ملاذى

الحكايه ١٢

"من الممكن أنا أنظر لعينيك فأرتوي عشقًا لا محالة، لا يد لي بكل ذلك الحب الذي أحمله داخل قلبي اليك، بين طيات تلك الكلمة، حبُ لا مثيل له يا رحيم لقلبي"

خديجه صحيت من النوم ملقتش ادم جنبها بس سمعت صوت المايه عرفت انه ف الحمام

ادم خرج و لبس و خديجه كمان قامت خدت دوش و لبست و راحو سوا الشركه

عند ندي و مازن.

مازن صحي قبل ندي اعد يغلس عليها لغايه م صحيت.

ندي بطفوليه/يوووه يا مازن سيبني انااام بقا

مازن/ندي هو احنا مسافرين عشان ننام قومي اصحي

ندي/هنام شويه صغيرين و اقوم تاني.

مازن/لااااا

ندي/هقوم بشرط

مازن/هااا

ندي/هتخرجني

مازن/موافق قوومي بقا

ندي بفرحه/حاضر هلبس بسرعه اهو

ادم بضحك/عيله والله.

ندي/سامعاااك علي فكره

في عربيه ادم

ادم بخبث/ملحقتيش تنامي كويس انا عارف

خديجه بضحك/لا نمت علي فكره و بعدين انت صعبت عليا اصراحه هتبقي محتاس كدا لوحدك من غيري فقولت انزل معاك بقا

ادم/لا والله ماشي اما نشوف مين الهيحتاس

مر اسبوع و الحال زي ما هو

في اليوم القبل رجوع ندي و مازن

في شركه المصري

خديجه كانت ف مكتب ادم بتتكلم معاه في شغل

في وسط الحوار

خديجه حست بدوخه بس حاولت تتجاهلها و تتحامل علي نفسها

ادم/اخيرا خلصنا يلا يا ديچا نقوم نروح

خديجه/ماشي يلا

و لسه هتقوم بس مقدرتش

ادم بلهفه/خديجه مالك

خديجه/مفيش يا حبيبي انا بس دوخت فاجأه

ادم/طيب نروح لدكتور ولا حاجه

خديجه/هنروح لدكتور عشان دوخت شويه مش مستاهله

ادم/ماشي يا حبيبتي يلا نروح شكلك محتاجه ترتاحي.

خديجه/ماشي

في بيت ادم و خديجه

ادم دخل ياخد دوش و خرج

ادم/خدييييجه! خديجه مالك فوقي

خديجه كانت فاقده الوعي

ادم طلب الدكتور و جه كشف عليها

الدكتور/متقلقش هي بس بذلت مجهود زياده و دا غلط عشان البيبي علي فكره

ادم بفرحه/بيبي؟!

الدكتور/ايه دا معقول متعرفوش المدام حامل ف شهر و نص

ادم/بجد يا دكتور هبقي اب ... انا... انا متشكر جدا بجد

الدكتور ببتسامه/العفو يا سيدي علي ايه

الدكتور خرج و ادم فضل جنب خديجه ال كانت لسه نايمه

خديجه ابتدت تفوق

خديجه/ادم ايه الحصل

ادم/خرجت لاقيتك مغمي عليكي

خديجه/مش عارفه فيه ايه اليومين دول

ادم/حامل مثلا

خديجه بعد تصديق/حامل!انت بتتكلم بجد؟؟!

ادم/امال بهزر مثلا مب**ك يا حبيبتي

خديجه بفرحه/الله يبارك فيك يا قلبي هنبقي اب و ام

ادم/اه هتبقي احلي ام يا خديجه

خديجه/و انت هتبقي احلي اب

مر الليل علي ادم و خديجه و هما فرحانين و بيحتفلو بالبيبي الجديد

في اليوم التالي

ادم و خديجه راحو الشركه و ندي و مازن رجعوا قرروا كل واحد يروح مكان شغله لان اصحابهم وحش*هم جداا

في شركه المصري

ندي وصلت و سلمت علي عمر و بعدين راحت لخديجه مكتبها

في مكتب خديجه الباب بيخبط

خديجه /ادخل

ندي/حبيباااااي

خديجه/ندي اه يا جزمه اكتر من اسبوع متسأليش عليا...... واضح انك كنتي غرقانه ف العسل خاالص

ندي بضحك/خالص خالص

خديجه/حبيبتي ربنا يهنيكي.. صحيح شكلك هتبقي خالتو قريب.

