19. Teresa
HINDI KO ALAM kung bakit kailangang ipagsikip ng dibdib ko na hindi ako ang nakauna kay Teresa. Alam ko naman kung paano ko siya nakilala.
Hindi naman niya itinago sa akin. Kahit minsan, hindi ko rin naman kayang hilingin sa kaniya na iwan iyon.
Ano ang kaya kong ipangakong kapalit? Ano ang kaya kong ibigay? Nagsisikip ang dibdib ko para sa isang bagay na hindinghindi na magbabago kahit kailan. Kung minsan, natutukso akong tanungin
siya. Sino ang una? Wala lang. Na para bang mababago noon ang pakiramdam ko. Bagaman alam ko na malaking-malaki ang posibilidad na manaliksik ako tungkol sa kung sinoman ang taong iyon sakali mang
sabihin nga niya, na alam ko namang hindi niya gagawin. Pero kung sakali nga, kung sakali lang, alam kong hindi ko mapipigilan ang sarili na alamin ang
