HALOS mawalan ng kulay ang mukha ni Riya nang ganap nang makalapit sa mga taong ka-meeting ng pamilya ni Ethan. Pakiramdam niya ay pansumandaling tumigil ang pagsikdo ng dibdib niya nang mapagsino ang babaeng ngayon ay titig na titig sa kaniya pagdaka’y iminutawi ang dati niyang palayaw na bagama’t hindi rinig ay alam niyang iyon ang binanggit ng dating kaibigan.
“Oh, is this your granddaughter, Vera?” singit ng matandang babae na siyang nakapagpabalik sa kasalukuyan ng kani-kanina lang ay nagpa-panic niyang diwa.
Sumingit ito sa pagitan nila ni Felicity nang laru-laruin nito ang karga niyang si Liby. Alam na alam niyang nakatitig pa rin sa kaniya ang dating kaibigan ngunit pinanatili niyang nakatingin sa ina nitong giliw na giliw kay Liby.
Lumapit din si Mrs. Vera at saka pansumandali
