Valeen's POV
Nang dumating kami sa bahay ay nagulat pa kami ni Dave nang madatnan namin sina Sir Mavy, Ma'am Candis at Ate Mimi na nagtatawanan sa sala. Nanlaki ang mga mata ko. Nakabalik na pala si Ate Mimi!
"Oh, Hi, Kids! Nandito si Mimi kasama ang chikiting niya!" nakangiting sabi ni Ma'am Candis. Mukhang hindi pa siya ulit babalik sa pagtatrabaho. Bumisita lang yata. Nakangiting bumaling si Ate Mimi sa amin at kumunot ang noo sa akin.
"Valeen? Grabe lalo kang gumanda, a!" sabi nito at nginitian din si Dave. "Kamusta, Dave?" tanong nito.
"I'm good, ate Mimi," simpleng sagot ni Dave. Nahihiyang ngumiti ako. Tumawa si Ma'am Candis.
"Nakakahawa talaga kapag may maganda kang kasama," tawa ni Ma'am Candis. Sabay na napa "Tsss" sina Dave at Sir Mavy kaya natawa kami ni Ate Mimi. Pinandil
