HINDI sigurado si Lia kung patay na ba ang Wakwak matapos nitong tamaan ng napakaraming bala ng baril. Matapos nitong magpagulong-gulong at tumilapon sa malayo ay nanatili na lang itong nakadapa sa lupa.
“Lia, samahan mo sila sa daan palabas. Pagtulungan niyong buksan ang harang na bato para makalabas na kayo dito,” sabi ni Kapitan Lucas habang nilalagyan nito ng bala ang hawak na baril.
“Ano?! Hindi ako lalabas ng Santicidad hangga’t hindi ko nasisigurong patay na ang halimaw na iyon!” sigaw ng babae na tinawag ng kapitan sa pangalang Lia.
“Sundin mo ako. Palabasin mo na ang dayo na iyan at sumama ka na sa kanila! Ilang sandali lang ay muling babangon ang Wakwak kaya kailangan niyo nang umalis dito.”
Wala nang nagawa si Lia kundi sundin si Kapitan Lucas. Nanguna siya sa mga dayo upang
