حياتي كلها

الفصل 18

الفصل 18

ب...❤

.......طلعت من قسم الخدج العلوي وجابني رجليه على المختبر طبعا هذا الكلام الصبح يعني علي وامجد مموجودين لان دوامهم خفارات مسائي..ف لكيت منتسبين مااعرفهم كنت مجهزه بيتين شعر ل علي ..كتبتهم والله بكل مشاعري واحاسيسي

اول مرى حبيت بحياتي❤

وياريت ميته ولا شفت اللي شفته?

ماقدّر محبتي وبكل صلافة عين?

واگف گبالي ويدير بحلقته..?

عفت هاي الورقه عالميز ..وكتبت عليها اسمي وتوقيعي.........تصل الى يد علي وفي امان الله..

طلعت من المختبر..وجهزت كل شغلاتي واليوم بابا واخوي جاي ياخذني وكفت باب السكن اشم هوى منو هذا

امجد.دكتوره جيت اودعج والدمعه ترست عيني? مسيطرت على نفسي

هدى..هاا امجد ودمعت عيني?...يله لكولشي نهايه

امجد.بس ...بس..والله اكو نهايات ممكن تكون احلى

هدى..شلون يعني؟?

امجد..هيج ماكو شي اقصد انتي تعبتي هنايه يله اتمنى لج التوفيق ..وهاي الرساله✉ من توصلين لبيت اهلج وترتاحين اقريها كتبتها الج...

هدى...شوكرا..يالشاعر بس ادري رح ابجي لان بيها فراق وداع?

امجد..لالا مو قصدي انزل دموعج يله اتمنه الج حياة سعيده وبريني الذمه والشهاده لله مشفنه منج بس الطيبه ..وقبل لاامشي ترى اني همات كملت اوراقي فد كم يوم والتحق ب التطوع

هدى...شنو امجد تذب نفسك بالموت ?

امجد...هي الشهاده هم تنحسب موت بعدين لتخافين اذا الله كاتبلي عمر اعيشه يله سلام هدى سلام

هدى..والله حسيت الدنيا سوده بوجهي?..ماعرف شصار بيه ..ومن كال هدى بلا دكتوره احس كلبي❤ طلع من مكانه المهم ودعته ودخلت وضميت الرساله بجنطتي ...مرت الساعات وصل بابا واخوي صعدت جناطي وسلمت بيدي على المستشفى والدموع بعيني .?.اااخ ياذكرياتي البيج خلصت صح سوده بس من فاركتها احس نص الحيل هدت..ومشت السياره وبديت ابتعد وعيني مبطلت دموع ?عدت شريط ذكرياتي من اجيت خايفه اول يوم لحد ماهسه انه كتاب نقلي بيدي .?.

علي...والله صعدت على الطابق الثاني وراقبت سيارة هدى حد ماختفت عن عيني والدموع ماوكفت? وحسيت بنفسي جبان وحقير لان مكدرت اوجهها واعتذر منها مشت وهي شايله بخاطرها عليه?..

المهم...وصلت لعائلتي وماما وبنات عمتي والكل تلكوني ب الجوكليت ?????والهلاهل والورد عبالك راجعه من الحرب وخلصنه ليلة من الف ليلة وليلة والكل فرحان بنقلتي..???✨??.ومانمت لصبح ثاني يوم خلصته نايمه ..كعدت وسبحت واكلت ورى العشا فتحت جنطتي ياااا رسالة امجد فتحتها قصيده ٣٠ بيت شعر يشرح بيها حبه الي ..وكاتبلي بذ*ل الرساله حبيتج ✉الى درجه خلتني اسكت وابتعد عنج واهج خاف أاذيج بسبب محبتي خفت عليج من نفسي وكل دقيقه خلصتيها وي علي كانت تمر عليه بسنه وطلع شيب براسي وصبغته ...وهسه ماريد شي منج بس اريد تديرين بالج على نفسج والله يوفقج وانه اذا استشهدت بعد هاي هيه ?واذا كتبلي الله عمر صح اتزوج بس ثقي وصدكيني مراح انساج ولارح احب غيرج.❤?.مع السلامه امجد..??

