“SABI ko na nga ba at kayo ang magkakatuluyan. O paano, mauuna na ako. `Yong mga sinabi kong vitamins ni Jeg, ha? Bilhin mo lahat iyon at ipainom sa kanya. Mas makabubuti na dalhin mo siya sa clinic bukas. Congratulations, Keith, after six months, magiging daddy ka na,” nakangiting sabi ni Dra. Ilustre. Ito ang umookupa sa katabing unit ni Jeg at ito ang kinatok ni Keith sa sobrang pag-aalala niya nang mawalan ng malay si Jeg sa mga bisig niya. Mabuti na lang at naroon ito.
Tulalang napatango na lang siya sa sinabi ni Dra. Ilustre at inihatid ito palabas ng pinto pagkatapos ay binalikan niya si Jeg sa silid nito. Natutulog ito pero nasa mukha ang pag-aalala. Para siyang sinuntok sa sikmura sa katotohanang buntis si Jeg.
God, help her! dalangin niya. Agad na nag-init ang sulok ng mga mat