ندي/ايييه خديجه انتي حامل؟!

خديجه/اه

ندي بفرح/مبروووك يا احلي ديچا هتبقي احلي ماما انا عارفه

خديجه/الله يبارك فيكي يا نودي عقبالك يا روحي و ابقي خالتو انا كمان ولا انا مليش نفس

ندي بضحك/لا ليكي يا روحي طبعا

اليوم عدي عادي و كله روح بيته

في بيت عمر

عمر اعد بيتكلم مع همس كالعاده

عمر/عارفه يا همس انا كدا خلاص خلصت مهمتي تعرفي خديجه حامل و ادم فرحان اووي و كمان ندي و مازن اتجوزو و مبسوطين اووي في حياتهم انا فرحان اووي يا همس اني اخيرا خلصت مهمتي و خلاص هجيلك بقا معلش انا عارف اني اتأخرت عليكي بس هانت

خلص عمر كلماته و خد دوا كتير خلاه فقد وعيه في نفس الوقت والدته دخلت لقت جنبه شريط كامل خلصان و فاقد وعيه

قررت تتصل بأدم بسرعه.

ام عمر بنهيار/ادم يا ابني الحقني عمر معرفش خد ايه و لاقيته فاقد واعيه و مبينطقش

ادم بفزع/طيب انا جاي حالا

خديجه/خير يا ادم فيه ايه.

ادم و هو بيلبس بسرعه/معرفش يا خديجه عمر شكلو تعبان اووي.

خديجه/ربنا يستر اجي معاك

ادم/لا يا حبيبتي خليكي و انا هبقا اطمنك

و خرج ادم و وهو في الطريق طلب الاسعاف

في بيت عمر ادم وصل.

ادم/ايه يا طنط ايه الحصل لعمر

ام عمر/معرفش يابني انا دخلت لاقيته واخد الدوا دا و مغمي عليه

ف الوقت ذا الاسعاف وصلت و نقلو عمر المستشفي و كان امه و ادم معاه.

في المستشفي

ادم و ام عمر واقفين علي اعصابهم و بعد ساعه الدكتور خرج

ادم/خير يا دكتور طمني

الدكتور/مكدبش عليكم هو تقريبا عايش علي الاجهزه بس

ام عمر بنهيار/يعني ايه ابني الوحيد راح مني

ادم/لا ثواني اوعي تشولوه من علي الاجهزه انا هتكلف بأي حاجه انتو عايزينها بس اوعو تشولوه و لو اعد العمر كله

الدكتور/تحت امرك عن اذنك.

ادم بوجع/متخافيش عمر هيقوم و يعيش والله هيكون احسن

عدا اسبوع و الوضع زي ماهو عمر لسه عايش علي الاجهزه و خديجه بتحاول تخفف عن ادم و ندي في الفتره دي عرفت انها حامل بس مازن و ادم كانو طول الفتره دي في المستشفي مع عمر

الدكتور/ادم بيه انا كدا بشغل مكان علي الفاضي هو كدا كدا ميت

ادم بغضب/اقسم بالله لو سمعت الكلام دا تاني لطربق المستشفي علي ال فيها و انا قولت عندي استعداد اتكلف بأي حاجه بس يفضل

الدكتور بخوف/ماشي يا ادم بيه

عدت سنه ندي جابت عمر و خديجه جابت نورين بس فرحتهم مكملتش بسبب وضع عمر

و في يوم في بيت ادم

خديجه و ادم كانو بيفطروا

خديجه/ادم يا حبيبي مينفعش كدا لازم تاكل عشان تقدر تكمل

ادم/اكمل ايه عدا سنه و هو لسه زي م هو انا خايف خايف اخسره انا مش مستوعب يا خديجه انه ممكن يروح مني

