Marrying Mr. Idol

Napalingon si Michael nang may bumukas ng pinto ng band room nila. Maging ang mga kaibigan niya ay napalingon din dito. Iniluwa nito ang humahangos na si Janella. Mukhang kagagaling lang ng babaeng ito sa kung saang giyera. Magulo kasi ang buhok nito. "Mabuti naman at nagbago ang isip mo. Dahil kung hindi, sa kangkungan tayo pupulutin." malamig na wika ni Michael. "I really need to swallow my pride, mister! I need that money badly! Kung ako lang ang masusunod hindi ako magpapakasal sa'yo. You know why? Dahil napakayabang at napakamatapobre mo. Kung makaasta ka, akala mo kung sino. Palagi ka sigurong may period araw-araw!" nagtitimpi na wika ni Janella. "What did you say?! Alam mo ayan ang pinakaayaw ko sa babae. Iyang masyadong madaldal. Pinaglihi ka siguro sa pwet ng manok." He smirked. "Aba't hinahamon mo ba ako? Gusto mo ng away? Halika! Sapakan na lang tayo para masaya!" nagpupuyos  sa galit si Janella. Tumayo si Michael saka lumapit kay Janella. Itinapat niya ang mukha sa mukha ni Janella. Tapos ngumiti.  "Kahit na anong gawin mo. Sa akin pa rin ang bagsak mo. You're soon to be Mrs. Janella Christine Lorenzo-Santos. Congratulations sa ating dalawa." Nakangiting wika niya saka sumeryoso ang mukha.