسته خاتمه ادم كان نفسو يكلم خديجه كان حاسس انه عايز يقوم و يقولها سامحيني انا اسف والله عمري ماحبيت ولا هحب غيرك

خديجه زهقت من حركات تاليا و حست انها مش قادره اكتر من كدا فقررت تمشي

خديجه/ندي انا تعبت و عايزه امشي

ندي بخوف/مالك يا حبيبتي

خديجه/مفيش انا بس مرهقه شويه خليكي انتي مع مازن

ندي/ماشي

مشيت خديجه و عيون ادم كانت مراقباها و اضايق اووي لما شافها مشيت لانه كان عارف انها مكانتش مبسوطه ولا مرتاحه عارف ان روحها كانت بتتسحب و هي شايفه تاليه جنبو كدا

الخطوبه خلصت و كله روح علي بيته

في اليوم التالي

ندي و خديجه جهزو و راحوا الشركه ادم كان واصل اول واحد و كان عايز يتكلم مع خديجه بس مكانش عارف يقول ايه اليوم عدي لغايه وقت البريك خديجه و ندي اعدين ف الاستراحه كالعاده و ادم شافهم و قرر يروحلهم

ادم/ازيكم

خديجه و ندي/بخير الحمد لله

عمر كان واقف علي الباب بيشاور لندي تقوم و تسيبهم شويه ندي فهمت و اتحججت و قامت

ندي/طيب اناا... انا جالي تليفون هروح ارد عليه

ادم اعد.

ادم/مشيتي بدري امبارح ليه

خديجه/عادي كنت مرهقه شويه من شغل طول النهار بس

ادم/مش مصدقك

خديجه/لا صدق عشان هي دي الحقيقه

ادم/لا يا خديجه الحقيقه انا و انتي عارفينها قلوبنا و عيونا اعترفوا بيها بس لسنا لسه

خديجه/انت بتقول ايه.

ادم/انتي فاهمه كويس انا بقول ايه انا بحبك يا خديجه ايوا بحبك دي الحقيقه ال مش قادر اداريها اكتر من كدا و علي فكره بقا انتي كمان بتحبيني عشان كدا سيبتي الخطوبه امبارح و مشيتي.

خديجه كانت حاسه ان فيه جردل مايه ادلق عليها و مش عارفه ترد تقول ايه

خديجه بتوتر/ايه الكلام ال انت بتقوله دا انت اتجننت

ادم/بتحبيني يا خديجه طب لو مش بتحبيني كنت بترددي اسمكي ليه لما كنتي نايمه يوم حادثه الاوضه

خديجه/ادم انت بتخرف.

ادم/ماشي انا بخرف بس خوديها مني وعد هتجوزك

و سابها و قام و هي في ذهوول

ندي رجعت/مالك يا بنتي

خديجه حكت لندي كل الحصل.

ندي بتريقه/اييه دااا كنتي بتخترفي بأسمه يا خديجه

خديجه/مكنتش حاسه و بعدين انا مش فاكره حاجه زي كدا

ندي/فاكره مش فاكره المهم انه بيحبك فعلا من زمان و انا عارفه و شايفه دا

خديجه/طيب دي مشكلته هو بقا.

ندي/هنشوف يا خديجه

خديجه/طيب يلا عشان البريك خلص

ندي/ماشي.

كل واحد راح مكتبه

و الوقت عدا بسرعه و كل واحد روح بيته ندي كانت بتستعد لزياره مازن و خديجه كانت معاها.

في اوضه ندي

ندي/هاا شكلي حلو

خديجه/اه يا قلبي زي القمر.

الباب خبط والد ندي فتح و رحب بيهم و ندي خرجت و بعد مرور ساعه اتفقوا علي كل حاجه ان الخطوبه كمان اسبوع و الفرح كمان كام شهر.

بعد الضيوف م مشيو

خديجه/مبرووك يا روحي الف مبروك

ندي/الله يبارك فيكي يا ديچا عقبال ال ف بالي ياارب

خديجه/ااه واضح ان بيتلقح علييا ف انا هستأذن

ندي/استني اتعشي معانا

خديجه/لا مش قادره يدوب انام.

ندي/ماشي تصبحي علي خير

خديجه/و انتي من اهلو.

في اليوم التالي

خديجه و ندي وصلو الشركه و عمر و ادم كمان

في مكتب ادم.

ادم/انا مش مرتاح انا عايز اخلص موضوع تاليا بسرعه عشان افضي لخديجه

عمر/اهدي بس فكر بالعقل.

ادم/انا من ساعه م شوفت خديجه مبقاش عندي عقل انا هروح لتاليا دلوقتي

عمر/يا بني اصبر بس انتو خطوبتكوا مكملتس تلات ايام

ادم/لازم اتكلم معاها.

و خرج ادم من مكتبه و وهو قدام مكتب تاليا سمع الحوار دا

حمزه /بس انتي ايه دماغك دي سم

تاليا/اتعلم بقا لا وايه و قال ادم فاكر يا حرام انه ظالمني ميعرفش ان انا ال قلبت عمو امجد عليه و خليته ي**م علي الخطوبه ثم اكملت بضحكه خبيثه ولا لو عرف ان انا السميتله المحروسه بتاعته

حمزه/مش بقول دماغ سم

في اللحظه دي دخل ادم و كان في قمه غضبوو