ملاذى

الحكايه ٦

وقعت كلمات خديجه علي ادم كالصاعقه و ندي كانت بتبص لخديجه بذهول

خديجه/ايه ي جماعه مفيش مب**ك ولا ايه

عمر بزعل علي صاحبه/ مب**ك ي خديجه

تاليا بخبث /مب**ك ي حبيبتي فرحتلك اوي بجد

ادم مش بيتكلم و بيبصلها بغضب و ندي لسه ساكته و استنت لما يخرجو عشان تفهم

خديجه/طيب ي جماعه احنا هنمشي بقا سلاام

مشيو خديجه و ندي

تاليا/يلا ي بيبي..

قاطعها ادم بغضب/تاليا روحي دلوقتي و بعدين نشوف ال انتي عايزاه

تاليا /بس...

ادم بغضب/انا بقوول روحي

تاليا خرجت و سابته بغضب

عمر/اهدي ي ادم مش كدا

ادم/اهدي؟!اهدي ازاي دي بتقولك قرروا يرتبطو لا انا لازم اتكلم معاها لازم اتصرف

عمر/هتتحل ان شاء الله

في عربيه خديجه

ندي/ممكن افهم بقا ايه الحصل فوق دا انتي ازاي تاخدي قرار زي دا بالسرعه دي

خديجه بعصبيه من ال عملته و تسرعها/يوووه ي ندي و ليه موافقش دكتور كريم محترم و لطيف ليه لا

ندي/خديجه هو انتي مصدقه نفسك بجد ولا حتي مقتنعه بكلامك دا

خديجه/اه ي ندي

ندي/مش مصدقاكي علي فكره انا حاسه اني بتكلم مع واحده تانيه غير خديجه ال انا عارفاها مش انت ال كنتي بتقولي الارتباط و الحب دا تضيع وقت و يوم م هفتح قلبي لحد هيبقا بعد كتيير اووي

خديجه/و انتي طول عمرك معارضه الكلام دا ايه الحصل دلوقتي بقا

ندي/الحصل اني مش شايفه اي عقل ف قرارك دا انتي خدتيه عندا ف ادم

خديجه بغضب/ندي انتي اتجننتي ادم ايه ال هاخد قرار زي كدا عندا فيه

ندي/ماشي ي خديجه هنشوف و كله هيبان

كله روح بيته

في بيت عمر

عمر اعد علي سريره بيكلم صوره همس

عمر/وحشتيني اوووي ي حبيبتي همس انا كنت عايز اتكلم معاكي شويه انا قولتلك اني قابلت واحده من فتره تشبهك انا حاسس اني بظلمها اووي ي همس انا غلط كتير الفتره الفاتت و الفتره دي

انا عايز اعمل منها همس التانيه وجودها بيحسسني انك لسه موجوده عارف ان دا شعور اناني عارف اني مينفعش اتقرب منها لمجرد انها شبهك انا مش عارف اعمل ايه عارف اني بظلمها معايا بس انا كان نفسي الاقيكي اووي ولما شوفت ندي لا اراديا بقيت عايز اخليها نسخه منك يا همس مش عارف اعمل ايه