خديجه/متخافش ربنا كبير يا ادم و عالم بحالناو في اللحظه دي المستشفي اتصلت

ادم/الو

الدكتور/ادم بيه مب**ك عمر فاق

ادم بفرحه/فاق؟؟؟!انت بتتكلم بجد

الدكتور/اه والله عايز اقولك ان دي معجزه

ادم/الحمد لله يا رب انا جاي حالا

ادم و خديجه راحوله و هما ف الطريق عدو علي ام عمر خدوها و كلمو مازن و ندي يحصلوهم

في المستشفي

في غرفه عمر

ادم/عممر انت فوقت حرام عليك كنت هتموتنا من الرعب عليك

ام عمر/كدا برضو تعمل فيا كدا يا عمر حرام عليك

عمر/وحشتوني اوووي

في اللحظه دي مازن و ندي دخلو

مازن بفرحه شديده/حمد الله علي السلامه يا عمر

ندي/علي فكره كلنا كدا لينا حق عندك قوم بقا عشان ناخده

عمر/انا اسف اسف علي كل الايام الصعبه العشتوها بسببي

مازن/اسف علي ايه و بعدين قوم بقا عشان نعمل حفله عمر ونورين و نعرفك عليهم

عمر بضحك/عمر و نورين حبايب خالو و عمو في نفس الوقت....مب**ك يا حبايبي.

مازن/ الله يبارك فيك.....طيب يلا شد حيلك بقا

عمر بضحك/اه انا لازم اقوم بقا عشان اتعرف علي الاعضاء الجديده

خديجه/ايوا يلا بقا

الدكتور كتب لعمر علي خروج

في بيت عمر

كلهم روحو بس ادم اصر يفضل مع عمر لتاني يوم و بعدين يروحو سوا بيته عشان يعملو حفله سبوع نورين و عمر.

في غرفه عمر

ادم/كدا برضو متعرفش انا كنت عامل ازاي الفتره دي بس انا مفقدتش الامل كنت متأكد انك هتقوم و تفضل وسطينا ارجوك يا عمر متعملش كدا تاني.

عمر/عمري ماهعمل كدا تاني يا ادم الفتره دي علمتني حاجات كتير اووي و حببتني في الحياه... تعرف يا ادم انا همس كانت بتزورني كل يوم كنت كل يوم كنت بطلب منها تاخدني بس هي كانت بترفض و كانت بتقولي ان فيه ناس بيحبوك و محتجينك في حياتهم.

ادم/همس كان عندها حق و الحمد لله انها مسمعتش كلامك يا عمر.

مر الليل في فرحه كبيره اوووي برجوع عمر ليهم من جديد

في الصباح

ادم و عمر و ام عمر راحو عل فيلته و كان ندي و خديجه و مازن في انتظارهم و بدأو الحفله مع وصول ادم و عمر و امه و باقي المعازيم و كانت حفله جميله جداا كانت حفله بتستقبل تلات اشخاص مش اتنين نورين و عمر الصغير و عمر الكبير.

بعد مرور ست سنوات

ادم و خديجه و ندي و مازن و عمر اعدين في النادي سوا

و بعدين عمر الصغير و نورين جريوا عليهم

عمر الصغير/عمو ادم عمو ادم بقولك ايه انا عايز اطلب منك طلب

ادم بضحك/قول ياسي عمر

عمر/انت بنتك قموره اووي انا هتجوزها

ادم/نعم يا خويا.

عمر/احنا قررنا خلاص و اتفقنا علي كل حاجه ..صح يا نورتي.

نورين/اه بثراحه يا بابي انا موافقه

ادم/بثراحه موافقه؟! يا خيبتك يا ادم

و ضحكو كلهم علي كلام عمر و نورين

"من الممكن أنطق بكلمة أحبك، ليلًا ونهارًا فقط لأهديها لك، لكن في الحقيقة تلك الكلمة تشبة الفراشة المخلوقة من نور، شفاقة للغاية، وأنا أخاف أن أمس تلك الكلمة بأذي"