GAEA'S P.O.V:
WALA akong nagawa nang sapilitan akong isakay ni ate Lexie sa kanilang sasakyan at magkasama kaming tatlo na tinatahak ang kalsada pauwi sa kanilang tahanan.
"Ate, ano po ang ginagawa ni Deo doon sa bahay?" basag ko sa katahimikan namin at bahagya akong nilingon ni ate Lexie.
"Tinawagan ko dahil may pag-uusapan kaming dalawa ngunit nang makapasok siya sa bahay ay doon namin narinig ang sigaw mo kaya nagmadali kaming puntahan ka at nakalimutan ko ang pakay ko sa kanya."
Napalingon na lang ako sa likuran kung saan nakasunod ang sasakyan ni Deo at pakiramdam ko handa nyang banggain ang kung sino mang haharang sa dinaraanan niya.
"Bakit hindi ka man lang tumakbo o humingi agad ng tulong sa amin?" dugtong pa ni ate Lexie dahilan para manliit ako sa aking kinauupuan.
"S-Sinub