في بيت ادم

دخل البيت متعصب و طلع علي اوضته علي طول

ادم لنفسه/ماشي ي خديجه مااشي بس والله م هتبقي لحد غيري

خديجه و ندي وصلو بيوتهم

في بيت خديجه خديجه اتفاجئت برجوع امها

خديجه/ماما حمد الله ع السلامه

سمر/الله يسلمك ي حبيبتي وحشتيني

خديجه/انتي اكتر والله خالو عامل ايه؟

سمر/والله لسه تعبان حتي انا جايه اطمن عليكي و اخد كام حاجه و ارجعله

خديجه/ماشي ماما انا كنت عايزه اتكلم معاكي ف موضوع

سمر/قولي

خديجه/الحقيقه فيه حد عرض عليا الجواز و يعني انا شكلي هوافق

سمر بفرحه/يا حبيبتي اخيرا ي خديجه وافقتي علي حد

خديجه/اه انا قولت اقولك يعني عشان اكيد هيبقي عايز يقابلك

سمر/ماشي ي حبيبتي مش هتاكلي

خديجه/لا ي ماما مش قادره هدخل انام

سمر/ماشي ي حبيبتي تصبحي علي خير

خديجه/و انتي من اهلو ي ماما

في غرفه ندي

ندي لنفسها/ها ي ندي ايه رأيك ف كلام خديجه لما قالت انه اكيد بيقرب منك عشان يشوف همس مش عشاني طيب و انتي مستغربه ليه م انتي عارفه انه اكيد كدا و انتي متفقه معاه من الاول انكم مجرد اصدقاء يبقي ايه بقا البيحصل دلوقتي ليه بيتصرف كدا عمر صعبان عليا و هو متعلق كدا و مش عارف يعمل حاجه انا جنبه عشان يعدي المرحله الصعبه دي بس واضح كدا اني طول م انا قدامه كدا مش هعرف اساعده

الليل عدي عليهم كلهم و كل واحد ف دماغو الف فكره

في الصباح

وصل ادم الشركه اول واحد

ادم /لما خديجه توصل ابعتيهالي

سكرتيره خديجه/حاضر ي فندم

و صلو خديجه و ندي ندي راحت علي مكتبها و خديجه كمان بس خديجه عرفت من السكرتيره ان ادم عايزها

في مكتب ادم الباب بيخبط

ادم/ادخل

خديجه دخلت

خديجه/سمعت انك عايزني خير

ادم قام من علي كرسيه و اتحرك اتجاها

ادم/اه قولت اباركلك بنفسي عشان امبارح ملحقتش

خديجه/الله يبارك فيك عقبالك انت و تاليا

ادم بغيظ/ليه ي خديجه ليه خدتي قرارك بسرعه كدا

خديجه/انا حره و بعدين مش بسرعه ولا حاجه انا و كريم بنحب بعض و هنرتبط

ادم/خديييجه بتحبي مين الكلام دا تقوليه لحد تاني انا متأكد انك مش بتحبيه

خديجه بغضب/ادم ملاكش دعوه انا حره

و سابته و راحت مكتبها

ادم بغضب ماشي ي خديجه

في مكتب خديجه فونها بيرن

خديجه/الو

كريم/ازيك ي خديجه

خديجه/الحمد لله

كريم/ها يا تري خدتي قرارك

خديجه/اه اناا انا موافقه

كريم بفرحه/ بجد؟! دا خبر هايل طيب يعني لو اقدر اجي اقابل والدتك

خديجه/اه اكيد

كريم/طيب انهارده كويس

خديجه/مش بسرعه اوي كدا

كريم/خير البر عاجله

خديجه/ماشي تمام

ثم اتصلت ب امها

خديجه/ازيك ي ماما بقولك ايه كريم هيجي انهارده بليل

سمر/ماشي ي حبيبتي بس تعالي بدري بقا

خديجه/حاضر ي ماما

سمر/سلام ي حبيبتي

خديجه/سلام

في وقت البريك

ندي و خديجه ف الاستراحه بتاعت الشركه

ندي/يعني كريم هيجي انهارده بس ليه السرعه دي

قاطعهم ادم بوجه جامد/معلش اصلهم بيحبو بعض اووي

و سابهم و مشي

خديجه استغربت من طريقته دي/مش فاهمه متعصب ليه انا

ندي/ي سلام مش فاهمه

خديجه/لا ي ندي و ال ف دماغك دا مش حقيقي

ندي/طيب انتي حره

مر اليوم علي الجميع حتي جاء وقت المرواح

خديجه و ندي روحو عشان يستعدو لزياره كريم

جهزت خديجه و ندي كانت معاها

كريم وصل و كان معاه والده و واحد صاحبه

سمر/اهلا وسهلا اتفضلو

دخلو و خديجه و ندي خرجوا ليهم و كانت المفاجأه ان صاحب كريم يبقي مازن

خديجه/مازن؟!

