حياتي كلها

الفصل 19

الفصل 19

.....

هم بعدني مو مطمئنه لازم اشوفهن حتى اتأكد بنفسي يجوز وداد متحب تضوجني ..المهم اجه الليل وتقريبا ساعه ب ١٠ بالليل دخلت الممرضه ..

هدى..بلا زحمه حبي البنات اللي وياي بالحادث وين ردهاتهن

الممرضه.. ريم وسمر بقسم ال**ور..ودنيا بمستشفى الولاده والاطفال لان اجهضت للاسف?

هدى..حسيت روحي طلعت من خشمي وكولت لو على اعصابي لازم اطلع لل**ور اشوف ريم وسمر حاولت ماما تمنعني ولكن كوتلها لازم اروح

طلعت وي الممرضه امشي ودايخه كولش ودخلت كعدت يم سرير ريم حضنتها..رجليها ثنينهم مكبوسات تجبير **ور وراسها همات ملفوف ?

ورحت يم سمر ايدها م**وره وايدها الثانيه مجروحه ومخيطيها وهمات نايمه?..بوستهم وطلعت مقهورى..شكد نصحت ريم شحصلت بله يارب شافيهن وعوض دنيا على ولدها اللي نزل..الف حمدلله وشكر من**رت ايدي او رجلي والله معجزه يمكن امي بهذيك الليله داعيتلي.?.

رجعت لردهه وحطيت راسي واسترجعت الاحداث اللي صارت وياي اريد اتاكد خاف فقدت الذاكره حمدلله اتذكر..كولشي ب التفصيل وحتى تذكرت مطلوبه اعتذار ل علي ابتسمت وكولت انشاله ماانسى واعتذر له ..هي الدنيا متسوى هسه انه لو ميته شنو اخذ وياي بله من الدنيا..?

ضليت ٧ايام ب المستشفى وحالتي استقرت وحتى الخيوط رفعوهن من الجروح سمحلي الطبيب اطلع من المستشفى ريم ضلت تتعالج وسمر تكمل ١٠ ايام وتطلع سلمت عليهن واخواني واخواتي رجعو للبيت ضل وياي بس بابا وماما كملت الاجراءات وغادرت المستشفى..وبابا اخذ لي اجازه مرضيه ١٤ يوم وقبل لا اسافر ل اهلي اتصلت على دنيا لان طالعه من المستشفى مشفتها..سلمت عليها وتحمدت الها ب السلامه..وصعدنه ب السياره ل بيت اهلي بمحافضتي..كنت تعبانه نمت بحضن ماما وبابا دايسوق السياره ..

هدى..هاي شنو الصحراء اول مرى اشوفها بس تخوف قاحله لويش محد وياي انه خايفه شنو ذاك الخيال مريه واكفه خل اروح الها منو هاي

ام ليث ..ها دكتورة اشو كثرن ضوجاتج الطفل مات تحت ايدج وصديقاتج ت**رن والثالثه اجهضت وانتي سلمتي ب المعجزه شنو المشكله?

هدى..(مدري لويش احس خايفه من نبرة كلام ام ليث .)زين انه وين هسه ام ليث فدوه عطشانه بابا ماما ..وين ام ليث ام ليث....ام لييييييييث?

اسم الله بنتي..شبيج ماما هدى انتي داتحلمين زين منو هاي ام ليث..

هدى..فزيت كلبي يخفق خايفه مدافهم شصاير لويش ام ليث تجي ب احلامي..لا ماما ماكو شي كابوس بس ام ليث هذي عاملة تنضيف مسكينه اسولف لج قصتها من ارتاح..?

وصلنه للبيت ونزلت من السياره تعبانه احس جسمي مت**ر وراسي صداع ومزاجي حاد اووووف بس لا الدم اللي داروه الي من واحد عصبي الله لا يسويها ...?

منو تبرع ب الدم ل دكتورة هدى..

البارت14

دخلت ل بيت اهلي وبنات عمتي تلگني والاقارب تتحمدلي ب السلامه وبصراحه هذا الحادث كان فرصه اخلص ١٤ يوم يم اهلي مشتاقه الهم الله يامحله اللمه..?.

..... ?️?️?️?️?️?️

أم جد رحت للمستشفى حتى اسأل على دكتورة هدى..وعرفت انو هي طلعت امس..طبعا انه كل يوم اجي بسكته اطمئن عليها بدون مااحد يعرف حتى هي متعرف..ب الليله اللي شفتها ب السوق كلبي كان حاس اكو شي ف طلعت وراهن ب السياره وشفت الحادثه ب التفصيل وانه اللي صعدت ب الاسعاف اللي نقلو بيها الدكتوره للمستشفى وضليت يمها لحد ماجوي عائلتها ..وانه اللي تبرعت ب ٢ بطل دم الها (بس مو تگولوها عفيه الحچي بيناتنه)?

