“IBIG SABIHIN, NANGHIHINA ako kapag hawak kita? At ako lang ang kayang humawak sa ‘yo?” mga katanungan ko, nakaupo kami ni Sunshine sa hagdan sa labas ng bahay habang pinagmamasdan ko ang aking kanang palad. “Seryoso ba talaga ‘to?”
Hinawakan ni Sunshine ang palad ko at nagliwanag ang mga palad namin. “At umiilaw ang mga palad natin kapag magkahawak. Lukas, ikaw nga ang sinag ko. Ikaw ang sasagip sa ‘kin,” sabi niya at nagkatinginan kaming dalawa.
Binawi ko ang kamay ko. “Pero sa paanong paraan? Pa’no kita ililigtas?”
“Hindi ko alam?” Mas hinigpitan niya ang hawak niya sa kamay ko. “Pero, Lukas, kapag hawak mo ako, nagkakaroon ako ng katawan at nararamdaman ko ang init sa loob ko, nagiging tao ako. Nabubuhay ako, Lukas.”
“Naramdaman ko rin ang pag-init ng kamay mo, na parang buhay ka n