مازن/ايه رأيك ف المفاجأه دي بقا.

كريم/مازن يبقي اعز صحابي

معتز(ابو كريم) /ندخل ف الموضوع بقا طبعا احنا يشرفنا اننا نطلب ايد خديجه لكريم

و بعد مرور وقت من الكلام ف التفاصيل

كريم/خلاص بقا ي طنط احنا ممكن نجيب دلوقتي خاتم و نقرأ الفاتحه و الفرح يبقي كمان كام شهر و يبقي اكبر فرح ف مصر

خديجه/كام شهر بس دا بدري اووي

كريم/ يعني ان شاء الله نكون اتعرفنا علي بعض و ساعتها نقرر سوا

سمر و خديجه/تمام

و نزلو سوا خديجه اختارت الخاتم العجبها و ادم كمان و هما مروحين ندي و ادم و سمر و معتز كان مع بعض ف عربيه و ندي ركبت مع مازن

في عربيه مازن

مازن/مكنتيش متوقعه اني هكون موجود انهارده صح؟

ندي/اه هي مفاجأه اصراحه

مازن/يا رب تكون مفاجأه حلوه

ندي/اها حلوه.

مازن/ندي كنت عايز اقولك علي حاجه

ندي بفرحه/قول

مازن/انا بحبك ي ندي

ندي ساكته بس فرحانه من جواها

مازن/ساكته ليه

ندي/مش عارفه اقول ايه

مازن/طيب فكري و خدي وقتك

ندي/حاضر

وصلو البيت مازن و كريم ومعتز مشيو بعد م قرأوا الفتحه و كريم و خديجه لبسو بعض الدبل

و ندي حكت كل حاجه لخديجه

خديجه/طيب و انتي رأيك ايه

ندي/مش عارفه بس انا مرتاحه

خديجه/طب و عمر

ندي/ماله عمر يا خديجه افهميني انا و عمر اصدقاء و عمرنا م هننفع لبعض هو مش هيقدر يخرج همس من قلبه و انا مش شايفاه غير صديق و انا لسه بفكر برضو

خديجه/ماشي ي ندي

في الصباح

ادم دخل الشركه لقا معظم الموظفين بيباركوا لخديجه

ادم/ايه دا فيه ايه

احد الموظفين/مس خديجه اتخطبت فبنباركلها

ادم بعصبيه/طيب كل واحد علي شغله بسرعه يلاا

راح كل واحد علي شغله

ادم/مب**ك ي خديجه هانم

خديجه/الله يبارك فيك شد حيلك بقا انت و تاليا شويه عايزين نفرح بيكوا

ادم بتحدي/حاضر ي خديجه قريب ان شاء الله

خديجه كانت تايهه اووي كانت حاسه انها اتسرعت ف قرار ارتباطها بكريم و كمان حاسه ان علاقتها ملخبطه مع ادم جدا و مش فاهمه كمان هي اتسرعت ليه كدا و بالذات لما شافت تاليا و اسلوبها مع ادم

اليوم عدا و ادم زهق و مشي بدري لانه كان حاسس انه مخنوق و خديجه كانت عايزه تقوله انها ممكن متجيش بكره عشان عندها حلقه مهمه ف شرم فمش هتعرف تيجي اليومين الجاين بس لما عرفت ان ادم مشي قالت لعمر

عمر/خلاص تمام خديهم اجازه و انا هبقا اعرف ادم

خديجه/تمام

كله روح و الاوضاع بين ندي و عمر زي م هي بالع** كمان ندي حست ان عمر فعلا مجرد صديق ال كانت حاسه بيه دا مش حب هي عايزه تساعده و كمان عمر اتأكد من جواه ان مش بيحبها هو عايز يشوف همس همس و بس مش اكتر