ماعرفت ابجي ?اضحك? اصرخ? الطم..?متت شعور لايوصف لك وانه اكول شبيهم الي وامجد حركاتهم ب الالغاز..المهم بعد شي صار وجرى وانا عميه شفت بس علي كدامي..عموما اتمنه التوفيق ل امجد..??

الاحداث الاخيرة مر شهر تقريبا وكملنه الجوازات وطلعنه لدولة كندة وهمات سافرنه من كندة ل دوله لخ بس ضليت على تواصل وي اخبار المستشفى من صديقاتي سمر ودنيا وداد .

بعد سنتين سمعت المستشفى نقصفت وصارت ملحمه..وربع المنتسبين ماتو شهداء? واكو ممرضات اعرفهن همات راحن للاسف? ومرضى نساء واطفال ?وسئلت على شمعه ام ليث راحت شهيده ...????

ومرت ٣ سنوات اتصل عليه علي..واعتذر ونطق كلمة احبج... وطلب السماح بس فات الوقت ياعلي غلقت الموبايل وانطيته حضر...?

واخبار امجد..تزوج وعنده طفل?

ريم..تشافت تماما ورجعت لعملها درست ماجستير?

سمر ..تزوجت وحامل❤?‍?

دنيا..صار عدها توام بنات?‍?‍?

وداد.تزوجت وتطلقت ?

وانه حاليا خارج العراق..واكتب الكم وعيوني متروسه دموع.?.واتمنى القصه عجبتكم واتمنى تستفادون عمرها المضاهر ماكانت مقياس واهم شي العاقبه ..اهم شي طيبة القلب ..

❤الانقياء اذا جرحهم احد..ذهبو من غير رجعه.❤....

اتمنى القصه عجبتكم شكرا لكم من علق ودعم

.................??مع تحياتي

البارت...#الاخير..

بدموعي قلت لهم وداعا

هدى...عجيب صدق او لا تصدق هاي شنو فلم هندي والله كون يعرضوه فلم رعب ?كان اخذ المرتبه الاولى بدور السينما..عموما سلمت على ام ليث وشبكت عليها ومن ردت اطلع نطيتها ٢٥ الف وانطيتها كفي الايمن...لاول مرى اسويها.

هدى..ام ليث طلب اخير اقريلي الكف

ام ليث..رجعي فلوسج لجنطتج ب الاول

هدى..بس هاي هديه?

ام ليث..شكرا وجودك وياي بهاي اللحضه هي اكبر هديه ..

خل اقره كفج..شوفي دكتوره رح تنتقلين منا وتطلعين مقهوره وم**ورة خاطر بس هذا قدرج تحملي وصبري ورح يجتمع شملج بعائلتج ورح تسافرون خارج العراق وتستقرون بدوله بعيده..وعمرج مراح تعيشين قصة حب

هدى...اااوف فرحتيني والله التقي بعائلتي اهم شي وقصة الحب انه اصلا بعد مااح

مني ب الخيانه والصلافه اللي عاملني بيها ولمت نفسي على الثقه ..المهم امر نقلي رفعوه لدائره واجت الموافقه..وكملت معاملة نقلي. وحان وقت الوداع الاخير?..رحت ل ريم بمركز العلاج الطبيعي اكو بجالتها تحسن وساعه نتوداع ونبجي وطبعا وعدتها نتواصل...ودعت سمر ودنيا وكل زميلاتي ب السكن...ورحت للمستشفى وبديت اودع المنتسبين ب العمليات والطوارئ وصعدت ل الطابق العلوي ودعت البنات بقسم النسائيه وسلمت حتى على المريضات ولو مااعرفهن..وتمنيت الهن الشفاء..ودخلت قسم الاطفال وداد منتضره ب الباب شبكت عليه ودموعها عشره عشره.

وداد..شلون نفاركج دكتوره شلون ?

هدى..حبي شبيدي تعرفين الوضع واهلي مسافرين

وداد..لاتبررين ولا تحجين خليني اشبع منج ابوسج والله ماادري شلون اتحمل الطابق بدون شوفتج..?

...**رت كلبي وداد ?..عموما توجهت للخدج العلوي الملوث..وفتحت الباب وهنا تسكب العبرات? سلمت على الممرضات كولهن وعلى المريضات ودعت الكل الا ام ليث شمعه اريد اودعها بشكل خاص..?

شمعه..هااا دكتوره كولش مبيج امل تضلين?

