SA LOOB ng dalawang araw ay naging abala sina Riya at ang mag-anak nina Manang Melda. Sumama na rin kasi ang dalawa pa nitong anak na dalaga na sina Melody at Melanie sa pag-uwi sa mansyon para sa school Christmas holiday ng mga ito. Naging mas maingay ang mansyon at kahit papaano ay napunan ang pagka-miss niya kay Ethan. Magmula kasi nang umalis ito ay ni hindi man lang nito naisipang tawagan siya o kahit man lang kumustahin ang pamangkin nito bagama’t tuwina ay nagsasabi naman si Manang Melda sa kaniya na tumatawag dito ang lalaki.
“Ganito rin ba kayo sa bahay-ampunan?” untag sa kaniya ni Melody habang ikinakabit nila ang huling dekorasyon sa may railings ng hagdan mula sa first floor pababa ng ground floor.
Bagama’t hindi niya inaasahan ang tanong na iyon ng dalaga, pinilit niyang m