و تاليا بتحضر لخطوبتها القربت خلاص

و خديجه بتحضر شنتطها عشان السفر

في بيت ادم فونه رن

ادم/الو ي عمر

عمر/الو ي ادم كنت عايز اقولك ان خديجه مش هتيجي اليومين الجاين عشان عندها حلقه مهمه ف شرم

ادم/نعم يعني مش هتكون موجوده بكره

عمر/ولا بعده

ادم/طيب اقفل يا عمر

عمر/ناوي علي ايه

ادم/اقفل بس هتعرف

عمر/ماشي

ادم/الو ي مروان احجزلي اول طياره طالعه شرم و اعرفلي اسم الفندق الخديجه الدالي هتصور فيه خلال نص ساعه

مروان /حاضر ادم بيه

بعد نص ساعه

مروان/الو ي ادم بيه حجزت لحضرتك كمان الطياره ال بعد طياره خديجه هانم و هبعت لحضرتك ابليكيشن الفندق

ادم/تمام

كل واحد حضر شنطه و طلع ع المطار خديجه ركبت طيارتها و وصلت الفندق هي و التيم بتاعها

في الفندق

امين(صاحب الفندق)كان ف انتظارهم بنفسه/اهلا وسهلا بحضرتك

خديجه/اهلا وسهلا احنا اختارنا الفندق دا عشان واثقين ف سيستم الامن بتاعكم

امين/متخافيش ي فندم الامن ف كل حته و بالذات المبني ال فيه اوضكم و مكان التصوير

خديجه/تمام

طلعو اوضهم كلهم و ادم كان وصل بس خديحه ماشفتهوش

ادم/عايز احجز اوضه بأسم ادم المصري تكون جنب اوضه خديجه الدالي

الريسبشن/حاضر ي فندم

و ادم طلع مع واحد من السيرڤس عشان يوريله اوضته بس اتفاجئ بالامن الكتير ال ع المبني

ادم/هو ايه كل الامن دا

احمد/استاذه خديجه الدالي هتصور حلقه مهمه اووي هنا بعد بكره عشان كدا الامن دا هيفضل كدا يومين

ادم بقلق/ربنا يستر

ادم وصل اوضته و ابتدا يقلق علي خديجه من الحلقه دي

قرر انا يرتاح شويه لغايه الصبح

جه الصبح و خديجه قامت خدت دوش و لبست و ادم كان مستنيها تفتح الباب عشان يخرج هو كمان

خرجت خديجه و ادم كمان فتح الباب و خرج

خديجه بذهول/انت ايه الجابك هنا.

ادم ببرود/بقضي الويك ايند عايزه حاجه

خديجه/ويك ايند السبت طيب ع العموم انا ورايه شغل كتير معنديش وقت اضيعه و سابته خديجه و نزلت

خديجه نزلت و بدأت تحضير للحلقه ف مكان التصوير و ادم اعد ف كافيه قريب منها اعد طول الوقت عينه عليه

في شركه المصري

ندي وصلت الشركه دخلت مكتبها و اعدت تشتغل لغايه وقت البريك و قررت تقوم كالعاده تقعد شويه ف الاستراحه بتاعت الشركه لما راحت لقت عمر اعد

ندي/ازيك مشوفتكش انهارده يعني

عمر/ياستي م ادم و خديجه مسافرين و كل الشغل علي دماغي

ندي بستغراب/ادم؟!راح فين

عمر/ايه دا انتي متعرفيش انه سافر ورا خديجه

ندي/ساافر ورا خديجه؟!طب ليه

عمر/ادم دا محدش يتوقعه و لا بيفهم تصرفاته

ندي/غريبه

عمر/لا مش غريبه ولا حاجه كلنا ملاحظين و فاهمين تصرفات ادم و خديجه بس احنا عارفين عيندهم كويس و انهم مش عايزين يعترفو ب الحاسين بيه

