CHAPTER 26
AGAD akong umiwas ng tingin, paano niya iyon nagawa? Ang katawan ng babae ay hindi magagawang saluhin ang katulad niyang kapwa babae rin. Masyado akong mabigat at alam kong hindi iyon kaya gawin ni Kiarra. Masyadong lampa si Kiarra, tulad ko. Hindi siya masyadong nagbubuhat nang mabibigat, dahil nahuhulog niya ang mga ito. Kaya paano iyon nangyari?
Umurong ako ng kaunti, ayokong ipakita sa kaniya na naninibago ako sa kaniyang ginagawa, nagtataka ako oo. Ngunit iyon na lamang ang gulat ko nang humakbang ako patalikod at tila tumama ang likod ko sa mga lagayan ng libro. At ilang sandali lamang ang nangyari nang mabilis siyang lumapit sa akin. Pinikit ko ang aking mga mata saglit, ang kaba na mayroon ako ay halos hindi ko mabilang.
“F*ck,” nanlaki ang aking mga mata at napatin
