Alas-otso ng gabi. Balak ko na sanang mahiga sa kama nang marinig ko ang ugong ng sasakyan sa labas ng bahay. Kaya marahan akong sumilip sa bintana upang tingnan si Jeff.
Ganito na lamang ako sa aking asawa hanggang tingin na lamang ba? Napansin ko'y parang lasing ito. Saan kaya ito nag-inom? Malungkot akong umalis sa harap ng binata para bumalik sa kama.
Hindi pa ako nakakahiga nang bumukas ang pinto ng silid namin at pumasok si Jeff. Tama nga ang hinala ko na lasing ito.
"Ohhh! Bakit gising ka pa?" tanong nito sa akin.
May tuwa sa aking puso dahil sa simpleng tanong nito. Ngayon lang ako tinanong nito, ilang buwan na rin ang nakakalipas mula nang mawala ang anak ko.
"Matutulog pa lang ako. K-kumain ka na ba?" tanong ko.
Wala akong narinig na salita mula sa lalaki. Lumapit ito sa
