Charlotte
“Relax Lot, dapat ay huwag mo ipakita sa kanila na kinakabahan ka. Dapat ay ipakita mo sa kanila kung gaano mo kamahal si Nathaniel,” payo ni Marjorie.
Nasa Salon ako ni Marjorie ngayon para magpaayos. Ngayong gabi na kasi ako ipapakilala ni Nathaniel sa parents niya. Noon na excite ako nang sabihin niya na gusto niya ako ipakilala dahil ibig sabihin ay seryoso talaga siya sa relasyon namin. Nang sabihin niya sa akin last week na dumating na ang parents niya mula sa bakasyon ay nakaramdam na ako ng kaba at takot. Iba't ibang scenario rin ang naglalaro sa isip ko habang lumilipas ang araw. Ilang beses naman sinabi ni Nathaniel sa akin na hindi niya ako ipapakilala para makuha ang approval nila. Ang dahilan niya ay para maipakilala kung sino ang taong nagpapasaya sa kanya. Napaka