ندي/يعني انت كمان ملاحظ بقا مش انا بس

عمر بضحك/ يا بنتي دي الشركه كلها عرفت من ساعه يوم المستشفي لما شالها و جري بيها علي المستشفي

ندي بضحك / و ف الاخر كل واحد خطب من بره اني اسف

عمر بضحك/اه والله عندك حق

قاطع حديثهم مازن

مازن/تسمحولي اشاركم الاعده اللطيفه دي

ندي/ماازن ازيك اه اكيد اتفضل

عمر/ازيك

مازن/بخير الحمد لله

عمر/بس غريبه يعني انت مش المفروض دلوقتي تكون مع خديجه ف شرم عشان الحلقه

مازن/لا ال هيكون مسؤل عن الحلقه احمد ال كان مع خديجه من ساعه م بدأت تدريب

عمر/اها تمام

مازن كان نفسه عمر يقوم عشان يتكلم مع ندي و بعد ربع ساعه عمر جاله مكالمه مهمه و استأذن و راح علي مكتبه

مازن/ها بقا عامله ايه

ندي/بخير بس ايه المفاجأه اللطيفه دي

مازن/يعني خلصت شغل بدري و انا عارف ان خديجه مش موجوده فحبيت اطمن عليكي

ندي/طيب استني هعملك قهوه ميصحش برضو تيجي مخصوص عشاني و متشربش حاجه

قامت ندي تعمل قهوه

مازن لنفسه/يااااه ي ندي ياااه لو توافقي و تعرفي بحبك اد ايه مش هتندمي ابدا ي حبيبتي

ندي جت /اتفضل ي سيدي

مازن/شكرا يا نودي

ندي بضحك/نودي؟!

مازن/اها وحش ولا ايه

ندي/لا خالص

مازن/طب ايه موافقه

ندي/هو انا لحقت

مازن/يا بنتي فكري بسرعه بقا انا علي اعصابي من امبارح تعرفي ي ندي انا اول مره اشوفك فيها قولت هي دي هي دي مراتي هي دي ال مش هقبل غير بيها

ندي/ايه الثقه دي كلها

مازن/اول م شوفتك قلبي قالي اننا لبعض

ندي/طب و لو قولت لا

مازن/هعتبر نفسي مسمعتش حاجه

ندي/و لو مستحيل

مازن/هفرح لاني هبقا حققت المستحيل

ندي/و لو وافقت

مازن/الفرحه هتبقي مش سايعاني و اوعدك انك مش هتندمي ابداا علي قرارك دا

ندي/ماشي ي مازن انا اول م اقرر هقولك

مازن/و انا مش هضغط عليكي

ندي /ماشي

مازن/ها البريك بتاعك هيخلص امتي

ندي/هو المفروض دلوقتي يعني

مازن/ماشي ي ستي مش هعطلك عن شغلك يلا سلام

ندي/سلام

ندي بفرحه انا كمان شكلي حبيتك

في شرم

خديجه اشتغلت كتير اووي و كانت بتخلص ف اواخر الحاجات

احمد/كدا تقريبا كل حاجه خلصت باقي بس التتشات الاخيره بتاعت بكره و هنراجع سوا دلوقتي الاسئله

خديجه/طيب ماشي تعالي بقا نروح نقعد عشان انا هنجت خلاص

احمد/ماشي يلا

راحو احمد و خديجه و اعدو ف نفس المكان ال فيه ادم بس مكانوش واخدين بالهم من وجوده

احمد/خديجه هروح اجيب حاجه نشربها عقبال م تبصي ع الورق

خديجه/ماشي

كل دا تحت انظار ادم الغيرانه

احمد/جبتلك قهوه

احمد لسه بيحط القهوه قدام خديجه وقعها عليها

خديجه/ااااه سخنه جداااا

احمد/ي نهار ابيض انا اسف جدا والله مقصدش و لسه احمد بيحط ايده علي ايد خديجه عشان يشوفها اتفاجئ بأيد ادم بتمنعه

