Habang nagluluto ang Nanay niya sa may kusina ay pinuntahan niya ito. Marahan niya itong niyakap mula sa may likuran at hinalikan sa may pisngi. "Thank you, Nanay. I am so happy," masayang sabi niya rito.
Marahan naman itong humiwalay sa kan'ya pagkatapos ay humarap.
Ngayon niya lang ganap na natitigan ang nanay niya. Hindi na rin pala ito bumabata. Gaano katagal na ba ang huling beses na nayakap niya ang nanay niya? He knows na nasasaktan ito dahil hindi siya nakikinig dito tungkol kay Madisson pero what can he do? Mahal na mahal niya ang babae.
"Gusto ko sanang humingi ng tawad sa iyo, Anak," malungkot na sabi nito.
"Nay.."
"Hindi ko kasi inisip kung ano ang nararamdaman mo. Pero anak, lagi mong tatandaan na lahat ng iyon ay para sa iyo. Ayoko lang na masaktan ka ulit. Ayokong maul
