ISANG malakas na tikhim ang nagpadilat kay Riya mula sa pananag-inip niya nang gising. Kulang na lang talaga ay magpakain siya sa sahig na kinatatayuan niya nang makasalubong ang namumulang mukha ni Ethan.
“You’re not expecting me to kiss you, are you?” malalim na wika nito habang nakakunot ang noo.
Bigla siyang nag-alis ng bikig sa lalamunan niya habang nanlalaki ang mga matang nakatitig sa lalaki. Sa kabila ng tila tambol na pagdagundong ng dibdib niya ay pilit niyang pinakalma ang sarili para kahit papaano naman ay hindi siya mapahiya nang todo sa kaharap.
“S-Siyempre hindi ho,” kuntodong kaila niya kahit na ramdam na ramdam niya ang lalong pag-akyat ng dugo sa mukha niya. Lumunok siya ng laway at saka ito iniwasan ng tingin bago nagpatuloy sa pagdadahilan. “H-Hindi lang ho k-kasi a