رجعت للمختبر شفت علي ضايج ومهموم وطبعا علي همات عرف ب الحادثه بس ثالث يوم

علي..امجد وين عفت الدوام وطلعت تسخت ?

امجد.اسف?

علي..وانه شسوي ب الاسف خليها الك نكعها واشرب المي مالها..يله اشتغل ذول التحاليل مستعجلين

امجد..والله مالي خلگ روحي طافره?

علي..شبيك شصاير منو ميت لك

امجد..اسم الله يومي قبل يومها..(خب حضي هم فلت ال**ني)?

علي..منو هي

امجد ..اهوووو شبيك تلزگ بالكلمه..بابا انطيني التحاليل اشتغلهم ?

علي..وين كنت امجد؟ بروح ابوك كولي الصدوك

امجد..كنت بالمستشفى العام..اشوف دكتورة هدى كالو طالعه للبيت اجازه ١٤ يوم?

علي..وانت المن رحت بله بصفتك شنو هو انه وما وصلت

امجد.. بصفتي زمليها وهي انسانه مشفنه منها بس الخير اولا ثاني ونت شنو يابه ابوها عمها خطيبها .اسكوت ولا تحلم زايد?

علي..احس نار اشتعلت بص*ري..الايام الجايه تثبت لك شون رح تحبني اكثر من ابوها وعمها...

..امجد عفت علي يهذي ورحت اشتغل بالمختبر

?️?️?️?️?️?️?️?️

هدى ساعه ب ١١ باليل دخلت غرفتي لان تعبانه واريد انام حطيت راسي على المخده وبس غمضت رن الموبايل..رقم غريب منو هذا? بله خاف وحدى من البنات بالدوام يله ارود شخسرانه

هدى..الو مرحبا

المتصل..هلاو دكتوره الف حمدلله على السلامه مشتوفين شر

هدى..الله يسلمك..بس عفوا معرفت منو

المتصل..يعني لازم تعرفين

هدى..طبعا لعد شلون

المتصل..انه علي اللي بالمختبر تذكريني

هدى...هههههاا طبعا اتذكرك قابل فقدت الذاكره

علي..(اخ بويه صوتها يشل شل?)المهم انشاله صرتي احسن .انه اعتذر لان مزرتج بالمستشفى لان ترددت كولت خاف تنزعجين

هدى..لا ماكو ازعاج وشي لخ .ترى انه اللي اعتذر يوم صعدت لي لطابق جبت التحاليل طلعت وتركتك ب الغرفه حتى بدون استئذان بس تعرف الوضع بعد

علي..احم احم..عادي مصار شي?

هدى..(شبيه هذا رد من وره خشمه اشتغل التفيك لو ادري ممعتذره عود مثل امجد ضحكته تارسه وجهه)المهم شكرا على السؤال علي بس انت من وين جبت رقمي

علي..جبته من لوحة الارقام عالميز مالتج?

هدى ...اهااا اي صح رقمي موجود عاللوحه

علي..يمته تداومين ترى والله اشتاقينه لوجودج بيناتنه

هدى..بس تخلص اجازتي اخذت ١٤ يوم مرضيه اداوم انشاله

علي..سويلي تاك من تداومين حتى اعرف?

هدى..شنو (هذا شبيه اشو بده يطلع زايد)

علي ..لا هيج اشاقه بس والله بصراحه انه اريد اشوفج

هدى..علي انت بيك شي

علي..اي بيه اشياء سالبه النوم من عيوني♥️

هدى..حسيت بدوار حسيت كولشي بالغرفه بالمقلوب كلمات علي سطرتني..غلقت الموبايل بوجهه ..

علي والله ماادري شلون اخذتني الميانه وطلعت الكلمات من بين اسناني موبيدي خل اتصل اصلح الموقف اتصلت عليها اشو الجهاز مغلق.اااوف ياربي شسويت انه

امجد شفت علي يخابر ب الممر وفرحان اشو من دخل للمختبر وجهه يتلاطم وازرك وضايج روحه فايره...( شبیه هذا مخبل ساعه يضحك ساعه يضوج ساعه يتعارك ساعه يهدأ)

أ)

?️?️?️?️?️?️?️

هدى ثاني يوم اتصل عليه علي واعتذر وانه هم مال قلبي اله وسولفنه وضحكنه وبديت اسئله ويسئلني طلع ممتزوج ولا خاطب ولا يحب حسب كلامه طبعا.وضلينه نسولف لنص الليل واستمريت اسولف ويا كل يوم وتعودت عليه وعلى سوالفه ساعات حباب ?وساعات مغرور وعنودي ?...

علي.صدوك دخلت بكلبي حبابه وطيبه وضليت كل يوم اخابرها سوالفها تجنن مينشبع من صوتهه..

اجازتي على وشك الانتهاء بعد يومين اداوم اشتاقيت لدوام وللاطفال و للبنات..وبعد

مااعرف المن اشتاقيت.....

