MASARAP magluto ang si Theofilo kaya naman busog na busog si Ethan pagkatapos nilang mananghalian ng ginataang alimango na specialty ng kaibigan mula pa noong highschool sila.
Habang nagpapahinga sa sala ay nalaman niyang hiwalay na ito sa asawa na kasamahan nito sa ospital at isa ring pediatrician na kagaya nito. Third party. Iyon daw ang dahilan ng paghihiwalay ng mga ito at kasalukuyan ay nasa proseso ng annulment. Theofilo’s wife had an affair with the father of her regular patient. Hindi sana malalaman ng kaibigan niya na iniiputan na ng babae ang ulo ng asawa kung hindi sumugod sa ospital ang asawa ng lalaking kinakalantari nito. Hindi raw inaasahan ni Theofilo na iyon lang pala ang umpisa ng pagkabunyag ng kalokohan ng asawa nito. Nalaman nito na hindi pala iyon ang unang pagkakat
