"Hoy, Shai! Saan ka nagpunta? Dinibdib mo ba ang mga sinabi namin sa iyo ni Artur?" Pagkapasok ko ay bungad ni Glenna. Lumaput siya sa akin at inamoy pa niya ako. "Amoy alak ka ah?" Ngumisi siya bigla. "Buti naman, akala ko mag-aamoy kumbento ka!"
Umismid ako at nagpatuloy pumasok papunta sa mga gamit ko. Kumuha ako ng damit. Balak kong maligo at ng maalis sa sistema ko ang amoy ni EJ.
Balak ko sanang i-preserve iyon pero huwag na. Naiinis pa rin ako sa kanya.
"Ligo muna ako. Dinapuan kasi ako ng masamang espirito. Tatanggalin ko lang nang makapagpatuloy na ako sa buhay ko!"
Napailing na napatawa si Glenna. Hindi ko na lamang siya pinansin pa.
Bihis na siya at aalis na rin yata papunta sa trabaho.
Mabilis akong tumungo sa banyo. Late na kaya hindi na ako papasok. Ite-text ko na lama