ادم/انت اتجننت ازاي تسمح لنفسك تمد ايدك عليها كدا

احمد/نعم؟!انا وقعت عليها القهوه و كنت بحاول اساعدها

ادم/لا خلي مساعدتك دي لنفسك و ياريت ايدك دي متتمدش تاني

احمد لسه هيرد

قاطعته خديجه/انا ايدي محروقه و انتو اعدين تتخانقوا

ادم بلهفه/طيب نروح لدكتور

خديجه/لا انا هطلع اغير هدومي و عندي كريم هحط منه

خديجه قامت و احمد راح علي شغله و ادم قرر يطلع ورا خديجه عشان يحاسبها علي الحصل تحت و هو بيقرب من باب خديجه سمع صرخه ضعيفه خبط كتير بس مفتحتش

طلب مفتاح اوضتها و احمد طلع لما لاقاها اتأخرت دخلو لقو خديجه مغمي عليها ع الارض و الاوضه متبهدله

ادم بخوف/خديجه خديجه فووقي دكتوور بسررعه

الدكتور جه و فحص خديجه

ادم/ها ي دكتور مالها،؟!

الدكتور/لا ولا حاجه هي بس اتعرضت لخبطه علي راسها و كمان الخضه ففقدت الوعي بس لازم حد يفضل معاها الليله دي عشان هنكون مرهقه

ادم/تمام ي دكتور

احمد نزل يشوف الكاميرات مع الامن و ادم دخل لخديجه

خديجه ابتدت تفوق

ادم/خديجه حمد الله ع السلامه انتي فاكره ايه الحصل

خديجه/الله يسلمك اه فاكره انا دخلت لقيت الاوضه كدا زي م انت شايف و حسيت بحد بيحاول يكتم نفسي و ض*بني علي دماغي بسلاحه بعدها مش فاكره حاجه

ادم/هو انتي لسه م**مه ع الحلقه دي

خديجه /مش هلغيها غير علي جثتيخديجه سوري ي ادم انا تعبتك معايا

ادم/متقوليش كدا انا كنت هموت من الخوف عليكي

خديجه/بعد الشر روح ارتاح شكلك تعبان.

ادم/احم لا م انا هبات هنا

خديجه بذهوول/نعم؟!!

ادم/هفتح الباب بس مش هسيبك لوحدك

خديجه/يا ادم اسمعني بس....

قاطعها ادم/خديجه انا خلاص قررت و الباب مفتوح اهو

خديجه/ايوا بس انت هتفضل كدا اعد ع الكرسي الليل كله

ادم/اه ملكيش دعوه

خديجه بقله حيله/طيب زي م تحب.

نروح شركه المصري

ندي خلصت شغلها المفروض عيد ميلادها كمان اسبوع و مازن عارف دا فقرر يعملها مفاجأه ندي خرجت من الشركه و لقت مازن مستنيها و اقنعها انهم يروحو ف مكان قريب من الشركه يتكلمو شويه ندي اول م دخلت اتفاجأت ان المكان كله فاضي و ف الوش بورتريه كبير مكتوب عليه تتجوزيني و نزل علي ركبه و نص و طلب ايديها ندي كانت فرحانه اووي و قالت موافقه هو كمان فرح جداااا بموافقتها دي

مازن/كل سنه و احلي ندي طيبه

ندي/ايه دا لسه باقي اسبوع

مازن/م انا لازم اكون اول حد قايلك ولا ايه

ندي/شكرا ي مازن بجد

مازن/علي ايه بس انتي تستاهلي اكتر من كدا ي ندي

ندي/طيب ممكن نروح بقا عشان انا اتأخرت اووي

مازن/تروحي؟! احنا لحقنا

ندي/معلش ي مازن عشان متأخرش

مازن/موافق بس بشرط

ندي/ايه

مازن/تروحي دلوقتي تاخديلي ميعاد اجي اتقدملك فيه

ندي/حاضر

مازن/اذا كان كدا يلا

في شرم

في غرفه خديجه

ادم/احم قوليلي ي خديجه هو..... هو انتي شايفه ان انا و تاليا نستاهل بعض فعلا او مبسوطه اننا هنتخطب

