"In fairness, ang aga ni Sir umuwi ngayon," sabi ni Annie nang puntahan sila sa may pool area. Tinutulungan niyang maglinis sina Sharon since wala ang alaga niya at wala naman siyang ibang gagawin. Pasimple niyang tinignan ang wrist watch at nakita mag aalas-singko pa lamang ng hapon.
"Eh 'di ba nga may pupuntahan sila ngayon." Pagpalaalala naman ni Abby na katulad nila ay naglilinis ng napakalawak na pool.
Napakamot ng ulo si Annie. "Ay oo nga pala, nakalimutan kong magpapa-bulacan pala sila, " anito na tila natatawa pa.
"Makakalimutin ka na, Annie. Dapat ka ng mag-inom ng pampatalas ng isip, " biro ni Sharon. Inismiran lamang ito ng huli.
"Uy, ipagtimpla mo ng kape si Sir Leon," pagkaraan ay sabi ni Annie na binalingan siya. Ngising-ngisi ito sa kanya.
"Teka, bakit ako? Atsaka