البارت15

خلصت اجازتي وجهزت جنطتي وماما مقصرت طبخت وسلفنت ومن الصبح ودعت اهلي? وصعدت انه واخوي وبابا وانطلقت بينه السياره للمحافضه اللي بيها دوامي..

أمجد..اشوف علي اليوم فرحان ومتونس وحتى ملابس جديده مهتم بنفسه زايد والحلقه نازعهه? يارب سترك شنو عده موعد غرامي الليله..

هدى..وصلت لسكن الاطباء ودعت بابا واخوي وحذروني من الطلعه كولش..دخلت على السكن سلمت على البنات ريم بعدها بالمستشفى ودنيا اجازه ٤٠ يوم وضع.?.وسمر مداومه المهم اكلنه وشربنه وضحكنه حلوه اللمه بس ناقص ريم ودنيا المهم..لازم انام ساعه? لان عندي دوام نايت يبدي ساعه ١٢ باليل وفعلا حطيت راسي ونمت ساعه ١١ باليل كعدت لبست واخذت سماعتي وكتاب وطلعت للمستشفى دخلت لقسم الاطفال وستلمت من المناوبه الخفر وسئلت على وداد كالن الممرضات وداد باجر خفارتها

رحت جيكت على المرضى عندي ١٦ مريض متوزعين بالردهات الوضع مستقر مبيهم حاله تعبانه ساعه⏰ ١٢ ونص تقريبا كعدت بغرفة العلاج اقره كتاب والباب مفتوح ..مرحباااا

ا

اسئلك

علي..عيفني وك رح ينكطع نفسي..والله العضيم مطالع اتونس وياها هي كالت اخذني للمستشفى العام اريد اشوف الدكتوره ريم ب ال**ور بس انه حبيت احرك على كلبك..♥️

امجد..اطلع ماريد اشوف وجهك روح ل جهنم بس اياني وياك يلعب براسك الشيطان وتمس شعره من شعرها والله ل سويك ٧ وصل وادفن كل وصله بديره سزز جبان ..?

علي عدلت ملابسي وغسلت وجهي (هذا المخبل شسوه بيه لو شايفني وي اخته شسوه )بس اول مرى بحياتي اجرب عصبية امجد انوب قوي وصلت اموت بين اديه خل اطلع ل هدى واخذها لصديقتها والخفاره الجايه اتصالح ويا والله مااكدر عله زعله..

هدى..خلص دوامي وطلعت الصبح انه وعلي نروح نشوف ريم شخبارهم..وصلت الها وضعها ميسر لا عدو ولا صديق ومع ذلك عدها عادي ولا مهتمه ..

ريم..لج هدى شعندج وي علي ?

هدى..معندي شي مجرد صديق

ريم..اي عفيه لتتقربين من الناس ترى ماكو ثقه?

هدى..شنو السالفه تحجين على اهل منطقتج

ريم..هاي الحقيقه المهم شلونه الدوام شلونه وداد صديقتج

هدى.الكل بس وداد اليوم تداوم البارحه مشفتها لان مو خفارتها..بس الممرضات و ام ليث جت سلمت عليه يعني ل تخافين انه عندي ناس ثقه

ريم ..ام ليث اي اي.. الحمد لله يديم الثقه انشاله?

هدى..المهم يمته نشوفج بيناتنه

ريم..اووووو سالفتي تطول وراي رحلة العلاج الطبيعي على الاقل سنه

هدى..اف اف..الله يكومج ب السلامه انه استئذن حبي

.....

رجعت ل سكن الاطباء وعلي طلع للبيت لان انتهت خفارته وامجد همات ب** وطلع..

ثاني يوم..الصبح صعدت ل طابق دخلت غرفة العلاج لكيت كتاب نقلي ل قسم الخدج العلوي الملوث حاطيه عالميز..تباوعت ودمعت عيوني? ياربي تعودت على قسم الاطفال وعلى البنات وعلى كولشي يله الله كريم..التسهيل من الله اكيد هم رح احبه واتاقلم..طلعت تلفوني وتصلت على بابا? وحجيت وي ماما سئلتهم..كالو الوضع الامني كولش مو مستقر حاولي جهدج تقدمين كتاب نقل نريد نأمن عليج كافي تعبنه نفكر بيج ليل ونهار..

اووف يربي متى تأذن لنار العراق وتصير برد وسلام

غلقت الموبايل ?

واخذت الامر الادراي ونزلت لذاتيه حتى اكمل اجراءات نقلي واني امشي ب الممر

هدى ..صباحو ام ليث ينطيج العافيه

ام ليث ..صباح الخيرات الله يعافيج على خير شنو هذي الورقه البيدج

هدى..هذا الامر الاداري نقلي للخدج الملوث

ام ليث..هااا بيها الخير

هدى ..تسلمين من رخصتج مستعجله سلام

مرات الص