خديجه بتردد/والله لو انت مبسوط و حاسس انها الشخصيه المناسبه ليه مفرحلكش

ادم اضايق من ردها/يعني انتي مش عارفه اني مجبر علي الموضوع دا مثلا

خديجه/سمعت الموضوع بس مش مصدقه صراحه ان ممكن حد يجبرك علي حاجه بالذات موضوع مهم ذي دا

ادم/دا بابا و مكنش ينفع ارفض ساعتها لانه كان تعبان جدا هو انتي ممكن تسمعيني كصديق مثلا محتاج نصيحه.

خديجه/انا لو منك هفهمها كل حاجه و السبب ورا موافقتك عشان كمان متظلمهاش معاك

ادم/هحاول انا فكرت ف كدا كتير فعلا

فون ادم رن

ادم/دي تاليا هرد عليها و احاول اوصلها الفكره

خديجه/ماشي

خرج ادم و رد عليها

ادم/الو ي تاليا

تاليا/الو ي ادم انت فين مش لاقياك ليه

ادم/انا ف شرم عشان شغل

تاليا بغيظ/شرم مسافر شرم و خطوبتنا كمان كام يوم

ادم/تاليا انا عايز اتكلم معاكي ف موضوع

حكا ادم ل تاليا كل حاجه و انه مش بيحبها

تاليا بتمثل العياط/ليه كدا طيب هنتفق اتفاق عشان خاطر عمو بس و صحته نفضل كام شهر مخطوبين و لو محبتنيش نقول ساعتها اننا مش متفاهمين

ادم/طيب ي تاليا سلام

تاليا/سلام

تاليا بعد م قفلت/بقا عايز تسيبني و تروحلها ماشي ي ادم

في اوضه خديجه

ادم/كلمتها و فهمتها و قالت نتخطب كام شهر بس عشان بابا

خديجه/تمام

ادم/شكرا ي خديجه بجد انك ساعدتيني

خديجه/لا ولا شكر ولا حاجه

ادم بتردد/احم و انتي مبسوطه مع كريم

خديجه و حست بوجع فاجأه مجرد ذكره لاسم كريم/ها..اه مبسوطين

ادم حس انها مش بتقول الحقيقه

ادم/انتي متأكده اصلي مش حاسك بتقولي الحقيقه

خديجه/لا ليه يعني و ف نفس الوقت كريم اتصل

خديجه /ثواني هرد

ادم/اكيد

خديجه/الو

كريم/الو ي خديجه بكلمك موبيلك غير متاح ليه

خديجه/هو جنبي من الصبح اكيد شبكه

كريم/اه ممكن المهم انتي عامله ايه

خديجه /الحمد لله تمام انت كويس

كريم/اه كويس وحشتيني

خديجه/احم ... ايه؟!

خديجه مكانتش عارفه ترد بسبب وجود ادم

و كمان مكانتش حابه ترد و ادم فهم انها مش عارفه ترد بس مقامش ولا اتحرك هو كان متغاظ جدا و قرر انه يفضل اعد.

كريم/انتي فيه حد جنبك

خديجه/اه

كريم/ماشي ي حبيبتي اسيبك انا عشان شغلك

خديجه/طيب سلام

كريم/سلام

ادم/ليه مقولتيلوش علي الحصل

خديجه/عادي ملهوش لزوم.