هدى..لا والله يم ليث خلاص ٣ ايام اكمل الاجراءات وبراءة الذمه واسافر.بس قبل لااسافر وانه بعد طالعه للخارج احلفج ب روح ليث تسولفيلي شنو انتي ومنو ام ليث اللي شفتها ب الاطفال وشبيه الطابق كولشي بيه مو طبيعي لويش اسمع الاطفال يبجون واطلع كولشي ماالكه ..لويش الاطفال يختفون هاي الاسئله اريد اعرف اجابتها قبل لااطلع

ام ليث..اوف يادكتوره مدام حلفتيني بروح ابني رح اسولف لج الحقيقه..?بس ذمه بركبتج ميطلع حرف الا بعد مااموت...?

هدى..سولفي وانه انطيج وعد ماافتح حلكي بكلمه منا لمن بعد عمر طويل الج اذا توفيتي اسم الله عليج?

..ام ليث..انه شمعه ومثل متعرفين ربيت بهذي المستشفى وشتغلت صالة وعمليات وكنت اتحسر كولما اشوف شابه تجيب احسد المتزوجات العايشات ببيوت وعدهن رجال. ودائما ادعي على نفسي وبيوم من الايام جتي شابه للمستشفى جابت ولد وعافته ومشت وانه اخذته وربيته وضل عندي سنه ومات? اختنك بممة الحليب..وحزنت عليه حزن شديد. الى درجة مرت عليه فترة ماانام الليل صارو يصيحولي المخبله اسولف وي نفسي واضحك واسولف وامشي حتى وانه نايمه..و بليلة من الليالي رحت للحمامات? ب اليل دخلت وكفت باب التواليت محسيت الا مريه جبيرة بالعمر بوجهها وحمه دفعتني وشمرتني ب قاعدة التواليت? بالنكاسه وسبحتني ب المي بعدين انطتني ايدها وكومتني وكالت فوتي شطفي دخلت للحمام وشطفت جسمي سبع مرات وشمرت عليه شيله وثوب اسود من ورى الباب لبست وطلعت دورت عليها وين اختفت مالها اثر انه رجعت للغرفه وردت انام مكدرت ضلت صورة المره اللي بوجهها وحمه تطاردني ومرت الايام كولما اوكع بشده تجيني ب الحلم ترشدني شلون اطلع منها وكلما احد يسئلني على شي بس انام تجيني ب الحلم وتكولي الحل كيت وكيت معرفت شنو فلمها ?ضلت تطاردني سنين وكولما اسئلها منو انتي ..تجاوبني تكول انه انتي انه مثلج انه ونتي واحد.بس انه روح وانتي بشر ..انه روحي بالطابق العلوي ساكنه اراقب كولشي يصير واذا تردين تشوفيني تعاي للحمامات..مرت الشهور والسنين وصرت احس المريه ام الوحمه سيطرت اليه تماما وصرت مثلها اراقب الناس واعرف كولشي..حتى علاقاتج ب علي اعرفها قبل لاتكولين.المنتسبين كامو يخافون مني بس بيهم يجون اكشف الهم واقره الكف وافسر احلامهم بس مع ذلك من يشوفوني يبتعدون الكل يتكفه شري وصارو يسمون الطابق مسكون ?وب الاخص الخدج الملوث حتى الممرضات يجيبون نسوان كبار والدكتورات شكو تعيين جديد يحطوها واي موضف يتعاقب يدزوه للخدج ..لان فعلا الخدج مسكون ب ارواح والاطفال اللي يبجون مالهم وجود ذول مجرد ارواح تائهه..والطفل اللي انفقد هذا كان روح من شاف الاطفال ميتين جه وصار بصفهم .?.هاي الحقيقه لان هذا المستشفى هو بؤرة للاطفال اللي يموتون قبل ليفتحو عيونهم عالحياة.?.والمنتسبين القدامى ترى يعرفون ب الوضع بس محد يكول .وصار سنتين مشايفه المريه ام الوحمه...منا لمن انت كولتيلي انك شفتيها ب الاطفال تعجبت وتفاجاة معناتهه هي تريد تخليج تصيرين مثلي ف عاشت ايدج من قدمتي نقل بس تضلين هنا بهذا الطابق تتخبلين لاانتي انسانه نضيفه..?

........يتبع✍