ادم/غريبه

خديجه/هي ايه

ادم/اصل لو مكانك مثلا و خطيبي البحبه كلمني هحكيله علي الحصل

خديجه/لا عادي مش شرط

من طريقه كلام خديجه ادم اتأكد انها مبتحبش كريم و دا اداله امل كبير

ادم/طيب يلا بقا عشان تلحقي ترتاحي عشان حلقه بكره.

خديجه/ماشي بس انت.....

قاطعها ادم/ملكيش دعوه بيا ي ستي يلا تصبحي علي خير

خديجه/و انت من اهلو

خديجه راحت ف النوم بسرعه لانها كانت تعبانه و ادم فضل يتأمل ف ملامحها

و شويه و سمع خديجه بتردد اسمه كتير و هي نايمه من غير م تحس

ادم بفرحه/انا جنبك اهو و عمري م هسيبك

نروح بقا القاهره

ندي كانت فرحانه اووي و قالت لاهلها و اتفقت معاهم انه يجي يتقدم بس لما خديجه ترجع من السفر

الليل مر عليهم كلهم و كل واحد صحي بأمل جديد

عمر كان فرحان انه واجه نفسه اخيرا و انه فعلا بقا يشوف ندي صديقه و بس

و ادم كان فرحان انه حل مشكله تاليا و انه اتأكد ان خديجه مش بتحب كريم و كل ال عملته دا كان عيندا فيه و ف تاليا و كمان اتأكد لما سمعها بتردد اسمه و هي نايمه عرف انها بتحبه برضو بس عشان يخليها تعترف ب دا لسه المشوار ادامه طوييل

اما بقا ندي كانت مبسوطه بدخول مازن حياتها اووي و كمان علاقتها بعمر التحددت

و خديجه بالرغم ان مشكله كريم متحلتش بس الحلقه ال هتتعمل ف اليوم دا مفرحاها اووي و كانت مستعده لاي حاجه مقابل انها تنجح

ادم صحي قبل خديجه و اعد يتأمل في ملامحها

خديجه صحيت و بدأت تفتح عنيها/ادم؟!معقول انت لسه هنا اكيد منمتش كويس

ادم/بالع** دي احلي ليله ف حياتي يلا انا هسيبك عشان تحهزي و انا كمان هجز و ننزل سوا.

خديجه /ماشي

في القاهره

ندي جهزت و راحت الشركه

و دخلت مكتبها كانت ناويه تخلص شغل بدري عشان تفضي تتف*ج علي حلقه خديجه

في شرم

خديجه و ادم جهزو و نزلو سوا علي الرغم ان ادم كان خايف علي خديجه من الحلقه دي بس كان فرحان بيها اووي و بشغلها خديجه اعدت تشتغل طول النهار لغايه قبل الحلقه بساعتين

خديجه/هطلع اجهز بقا

ادم/ماشي خديجه تسمحيلي احضر معاكي التصوير

خديجه/اكيد طبعا

ادم اعد مع التيم ال كان مرحب جدا بوجوده طبعا

في مصر

ندي بدأت تخلص شغل و خارجه من مكتبها بس قابلت عمر

عمر/ايه دا مروحه

ندي/اه كنت لسه جايالك انا خلصت كل الشغل ال ورايا حتي مختش بريك عشان امشي بدري عشان اتفرح علي حلقه خديجه

عمر/اااه صحيح دي انهارده طب ايه رأيك نتفرح عليها سوا ف الاستراحه هنا

ندي/ماشي يلا

في شرم

خديجه جهزت و نزلت كان شكلها حلو اووي و ادم كل مره بيزيد اعحابه بيها

ادم/بالتوفيق

خديجه/شكرا ي ادم بجد

ادم/علي ايه انا معملتش حاجه

قاطعهم صوت احمد/يلا جاهزين.

خديجه/اه

احمد/و الضيف جاهز؟

الضيف/اه تمام

بعد مرور ساعه الحلقه عدت علي خير و ف وسط فرحتهم ص*ر صوت طلقات نار ف اتجاه خديجه

ادم بزعر/خديجاااااااه